ការធ្វើដំណើរតាមយន្តហោះអាចជាបទពិសោធន៍ដ៏លំបាកមួយ ដោយអ្នកត្រូវទៅដល់អាកាសយានដ្ឋានជាច្រើនម៉ោង មុនពេលចេញដំណើរដែលបានកំណត់ ដើម្បីសុវត្ថិភាព ។ ដូច្នេះ អ្នកត្រូវរង់ចាំរយៈពេលយូរនៅក្នុងព្រលានយន្តហោះ ។ បន្ទាប់មកនៅក្នុងជើងហោះហើរអ្នកអាចនឹងអង្គុយក្បែរអ្នកដំណើរដែលរំខាន ។…
ការធ្វើដំណើរតាមយន្តហោះអាចជាបទពិសោធន៍ដ៏លំបាកមួយ ដោយអ្នកត្រូវទៅដល់អាកាសយានដ្ឋានជាច្រើនម៉ោង មុនពេលចេញដំណើរដែលបានកំណត់ ដើម្បីសុវត្ថិភាព ។ ដូច្នេះ អ្នកត្រូវរង់ចាំរយៈពេលយូរនៅក្នុងព្រលានយន្តហោះ ។ បន្ទាប់មកនៅក្នុងជើងហោះហើរអ្នកអាចនឹងអង្គុយក្បែរអ្នកដំណើរដែលរំខាន ។
ប្រសិនបើការហោះហើរ ក្នុងរយៈចម្ងាយឆ្ងាយអ្នកនឹងមានអារម្មណ៍ចង្អៀត ។ លើសពីនេះ អាហារប្រហែលជាមិនល្អ និងជាអាហារដែលអ្នកចូលចិត្តទាំងអស់ ហើយអាចនឹងកុម្ម៉ង់តាមការចូលចិត្តរបស់អ្នកបានឡើយ ។ សម្រាប់ហេតុផលទាំងនេះអ្នកមានដែលអាចមានលទ្ធភាពទិញយន្តហោះឯកជនផ្ទាល់ខ្លួនរបស់ពួកគេ គឺជាជំរើសមួយ ។ ការធ្វើដំណើរដោយយន្តហោះឯកជន គឺជាភាពប្រណីតបំផុត ។ យន្តហោះឯកជនមានល្បឿនលឿន និងមានប្រសិទ្ធភាពជាងក្រុមហ៊ុនអាកាសចរណ៍ពាណិជ្ជកម្ម ដែលតម្រូវឱ្យមានការរង់ចាំក្នុងជួរគ្មានទីបញ្ចប់ ចាប់ពីការត្រួតពិនិត្យសុវត្ថិភាពជាប្រចាំរហូតដល់ការឡើងយន្តហោះ ។
យន្តហោះឯកជនខ្នាតធំផ្តល់ជូនសម្ភារៈបរិក្ខារជាច្រើនដូចជា គ្រែគេង ផ្ទះបាយបំពាក់យ៉ាងពេញលេញ បន្ទប់ទឹកដែលមានផ្កាឈូក បន្ទប់សន្និសីទ ការចូលប្រើអ៊ីនធឺណិត និងការទំនាក់ទំនងតាមផ្កាយរណប ។ យន្តហោះឯកជនទាំងនេះ អាចធ្វើដំណើរយ៉ាងងាយស្រួល ហើយលើសពីនេះអ្នកក៏អាចបំពាក់យន្តហោះជាមួយនឹងគ្រឿង និងការតុបតែងដែលអ្នកចូលចិត្តបាន ។
១.Air Force One
នៅក្នុងតារាកំពូលនៃបញ្ជីយន្តហោះដែលថ្លៃបំផុត គឺ Air Force One ដែលជាយន្តហោះឯកជនផ្លូវការរបស់ប្រធានាធិបតីសហរដ្ឋអាមេរិក ។ Air Force One ត្រូវបានគេប៉ាន់ប្រមាណថា មានតម្លៃ៦៦០លានដុល្លារ ។ យន្តហោះនេះ គេផលិតឡើងមកជាមួយនឹងសម្ភារៈ និងឧបករណ៍អេឡិចត្រូនិច ដែលអាចការពារប្រឆាំងនឹងជីពចរអេឡិចត្រូម៉ាញ៉េទិចនានា ។ នេះរួមបញ្ចូលទាំងការវា.យប្រហារពីដីទៅអាកាស និងការវា.យប្រហារពីអាកាសទៅអាកាស ។
លើសពីនេះ Air Force One តែងតែមានយន្តហោះចម្បាំងពីរគ្រឿងដែលហោះតាមវា ក្នុងករណីមានការវា.យប្រហារ ។ នៅខាងក្នុងយន្តហោះឯកជននេះ មានទំហំធំទូលាយមិនគួរឱ្យជឿដោយវាមានផ្ទៃសរុបដល់ទៅ៣៧១ម៉ែត្រការ៉េ ។ វាមានបន្ទប់ពេទ្យ បន្ទប់សន្និសីទ ផ្ទះបាយពីរ និងបន្ទប់ដេក ។ Air Force One អាចផ្ទុកអ្នកដំណើរបានរហូតដល់៧០នាក់ និងសមាជិកនាវិក២៦នាក់បន្ថែមទៀត ។
២.Airbus A៣៨០
