អាជ្ញាធរម៉ាឡេស៊ីពេលនេះបានពង្រីកការតាមរុករកយន្តហោះបាត់ដានរហូតដល់សមុទ្រអានដាម៉ាន់ ។ តំបន់នោះស្ថិតនៅដាច់ឆ្ងាយពីផែនការហោះហើរ ក៏ប៉ុន្តែអាជ្ញាធរគិតថា យន្តហោះនេះអាចហោះងាកចេញពីទិសដៅហោះហើរខ្លាំងមុនបាត់ដាន ។ ការខិតខំប្រឹងប្រែងរុករកហាក់ដូចជារំកិលពីទិសខាងកើតមកទិសខាងលិចវិញ ។
អាជ្ញាធរម៉ាឡេស៊ីពេលនេះបានពង្រីកការតាមរុករកយន្តហោះបាត់ដានរហូតដល់សមុទ្រអានដាម៉ាន់ ។ តំបន់នោះស្ថិតនៅដាច់ឆ្ងាយពីផែនការហោះហើរ ក៏ប៉ុន្តែអាជ្ញាធរគិតថា យន្តហោះនេះអាចហោះងាកចេញពីទិសដៅហោះហើរខ្លាំងមុនបាត់ដាន ។ ការខិតខំប្រឹងប្រែងរុករកហាក់ដូចជារំកិលពីទិសខាងកើតមកទិសខាងលិចវិញ ។
ពេលពន្យល់លើព័ត៌មានទាំងឡាយដែលពុំស៊ីគ្នាពីវាសនានៃយន្តហោះនេះ កងទ័ពអាកាសម៉ាឡេស៊ី អះអាងថា ពុំបដិសេធឡើយចំពោះលទ្ធភាពនៃការបកក្រោយមុនយន្តហោះបាត់ពីអេក្រង់រ៉ាដា ។ អាជ្ញាធរគាំទ្រដែលការត្រួតពិនិត្យអាកាសបានបាត់ការទាក់ទងជាមួយយន្តហោះប៊ូអីុងនោះក្នុង ដែនទឹកនៃឆ្នេរសមុទ្រខាងកើតនៃឧបទ្វីបម៉ាឡេស៊ីប្រមាណជា១ម៉ោងក្រោយការហោះចេញពីទីក្រុងគូឡាឡាំពួរឆ្ពោះទៅកាន់ក្រុងប៉េកាំង ។
ម្យ៉ាងទៀតក្នុងរបាយការណ៍ផ្លូវការមួយអាជ្ញាធរម៉ាឡេស៊ីបានបដិសេធព័ត៌មាននានារបស់សារព័ត៌មានម៉ាឡេស៊ី ដែលថារ៉ាដាមួយចាប់ឃើញបំណែកយន្តហោះនោះ នៅពីលើច្រកសមុទ្រម៉ាឡាកាចន្លោះឧបទ្វីប ម៉ាឡេស៊ី និងកោះស៊ូម៉ាត្រាឥណ្ឌូណេស៊ី ។
ចំណែកប្រទេសវៀតណាមវិញ បានសម្រេចផ្អាកបណ្តោះអាសន្នការរុករកតាមអាកាសហើយកាត់បន្ថយការរុករកតាមជើងទឹករង់ចាំព័ត៌មាននានាពីម៉ាឡេស៊ី ។ រូបភាពផ្កាយរណបបង្ហាញពីប្រេងរសាត់ក្នុងសមុទ្រពួកអ្នកវិទ្យាសាស្ត្រចិនបានរកឃើញតំបន់៣ដែលមានប្រេងរសាត់ដែលប្រេងនោះអាចទាក់ទិននឹងយន្តហោះបាត់ដាន ខណៈការរុករករបស់អន្តរជាតិកំពុងបន្តយ៉ាងសកម្ម ។
វិទ្យាស្ថានមួយរបស់បណ្ឌិតសភាវិទ្យាសាស្ត្រចិនគូសបញ្ជាក់កាលពីថ្ងៃទី១១ មីនា ថា ការរុករកនានាផ្អែកលើការប្រៀបធៀបគ្នានៃបណ្តារូបភាពផ្តាយរណបអំពីប្រេងរសាត់ក្នុងតំបន់រុករកមុន និងក្រោយពេលយន្តហោះបាត់ដាន ។ ទោះបីយ៉ាងណាគេពិបាកសន្និដ្ឋានថា តើប្រេងរសាត់ទាំងនោះជាស្រទាប់ប្រេងដែលប្រទះឃើញនាពេលមុននេះឬយ៉ាងណាឡើយ ៕
ចែករំលែកព័តមាននេះ