ការយល់ដឹងពីហិរញ្ញាវត្ថុផ្ទាល់ខ្លួន ក៏ដូចជាការរៀបចំផែនការហិរញ្ញាវត្ថុអោយបានច្បាស់លាស់នៅពេលអនាគត មិនមែនត្រឹមតែជារឿងមួយសំខាន់ធម្មតាទេ តែវាថែមទាំងជាបំនិនជីវិតមួយ សម្រាប់រៀបចំផែនការអនាគតរបស់មនុស្សអោយបានកាន់តែល្អ ជាពិសេស យុវវ័យ។ លោក កាំង តុងងី…
ការយល់ដឹងពីហិរញ្ញាវត្ថុផ្ទាល់ខ្លួន ក៏ដូចជាការរៀបចំផែនការហិរញ្ញាវត្ថុអោយបានច្បាស់លាស់នៅពេលអនាគត មិនមែនត្រឹមតែជារឿងមួយសំខាន់ធម្មតាទេ តែវាថែមទាំងជាបំនិនជីវិតមួយ សម្រាប់រៀបចំផែនការអនាគតរបស់មនុស្សអោយបានកាន់តែល្អ ជាពិសេស យុវវ័យ។
លោក កាំង តុងងី អ្នកនាំពាក្យសមាគមមីក្រូហិរញ្ញាវត្ថុកម្ពុជាបានអោយដឹងថា ចំណេះដឹងហិរញ្ញាវត្ថុ ដែលរួមទាំងការរៀបចំផែនការហិរញ្ញវត្ថុសម្រាប់ពេលអនាគត គឺជាបំនិនជីវិតមួយដែលមានសារសំខាន់មានភាពចាំបាច់ណាស់ សម្រាប់ប្រជាពលរដ្ឋខ្មែរទូទៅ ជាពិសេស ប្រសិនបើប្រជាពលរដ្ឋអាចចាប់ផ្តើមកាន់តែលឿនកាន់តែល្អសម្រាប់ខ្លួន និងក្រុមគ្រួសារទាំងមូល។
លោក កាំង តុងងី បានអោយកម្មវិធីលុយនៃសារព័ត៌មានកោះសន្តិភាពដឹងថា «នៅក្នុងវ័យជាយុវជន យុវនារី ព្រោះកាលណា ប្រជាពលរដ្ឋយើងមិនមានចំណេះដឹងហិរញ្ញាវត្ថុ មិនបានរៀបចំផែនការហិរញ្ញាវត្ថុ អោយបានច្បាស់លាស់ទេ គាត់នឹងមានបញ្ហាច្រើននៅក្នុងជីវិតរបស់គាត់ ផ្នែកលុយកាក់ ហើយក៏គាត់បាត់បង់ឱកាសច្រើនផងដែរ»។
លោក កាំង តុងងី បន្តថា អ្នកដែលមិនមានការរៀបចំផែនការហិរញ្ញាវត្ថុអោយបានល្អ អ្នកនោះនឹងងាយធ្លាក់ចូលទៅក្នុងបញ្ហា កង្វះលុយកាក់បញ្ហាបំណុលច្រើនលើសលុប ហើយនឹងប្រឈមមុខទៅរកបញ្ហាផ្សេងៗ រួមទាំងសុខភាពផ្លូវកាយ និងផ្លូវចិត្ត។
អ្នកនាំពាក្យ បន្ថែមថា «ផ្ទុយទៅវិញប្រសិនបើប្រជាពលរដ្ឋយើងជាពិសេសយុវវ័យយើង បើសិនជាគាត់មានចំណេះដឹងហិរញ្ញាវត្ថុគ្រប់គ្រាន់គាត់មានផែនការ ហិរញ្ញាវត្ថុច្បាស់លាស់ ក្នុងការរៀបចំអនាគតរបស់គាត់ វានឹងជួយអោយគាត់ឆ្លងផុតពីភាពក្រីក្រ វានឹងជួយអោយគាត់មានសេរីភាពផ្នែកហិរញ្ញាវត្ថុ ក៏ដូចជាការរស់នៅក្នុងជីវិតប្រចាំថ្ងៃដែរ ហើយទន្ទឹមនេះនៅពេលដែលស្ថានភាពហិរញ្ញាវត្ថុរបស់គាត់ (ពលរដ្ឋ) មានភាពល្អប្រសើរ គាត់ក៏មានឱកាសជាច្រើនទៀតក្នុងការវិនិយោគ បង្កើនទ្រព្យសម្បត្តិ ក្នុងការបង្កើននូវសេរីភាព មិនថាផ្នែកហិរញ្ញាវត្ថុ ពេលវេលា ឬផ្នែកផ្សេងៗទៀត»។
