ក្រុងព្រះសីហុន ៖ លោក ជា សំបាត់ ប្រធាននាយកដ្ឋានផែនការណ៍ស្ថិតិកំពង់ផែស្វ័យតក្រុងព្រះសីហនុមានប្រសាសន៍ថា ២ខែដើមឆ្នាំ២០១៤នេះ បរិមាណទំនិញឆ្លងកាត់ក្រុងព្រះសីហនុមានចំនួន៥៧៧.៧៣០តោន បើធៀបទៅនឹងរយៈពេលដូចគ្នាកាលពីឆ្នាំមុនមានចំនួន ៤៨៥.២២៤តោន ពោលគឺមានការកើនទ្បើងប្រមាណ១៩,០៦ភាគរយ ។
ក្រុងព្រះសីហុន ៖ លោក ជា សំបាត់ ប្រធាននាយកដ្ឋានផែនការណ៍ស្ថិតិកំពង់ផែស្វ័យតក្រុងព្រះសីហនុមានប្រសាសន៍ថា ២ខែដើមឆ្នាំ២០១៤នេះ បរិមាណទំនិញឆ្លងកាត់ក្រុងព្រះសីហនុមានចំនួន៥៧៧.៧៣០តោន បើធៀបទៅនឹងរយៈពេលដូចគ្នាកាលពីឆ្នាំមុនមានចំនួន ៤៨៥.២២៤តោន ពោលគឺមានការកើនទ្បើងប្រមាណ១៩,០៦ភាគរយ ។
ការកើនទ្បើងនេះ ដោយសារវិស័យនាំចេញអង្ករកម្ពុជាទៅបរទេសមានចំនួនច្រើន ហើយនៅពេលថ្មីៗកំពង់ផែស្វ័យតក្រុងព្រះសីហនុ ក៏បានធ្វើការរៀបចំកន្លែងសម្រាប់ការលើកដាក់កុងតឺន័រពីរថភ្លើងឱ្យមានភាពងាយស្រួល ដែលជាការរួមចំណែកបន្ថែម ដើម្បីពន្លឿននៃការនាំចេញនាំចូលឱ្យកាន់តែមានភាពរហ័សនិងកើនទ្បើងថែមទៀត ។
តាមរបាយការណ៍ស្ថិតិរបស់កំពង់ផែស្វ័យតក្រុងព្រះសីហនុ បានបង្ហាញថា ទំនិញកុងតឺន័រឆ្លងកាត់កំពង់ផែរយៈពេល២ខែដំបូងក្នុងឆ្នាំ២០១៤ មានចំនួន៣២៥,៣៨៣តោន បើធៀបទៅនឹងរយៈពេលដូចគ្នាកាលពីឆ្នាំ២០១៣ មានចំនួន២៦៦,៦៤៩តោន គឺមានការកើនទ្បើងប្រមាណ២២,០៣ភាគរយ ។ ដោយទ្បែកទំនិញទូទៅដែលបានឆ្លងកាត់ក៏មានចំនួនកើនទ្បើង៧,៥៥ភាគរយផងដែរ ចំណែកប្រេងដែលបាននាំចូលបានកើនទ្បើង១៧,៧៦ភាគរយបើធៀបទៅនឹងរយៈពេលដូចគ្នានេះ ។
របាយការណ៍បានបង្ហាញថា កម្ពុជាបាននាំចូលមានច្រើនប្រភេទតែក្នុងនោះមានទំនិញ៣ប្រភេទដូចជា គ្រឿងចក្រ លោហៈធាតុ និងទំនិញផ្សេងៗនៅ២ខែដើមឆ្នាំនេះ បើធៀបទៅនឹងឆ្នាំមុនមានការធ្លាក់ចុះ លើកលែងតែ ធ្យូងថ្ម និងប្រេង មានការកើនទ្បើង ។
សម្រាប់ការនាំចេញទៅក្នុងរយៈពេល២ខែដំបូងនេះ កម្ពុជាបាននាំចេញនៅដំទ្បូងមីបានចំនួន២៩,១៥៨តោន ។
ចំណែកទំនិញដូចជា ពោត គ្រឿងចក្រ កម្ទេចឈើ ធ្យូងថ្ម ឈើកែច្នៃ មិនបានធ្វើការនាំចេញទ្បើយ ។ ក្រៅពីនេះ ចំពោះនាវាចូលចតនៅកំពង់ផែក្រុងព្រះសីហនុនៅ២ខែដើមឆ្នាំ២០១៤ មានចំនួន១៦៦គ្រឿង បើធៀបទៅនឹងរយៈពេលដូចគ្នា ឆ្នាំមុនមាន១៧៣គ្រឿង គឺមានការធ្លាក់ចុះប្រមាណ ៤,០៥ភាគរយ ៕
ចែករំលែកព័តមាននេះ