ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវដ៏គួរឱ្យភ្ញាក់ផ្អើលមួយ ខណៈដែលវិចិត្រករម្នាក់ឈ្មោះ Ani K រស់នៅក្នុងតំបន់ Kerala នៃប្រទេសឥណ្ឌា បានប្រើប្រាស់វិធីសាស្ត្រក្នុងការគូគំនូរខុសពីវិចិត្រករដទៃទៀត ពោលគឺគាត់បានប្រើអណ្តាតរបស់គាត់ ដើម្បីគូគំនូរ ។ ការប្រើប្រាស់អណ្តាតយកមកគូសវាសនៅលើផ្ទាំងក្រណាត់បង្កើតបានជារូបគំនូរ គឺពិតជាគួរឱ្យមានការភ្ញាក់ផ្អើល
ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវដ៏គួរឱ្យភ្ញាក់ផ្អើលមួយ ខណៈដែលវិចិត្រករម្នាក់ឈ្មោះ Ani K រស់នៅក្នុងតំបន់ Kerala នៃប្រទេសឥណ្ឌា បានប្រើប្រាស់វិធីសាស្ត្រក្នុងការគូគំនូរខុសពីវិចិត្រករដទៃទៀត ពោលគឺគាត់បានប្រើអណ្តាតរបស់គាត់ ដើម្បីគូគំនូរ ។ ការប្រើប្រាស់អណ្តាតយកមកគូសវាសនៅលើផ្ទាំងក្រណាត់បង្កើតបានជារូបគំនូរ គឺពិតជាគួរឱ្យមានការភ្ញាក់ផ្អើលយ៉ាងខ្លាំង ព្រោះវិចិត្រករទូទៅជាធម្មតាគេតែងតែយកដៃកាន់ជក់ ដើម្បីគូគំនូរ។ សកម្មភាពគូគំនូររបស់លោក Ani K ពិតជាទទួលបានការចាប់អារម្មណ៍យ៉ាងខ្លាំង ស្របពេលដែលគេធ្វើការចែកចាយវីដេអូខ្លីៗដែលបង្ហាញពីសមត្ថភាពគូគំនូររបស់គាត់ ។
លោក Ani K បាននិយាយរៀបរាប់ប្រាប់អ្នកសារព័ត៌មានថា «សព្វថ្ងៃគាត់ជាវិចិត្រករ និងជាគ្រូបង្រៀនគំនូរដល់ក្មេងជំនាន់ក្រោយៗ ។ ការប្រើប្រាស់អណ្កាតក្នុងការគូគំនូរ វាមិនមែនជាការងាយស្រួលប៉ុន្មានឡើយ សម្រាប់រូបគាត់ ព្រោះគាត់ត្រូវយកអណ្តាតទៅប៉ះនឹងថ្នាំលាបដោយផ្ទាល់ ។ ដូច្នេះវាពិតជាលំបាកណាស់ ដោយសារថ្នាំលាបពណ៌មានក្លិនអាក្រក់ និងសារធាតុគីមី ។ លោក Ani K បាននិយាយបន្ថែមទៀតថា មុននឹងចាប់ផ្តើមគូគំនូរដោយប្រើអណ្តាត គាត់គិតថា ងាយស្រួល ព្រោះគាត់មានជំនាញគូគំនូរជាច្រើនឆ្នាំមកហើយ ម្យ៉ាងសព្កវថ្ងៃគាត់ គឺគ្រូគំនូរ ប៉ុន្តែនៅពេលចាប់ផ្តើមជាលើកដំបូងគាត់សឹងតែដកថយម្តងៗទៅហើយ ដោយសារតែថ្នាំលាបមានក្លិនអាក្រក់ និងសារធាតុគីមីផង ទើបធ្វើឱ្យគាត់ក្អួតចង្អោរ ជាពិសេសបណ្តាលឱ្យគាត់ឈឺក្បាល និងឈឺរាងកាយថែមទៀតផង ។ តែគាត់បានប្តេជ្ញាចិត្តថា ទោះបីជាមានឧបសគ្គច្រើនយ៉ាងណាក្តី គាត់នឹងជំនះហើយត្រូវប្រើអណ្តាត ដើម្បីគូគំនូរឱ្យបានសម្រេច ។ លុះរយៈពេលពី៣-៤សប្តាហ៍ក្រោយមកគាត់ក៏ចាប់ផ្តើមស៊ាំនឹងថ្នាំលាបនោះបន្តិចម្តងៗ ។ រាល់ស្នាដៃគំនូររបស់គាត់ទាំងអស់សុទ្ធតែមានភាពស្រស់ស្អាតមិនចាញ់វិចិត្រករទូទៅដែលគេប្រើដៃក្នុងការគូគំនូរឡើយ»។
សូមបញ្ជាក់ថា លោក Ani K មិនត្រឹមតែអាចប្រើអណ្តាត ដើម្បីគូគំនូរប៉ុណ្ណោះទេ នាពេលកន្លងមកគាត់ក៏អាចប្រើជើង ដើម្បីគូគំនូរនោះថែមទៀត ៕
ចែករំលែកព័តមាននេះ