ព្រះអង្គម្ចាស់អារ៉ាប៊ីសាអូឌីត Alwaleed Bin Talal al-Saud ជាម្ចាស់យន្តហោះឯកជនថ្លៃបំផុតទីពីរនៅលើពិភពលោក ដែលជាយន្តហោះប្រភេទ Airbus A៣៨០ ។ ព្រះអង្គម្ចាស់ បានបញ្ជាទិញយន្តហោះនេះក្នុងឆ្នាំ២០០៧ ប៉ុន្តែព្រះអង្គបានលក់វាទៅឱ្យមហាសេដ្ឋីអនាមិកក្នុងតម្លៃ៤០០លានដុល្លារ មុនពេលដែលព្រះអង្គបានទទួលវា ។ ម្ចាស់ថ្មីបានចំណាយប្រាក់ចំនួន២០០លានដុល្លារទៀត ក្នុងការជួសជុលវាដោយជួលអ្នករចនាផ្ទៃខាងក្នុងដ៏ល្បីល្បាញ Edèse Doret ដើម្បីបង្កើតផ្ទៃខាងក្នុងដ៏ប្រណីត ។
តាមសេចក្តីរាយការណ៍ យន្តហោះឯកជននេះ មានបីកម្រិត និងជណ្តើរយន្តកញ្ចក់មួយ ។ វាក៏មានអាងងូតទឹកទួរគី ដែលជាអាងងូតទឹកបែបប្រពៃណី ដែលមានបន្ទប់ស្ទីមទំហំពេញដែលបង្ហាញពីការកញ្ចប់ស្រោបមាសយ៉ាងស្រស់ស្អាត ។ វាក៏ត្រូវបានបំពាក់ដោយបន្ទប់អធិដ្ឋានដែលមានកន្ទេលអាចបង្វិលដោយស្វ័យប្រវត្តិទៅប្រាសាទ Mecca ដែលជាកន្លែងពិសិដ្ឋរបស់ក្រុមអ្នកមានជំនឿលើមូស្លីម ។ យន្តហោះនេះមានគ្រឿងបរិក្ខារដ៏ប្រណិតផ្សេងទៀត រួមទាំងសាលប្រគុំតន្ត្រីដែលមានព្យាណូបន្ទប់ប្រជុំជាមួយម៉ាស៊ីនបញ្ចាំងស្លាយ និងបន្ទប់សុខុមាលភាពជាមួយនឹងកម្រាលឥដ្ឋ ។
៣.Airbus A៣៤០-៣០០
លោក អាលីស័ យូស្មាណូវ (Alisher Usmanov )ដែលជាមហាសេដ្ឋីរបស់រុស្ស៊ីបានចំណាយប្រាក់ចំនួន ២៣៨លានដុល្លារសម្រាប់យន្តហោះ Airbus A៣៤០-៣០០ នេះ ។ អ្នកជំនាញបានប៉ាន់ប្រមាណថាគាត់បានចំណាយប្រាក់បន្ថែមចំនួន៣៦២ លានដុល្លារ ដើម្បីកែប្រែផ្នែកខាងក្នុង ដោយសរុបយន្តហោះនេះ មានតម្លៃប្រមាណជា៦០០លានដុល្លារ ។ ម្ចាស់មិនបានចែករំលែកព័ត៌មានលម្អិតនៃផ្នែកខាងក្នុងយន្តហោះឯកជនថ្លៃបំផុតទីបីនៅលើពិភពលោកជាមួយសាធារណជនទេ ។
៤.Boeing ៧៤៧-៨ VIP
យន្តហោះ Boeing ៧៤៧ គឺជាយន្តហោះមួយក្នុងចំណោមយន្តហោះដែលធំជាងគេ និងមានផាសុកភាពបំផុតនៅក្នុងពិភពលោក ។ វាត្រូវបានគេដាក់ឈ្មោះក្រៅថា Dreamliner ។ ខណៈពេលដែលកំណែពាណិជ្ជកម្ម គឺល្អណាស់ យន្តហោះនេះពិតជាដូចយន្តហោះឯកជន ។
យន្តហោះ Boeing ៧៤៧-៨ VIP ដែលជាកម្មសិទ្ធិរបស់ម្ចាស់អនាមិក ហើយមានតម្លៃ៣៦៧លានដុល្លារជាយន្តហោះថ្លៃជាងគេ ទី៤ នៅលើពិភពលោក ។ ដោយសារម៉ូដែល Boeing នេះមានការរចនាដ៏សាមញ្ញ វាពិតជាងាយស្រួលក្នុងការកំណត់រចនាសម្ព័ន្ធឡើងវិញ តាមចំណូលចិត្តរបស់មនុស្សម្នាក់ ។ ផ្នែកខាងក្នុងដែលបានកែប្រែនៃយន្តហោះឯកជនពិសេសនេះ រួមមានបន្ទប់ធ្វើការបន្ទប់គេងបន្ទប់ទទួលទានអាហារ បន្ទប់ទទួលភ្ញៀវ និងការិយាល័យមួយ ។
៥.Boeing ៧៨៧-៨ VIP
មហាសេដ្ឋីអចលនទ្រព្យចិន ចូលសេប ឡៅ ( Joseph Lau) ជាម្ចាស់យន្តហោះម៉ូដែល Boeing ៧៨៧-៨ VIP នេះ ។ គាត់បានចំណាយ១៥០លានដុល្លារសម្រាប់យន្តហោះឯកជន ប៉ុន្តែឥឡូវនេះវាមានតម្លៃ៣៦៧លានដុល្លារបន្ទាប់ពីមានការរចនាតុបតែង ។ យន្តហោះឯកជននេះត្រូវបានគេនិយាយថា មានពិដានតួដែក និងជណ្តើររាងជារង្វង់ ។ Lau ត្រូវបានគេរាយការណ៍ថា បានបន្ថែមបន្ទប់ដាក់ស្រាដែលមានស្តុកពេញលេញ និងកន្លែងហាត់ប្រាណទំនើបទាន់សម័យផងដែរ ៕
ចែករំលែកព័តមាននេះ