ខេត្តក្រចេះ ៖ ដីចំណីផ្លូវនិងចំណីដីបឹងព្រែកសុទ្ឋសឹងជាដីរបស់រដ្ឋនៅជាប់បណ្តោយផ្លូវកៅស៊ូធំក្នុងទីប្រជុំជនក្រចេះ ត្រូវរងនូវការរំលោភបំពានយកពីសំណាក់ថៅកែនិងអ្នកមាន មកធ្វើជាកម្មសិទ្ឋបុគ្គលសម្រាប់អាជីវកម្ម ក្រោមលេសថាជា ការដោះដូរ និងវិនិយោគខ្នាតតូច។
ខេត្តក្រចេះ ៖ ដីចំណីផ្លូវនិងចំណីដីបឹងព្រែកសុទ្ឋសឹងជាដីរបស់រដ្ឋនៅជាប់បណ្តោយផ្លូវកៅស៊ូធំក្នុងទីប្រជុំជនក្រចេះ ត្រូវរងនូវការរំលោភបំពានយកពីសំណាក់ថៅកែនិងអ្នកមាន មកធ្វើជាកម្មសិទ្ឋបុគ្គលសម្រាប់អាជីវកម្ម ក្រោមលេសថាជា ការដោះដូរ និងវិនិយោគខ្នាតតូច។
ពលរដ្ឋ និងមន្រ្តីរាជការក្នុងខេត្ត ដែលឃ្លាំមើលបានរិះគន់និងចោទថា សព្វថ្ងៃ មានដីចំណីផ្លូវ និងដីចំណីព្រែក បឹង ជាច្រើនកន្លែងនៅក្នុងខេត្ត សុទ្ឋសឹងជាដីត្រូវប៉ាន់ និងកំពុងតែមានហាងឆេងខ្ពស់ គឺត្រូវរងការបំពានឥតឈប់ឈរ ពីសំណាក់ថៅកែធំៗក្នុងខេត្ត ក្រោមរូបភាពការដោះដូរ និងវិនិយោគខ្នាតតូច។ តែអាជ្ញាធរខេត្ត មិនមានការទទួលខុសត្រូវ បានត្រឹមតែរុញនិងឆ្លើយដាក់គ្នាទៅវិញទៅមក។
មានការចាក់ដីលុបចំណីព្រែក និងចំណីក្បាលស្ពានមួយកន្លែងតាមបណ្តោយផ្លូវជាតិលេខ៧អាក្នុងទីប្រជុំជនខេត្តក្រចេះ ត្រង់ចំណុចក្បាលស្ពានសរ ក្នុងភូមិត្រពាំងព្រីង សង្កាត់ក្រចេះ ក្រុងក្រចេះ ។ ទីតាំងមួយនេះ ត្រូវអាជ្ញាធរ បញ្ជាក់ថា ជាដីរដ្ឋតែត្រូវរងការរំលោភបំពានពីសំណាក់ថៅកែសណ្ឋាគារមួយនៅក្បែរនោះ ក្រោមលេសថា ចាក់ដីធ្វើផ្លូវ។
ការរំលោភបំពានយកដីរដ្ឋមកធ្វើជាកម្មសិទ្ឋិនេះ សម្រាប់ខេត្តក្រចេះ គឺគេចាត់ទុកថា មិនមែនជារឿងថ្មីនោះទេ បើតាមការឃ្លាំមើលពីសំណាក់ពលរដ្ឋ ក៏ដូចជារាជការក្នុងខេត្ត បានបង្ហើបថា មានដីរដ្ឋជាច្រើនកន្លែងទៀតក្នុងខេត្ត ក៏ត្រូវរងការរំលោភបំពានពីសំណាក់ អ្នកមានធំៗក្នុងខេត្ត រយៈពេលប៉ុន្មានឆ្នាំចុងក្រោយនេះ។ តែចំណាត់ការរបស់អាជ្ញាធរ ថ្នាក់ខេត្ត គឺមិនមានចំណាត់ការ បានត្រឹមតែរុញដាក់គ្នា ដោយគេសង្ស័យថា អាចមានការត្រូវរ៉ូវគ្នា ជាមួយនឹងអាជ្ញាធរ ទើបសង្ងំធ្វើដេកលក់មិនដឹងខ្លួន ៕
ចែករំលែកព័តមាននេះ