ការងារណាក៏ដូចគ្នាឲ្យតែច្បាស់ គឺសុទ្ធតែអាចរកលុយបានទាំងអស់ ។ ដូចជាករណីកំពូលចុងភៅពិភពលោកទាំង៥ ពួកគេមានលុយដាក់ក្នុងគណនីធនាគារចាប់ពី២០០លានដុល្លារដល់ជាង១០០០លានដុល្លារ ។ ១-លោក អេឡេន វង្ស មានទ្រព្យសម្បត្តិប្រមាណជាជាង១ពាន់លានដុល្លារលោក…
ការងារណាក៏ដូចគ្នាឲ្យតែច្បាស់ គឺសុទ្ធតែអាចរកលុយបានទាំងអស់ ។ ដូចជាករណីកំពូលចុងភៅពិភពលោកទាំង៥ ពួកគេមានលុយដាក់ក្នុងគណនីធនាគារចាប់ពី២០០លានដុល្លារដល់ជាង១០០០លានដុល្លារ ។
១-លោក អេឡេន វង្ស មានទ្រព្យសម្បត្តិប្រមាណជាជាង១ពាន់លានដុល្លារ
លោក អេឡេន វង្ស ( Alan Wong ) ជាចុងភៅជនជាតិជប៉ុន ត្រូវបានគេរាយការណ៍យ៉ាងទូលំ ទូលាយថា បានបំបែកកំណត់ត្រាដោយមានទ្រព្យសម្បត្តិរហូត ១ ពាន់លានដុល្លារជាមួយនឹងពាណិជ្ជសញ្ញានៃ ម្ហូបប្រចាំតំបន់របស់លោក គឺ Hawaiian ។
លោក ត្រូវបានគេចាត់ទុកថាជាស្តេចចុងភៅប្រចាំកោះ ហើយថែមទាំងធ្លាប់បានចម្អិនម្ហូបឱ្យអតីតប្រធានាធិបតីអាមេរិកលោក បារាក់ អូបាម៉ា (Barack Obama ) ភ្លក់ថែមទៀតផង។ លោក វង្ស ត្រូវបានគេស្គាល់ដោយសារការប្រើប្រាស់ផលិតផលស្រស់ៗ ដើម្បីបង្កើតមុខម្ហូបដ៏ឈ្ងុយឆ្ងាញ់។
-លោក គីមបាល ម៉ាស់ មានទ្រព្យសម្បត្តិប្រមាណជា៥០០លានដុល្លារ
លោក គីមបាល ម៉ាស់ (Kimbal Musk) ដែលគេដឹងថា ជាបងប្រុសរបស់មហាសេដ្ឋីម្នាក់ក្នុងចំនោមបុរសមានបំផុតរបស់ពិភពលោកគឺ លោក អេឡន ម៉ាស់ ។ លោក គឺជាចុងភៅ តែក៏ជាសហគ្រិនផ្នែកបច្ចេកវិទ្យាផងដែរ ។ លោក គីមបាល ម៉ាស់ គឺជាមេចុងភៅនៅភោជនីយដ្ឋាន និងជាសហស្ថាបនិកនៃក្រុមហ៊ុន The Kitchen Restaurant Group ផងដែរ។ មហិច្ឆតាផ្ទាល់ខ្លួនរបស់ លោក នៅពេលនេះគឺដំណើរតាមរក រស់ជាតិដើមអាមេរិក។
៣-លោក ច័រដុន រ៉ាំសេ មានទ្រព្យសម្បត្តិប្រមាណជា២២០លានដុល្លារ
លោក ច័រដុន រ៉ាំសេ (Gordon Ramsay) ជាម្ចាស់ សៀវភៅកម្មវិធីទូរទស្សន៍ និងភោជនីយដ្ឋាន Michelin Gordon Ramsay ។ លោកគឺជាមេចុងភៅដ៏ជោគជ័យបំផុតម្នាក់នៅលើពិភពលោក។ គាត់ទទួលបានកិត្តិនាមទូទាំងពិភពលោកសម្រាប់តួនាទីរបស់គាត់នៅក្នុងកម្មវិធី Master Chef ដោយទទួលបានកេរ្តិ៍ឈ្មោះសម្រាប់ភាពល្អឥតខ្ចោះ ដែលមានសំដីអាក្រក់ដែលមិនស្ទាក់ស្ទើរក្នុងការមើលងាយអ្នកដទៃក្នុងការចំអិនអាហារ ។ ទោះជាយ៉ាងណាក៏ដោយ អាហាររបស់គាត់បញ្ជាក់យ៉ាងច្បាស់សម្រាប់សមត្ថភាពរបស់គាត់ ខណៈដែលភោជនីយដ្ឋានរបស់គាត់នៅតែបន្តទទួលបានការសរសើរ ។
