ក្នុងសន្និសីទសារព័ត៌មានមួយកាលពីថ្ងៃទី១៣ មីនា នៅក្រុងប៉េកាំង ក្រោយសម័យប្រជុំប្រចាំឆ្នាំរបស់សភាប្រជាជនចិន នាយករដ្ឋមន្ត្រីចិន លោក LI KEQIANG ថ្លែងថា ចិននឹងបង្ហាញពីការមិនត្រាប្រណីដាច់ខាតចំពោះបណ្តាមន្ត្រីពុករលួយ ទោះបីកាន់តំណែងថ្នាក់ណាក៏ដោយ ។
ក្នុងសន្និសីទសារព័ត៌មានមួយកាលពីថ្ងៃទី១៣ មីនា នៅក្រុងប៉េកាំង ក្រោយសម័យប្រជុំប្រចាំឆ្នាំរបស់សភាប្រជាជនចិន នាយករដ្ឋមន្ត្រីចិន លោក LI KEQIANG ថ្លែងថា ចិននឹងបង្ហាញពីការមិនត្រាប្រណីដាច់ខាតចំពោះបណ្តាមន្ត្រីពុករលួយ ទោះបីកាន់តំណែងថ្នាក់ណាក៏ដោយ ។
លោកគូសបញ្ជាក់ថា ចិនជាប្រទេសនីតិរដ្ឋ។ ទោះកាន់តំណែងថ្នាក់ណាក៏ដោយ ជនណាដែលរំលោភបំពានលើវិន័យបក្ស និងច្បាប់របស់ប្រទេស នឹងត្រូវទទួលទោស ។ យើងទាំងអស់គ្នាសុទ្ធតែមានសិទ្ធិស្មើភាពចំពោះមុខច្បាប់ ។ អំពើពុករលួយជាសត្រូវធម្មជាតិរបស់រដ្ឋាភិបាល និងប្រជាជន ។ លោកបន្តថា យើងត្រូវដាក់ការអនុវត្តអំណាច និងការប្រើប្រាស់បណ្តាមូលនិធិសាធារណៈ ឱ្យស្ថិតក្រោមការត្រួតពិនិត្យ ។
លោក LI KEQIANG ថ្លែងថា បក្សកុំមុយនីស្តចិន និងរដ្ឋាភិបាលចិន ប្តេជ្ញាចិត្តម៉ឺងម៉ាត់ តស៊ូប្រឆាំងអំពើពុករលួយ រួចរឿងនោះស្ថិតនៅជាជំហររបស់យើងជានិច្ច ។ រដ្ឋាភិបាលនឹងធ្វើសវនកម្មពេញលេញលើវិស័យទាំងឡាយ ដែលសាធារណជនមានការចាប់អារម្មណ៍ខ្លាំងបំផុត ដូចជាប្រាក់ចំណូលពីការផ្ទេរសិទ្ធិធ្វើអាជីវកម្មដីធ្លី និងការផ្ទេរកម្មសិទ្ធិបណ្តាអណ្តូងរ៉ែជាដើម ។ យើងនឹងចាត់វិធានការមួយចំនួនដើម្បីកុំឱ្យអំពើពុករលួយអាចបិទបាំងបាន ៕
ចែករំលែកព័តមាននេះ