ប្រធានាធិបតីស្តីទីអ៊ុយក្រែន លោក អូឡេកសាន់ តួកជីណូវ អះអាងកាលពីថ្ងៃទី១១ មីនា ថា ប្រទេសអ៊ុយក្រែន នឹងមិនធ្វើអន្តរាគមន៍យោធាដើម្បីរារាំងការភ្ជាប់ខ្លួនរបស់តំបន់គ្រីមេជាមួយរុស្ស៊ីឡើយ ពីព្រោះអ៊ុយក្រែនជ្រើសរើសយកកិច្ចការពារព្រំដែនខាងកើតរបស់ខ្លួន ។
ប្រធានាធិបតីស្តីទីអ៊ុយក្រែន លោក អូឡេកសាន់ តួកជីណូវ អះអាងកាលពីថ្ងៃទី១១ មីនា ថា ប្រទេសអ៊ុយក្រែន នឹងមិនធ្វើអន្តរាគមន៍យោធាដើម្បីរារាំងការភ្ជាប់ខ្លួនរបស់តំបន់គ្រីមេជាមួយរុស្ស៊ីឡើយ ពីព្រោះអ៊ុយក្រែនជ្រើសរើសយកកិច្ចការពារព្រំដែនខាងកើតរបស់ខ្លួន ។
ក្នុងបទសម្ភាសន៍មួយជាមួយ AFP ប្រធានាធិបតីស្តីទីរូបនេះ និយាយថា យើងពុំអាចធ្វើប្រតិបត្តិការយោធាមួយនៅគ្រីមេឡើយ បើដូច្នេះយើងបាត់បង់កិច្ចការពារព្រំដែនខាងកើត ព្រោះអ៊ុយក្រែននឹងមិនអាចការពារបានទេ ដោយកងទ័ពរុស្ស៊ីមានប្រៀបជាងខ្លាំងណាស់ ។
ប្រធានាធិបតីអ៊ុយក្រែនសម្តែងការសោកស្តាយម៉្យាងទៀតដែលរុស្ស៊ីបដិសេធរាល់ការទាក់ទងជាមួយក្រុងគៀវ ដើម្បីស្វែងរកដំណោះស្រាយខាងការទូតមួយនៃវិបត្តិជុំវិញឧបទ្វីបបំបែកខ្លួនគ្រីមេ ដែលកាន់កាប់ដោយកងទ័ពរុស្ស៊ី ។ចំណែកសភាគ្រីមេ កាលពីថ្ងៃទី១១ មីនា បានអនុម័តការប្រកាសឯករាជ្យដាច់ចេញពីអ៊ុយក្រែន ។យោងតាមសេចក្តីប្រកាសនេះ គ្រីមេនឹងក្លាយជាឯករាជ្យ ប្រសិនបើប្រជាជនគ្រីមេទាំង២លាននាក់បោះប្រជាមតិទទួលយកការផ្សារភ្ជាប់ជាមួយរុស្ស៊ី ។
មុននេះសភាគ្រីមេ បានអនុម័តលើការភ្ជាប់តំបន់នោះជាមួយរុស្ស៊ី ហើយក៏កំណត់ផងដែរនូវកាលបរិច្ឆេទបោះប្រជាមតិ នាថ្ងៃទី១៦ មីនា ខាងមុខនេះ ។ ក្នុងការបោះឆ្នោតប្រជាមតិនោះ ពលរដ្ឋគ្រីមេត្រូវធ្វើការជ្រើសរើសថាតើចង់បន្តស្ថិតក្នុងអ៊ុយក្រែន ឬក៏ភ្ជាប់ខ្លួនជាមួយរុស្ស៊ី ។ អាជ្ញាធរអ៊ុយក្រែនចាត់ទុកការបោះប្រជាមតិនោះថាខុសច្បាប់ ហើយចោទប្រកាន់ថារំលោភបំពានលើរដ្ឋធម្មនុញ្ញ ៕
ចែករំលែកព័តមាននេះ