៤-ជេមី អូលីវ័ មានទ្រព្យសម្បត្តិប្រមាណជា២០០លានដុល្លារ
លោក ជេមី អូលីវ័ (Jamie Oliver) ជាចុងភៅដែលបញ្ចប់ការសិក្សាត្រឹមអាយុ ១៦ ឆ្នាំប៉ុណ្ណោះ។ លោក បានចេញធ្វើការនៅភោជនីយដ្ឋាននានាទូទាំងប្រទេសបារាំង និងភោជនីយដ្ឋានទីក្រុងឡុងដ៍របស់លោក Antonio Carluccio ដែលមានឈ្មោះថាភោជនីយដ្ឋាន Neal Street Oliver ។ ចុងភៅវ័យក្មេងរូបនេះ ទទួលបានការទទួលស្គាល់និងល្បីល្បាញក្រោយពេលដែល ក្រុមការងារបស់ BBC បានថតខ្សែភាពយន្តឯកសារអំពីភោជនីយដ្ឋាន មួយដែលលើបានបម្រើការគឺ The River Café ។
ចាប់តាំងពីពេលនោះមក លោកបានចេញមុខនៅលើកម្មវិធីទូរទស្សន៍ជាច្រើន និងសៀវភៅធ្វើម្ហូបជាច្រើនទៀត ព្រមទាំងបានកសាងអាណាចក្រអាហារូបត្ថម្ភដែលមានភោជនីយដ្ឋានជាង ៧០ កន្លែងក្នុង ២៤ ប្រទេស។ នៅពេលនេះ លោកក៏បានប្តេជ្ញាចិត្តក្នុងការជួយដល់យុវជនដែលជួបការលំបាកក្នុងសង្គមតាមរយៈការលើកទឹកចិត្តពួកគេឱ្យញ៉ាំអាហារដែលមានសុខភាពល្អ និងធ្វើការក្នុងវិស័យអាហារូបត្ថម្ភ។
៥-ណូប៊ូយូគី ម៉ាតស៊ីហ៊ីសា មានទ្រព្យសម្បត្តិប្រមាណជា ២០០ លានដុល្លារ
លោក ណូប៊ូយូគី ម៉ាតស៊ីហ៊ីសា (Nobuyuki Matsuhisa) បានចាប់ផ្តើមអាជីពរបស់គាត់នៅក្នុងភោជនីយដ្ឋានស៊ូស៊ីក្នុងទីក្រុងតូក្យូ ជាកន្លែងដែលគាត់បានធ្វើការតាំងពីលាងចានរហូតដល់ក្លាយជាម្ចាស់ស៊ូស៊ី។ នៅពេលដែលអតិថិជនធម្មតាម្នាក់បានសួរគាត់ថាតើគាត់អាចស្រមៃចង់បើកភោជនីយដ្ឋានជប៉ុនជាមួយគាត់នៅប្រទេសប៉េរូ គាត់បានយល់ព្រម ហើយបានផ្លាស់ទៅ ទីក្រុង លីម៉ា ក្នុងឆ្នាំ ១៩៧៣ ។
នេះជាកន្លែងដែលគាត់បានបង្កើតស្ទីលនៃការចម្អិនអាហាររបស់គាត់ដែលគាត់ល្បីល្បាញនាពេលបច្ចុប្បន្ននេះ ដោយល្បាយនៃ ម្ហូបជប៉ុន និងគ្រឿងផ្សំប៉េរូ។ អ្នកកោតសរសើរដ៏អស្ចារ្យបំផុតរបស់គាត់គឺវីរបុរសហូលីវូដ Robert DeNiro ដែលជាអតិថិជនទៀងទាត់នៅភោជនីយដ្ឋានរបស់គាត់ Matsuhisa ក្នុងទីក្រុង Los Angeles ហើយបានបញ្ចុះបញ្ចូលគាត់ឱ្យបើកហាងមួយទៀតជាមួយគាត់នៅញូវយ៉ក។
ឥឡូវនេះមានភោជនីយដ្ឋាន “ណូប៊ូ” ប្រហែល ៦០ នៅទូទាំងពិភពលោក ក៏ដូចជាសណ្ឋាគារប្រណីតចំនួន ១៥ ដែលជាកម្មសិទ្ធិរបស់អាណាចក្រណូប៊ូផងដែរ។ លើសពីនេះ មេចុងភៅវ័យ ៧៥ ឆ្នាំរូបនេះគឺជាអ្នកនិពន្ធសៀវភៅធ្វើម្ហូបជាច្រើន ហើយបានបង្ហាញខ្លួនជាភ្ញៀវនៅក្នុងរឿង Hollywood blockbuster ដូចជា “Casino” ឬ “Memoirs of a Geisha” ជាដើម។
ចែករំលែកព័តមាននេះ