លោក កាំង តុងងី បន្តថា ចំណេះដឹងហិរញ្ញាវត្ថុមិនសូវមានការបង្រៀននៅសាលារៀននោះទេ តែប្រសិនបើប្រជាពលរដ្ឋ ស្វែងយល់នៅតាមបណ្តាអនឡាញមានជាច្រើនដែលនេះ ជាចំណេះដឹងក៏ដូចជាការរៀបចំផែនការសម្រាប់ខ្លួនបានល្អនៅពេលអនាគត។
លោក កាំង តុងងី បន្ថែមថា «ការរៀបចំផែនការហិរញ្ញាវត្ថុសម្រាប់យុវជន មិនមែនជារឿងស្មុគស្មាញអ្វីច្រើននោះទេ ជាទូទៅជាការផ្តោតលើការចំណាយជាប្រចាំរបស់យើង ចំណាយចាំបាច់ និងចំណាយមិនចាំបាច់។ ការដែលត្រូវអោយយើងមានលុយសន្សំ ជារៀងរាល់ខែជាពិសេសត្រូវដកលុយសន្សំទុកជាមុនពេលចំណាយតាមក្រោយ។ ការដែលតម្រូវអោយគាត់មានលុយកញ្ចប់សម្រាប់តម្រូវការបន្ទាន់ ការដែលអោយគាត់យល់ និងមានសមត្ថភាពគ្រប់គ្រងបាននូវចំណូលចំណាយ»។
លោក ស៊ន សូឡា ជាយុវជនមួយរូបនៅរាជធានីភ្នំពេញ បានអោយដឹងថា ការចំណាយច្រើនរបស់យុវជនសព្វថ្ងៃលើសម្ភារៈផ្សេងៗ ដោយសារយុវជនខ្លះទាំងនោះ ហាក់មិនមានផែនការហិរញ្ញវត្ថុច្បាស់លាស់ សម្រាប់ទប់ទល់នឹងវិបត្តិ ស្របពេលបច្ចុប្បន្នការផ្គត់ផ្គង់សម្ភារៈមានកំណើន។ ហើយកន្លងមកអ្នកដែលចាយវាយខ្ពស់ៗ អាងតែខ្លួនមានលទ្ធភាពចេះតែទិញតៗគ្នា ដោយមិនបានសិក្សា និងមិនបានរៀបចំផែនការហិរញ្ញវត្ថុ សម្រាប់ទប់ទល់ពេលមានវិបត្តិកើតឡើងនោះទេ។
លោកសង្កេតឃើញថា ភាគច្រើនការចំណាយ មានបង់រំសល់របស់ពលរដ្ឋកម្ពុជា គឺមិនមែនបំពេញសេចក្តីត្រូវការ ឬសម្រាប់ភាពចាំបាច់ក្នុងការរស់នៅ និងប្រកបអាជីវកម្មនោះទេ ដែលភាគច្រើន គឺទិញសម្រាប់ទុកសម្រាប់ប្រើប្រាស់តែមួយប្រាវ។ នៅពេលដែលជួបបញ្ហា ឬវិបត្តិសេដ្ឋកិច្ចកើតឡើង ស្របពេលដែលពួកគេមិនបានរៀបចំហិរញវត្ថុឱ្យច្បាស់លាស់ផងនោះ ធ្វើឱ្យពួកគេខ្វះលទ្ធភាពក្នុងការបង់រំលស់ ហេតុនេះត្រូវបង្ខំចិត្តឱ្យដាក់លក់វិញ ហើយលក់តម្លៃក្រោមទីផ្សារ។
លោកពន្យល់ថា ដើម្បីកុំឱ្យជួបបញ្ហានេះ ពលរដ្ឋគួររៀបចំផែនការហិរញ្ញវត្ថុឱ្យបានច្បាស់លាស់ ជាពិសេសសម្រាប់ទប់ទល់ នៅពេលមានវិបត្តិណាមួយកើតឡើង។ ការរទិញលំនៅឋាន ដោយបង់រំលស់ តម្រូវឱ្យអ្នកទិញត្រូវតែមានភាពច្បាស់លាស់ ទៅលើចំណូលប្រចាំខែរបស់ខ្លួន ដែលអាចធានាបានថា មិនអាចប៉ះពាល់ដល់ការចំណាយសម្រាប់ជីវភាពប្រចាំថ្ងៃ ហើយក៏មិនមានបញ្ហាដល់ខ្ទង់ចំណាយ សម្រាប់ការបង់រំលស់ប្រចាំខែផងដែរ ។
ចែករំលែកព័តមាននេះ