ខេត្តបន្ទាយមានជ័យ ៖ មនុស្សម្នាក់បែកក្បាលស្លាប់ភ្លាមៗ និង២នាក់ទៀតរងរបួសធ្ងន់ ដោយសារគ្រោះថ្នាក់ចរាចរណ៍កើតឡើង រវាងរថយន្តឡិចស៊ីសបុកគ្នាជាមួយម៉ូតូឌ្រីមសេ១២៥ កាលពីវេលាម៉ោង១០និង៤០នាទីយប់ថ្ងៃទី១១ មីនា ២០១៤ នៅលើកំណាត់ផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសេរីសោភ័ណ ។
ខេត្តបន្ទាយមានជ័យ ៖ មនុស្សម្នាក់បែកក្បាលស្លាប់ភ្លាមៗ និង២នាក់ទៀតរងរបួសធ្ងន់ ដោយសារគ្រោះថ្នាក់ចរាចរណ៍កើតឡើង រវាងរថយន្តឡិចស៊ីសបុកគ្នាជាមួយម៉ូតូឌ្រីមសេ១២៥ កាលពីវេលាម៉ោង១០និង៤០នាទីយប់ថ្ងៃទី១១ មីនា ២០១៤ នៅលើកំណាត់ផ្លូវជាតិលេខ៥ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសេរីសោភ័ណ ។
នគរបាលចរាចរខេត្ត បានឱ្យដឹងថា ជនរងគ្រោះដែលស្លាប់ឈ្មោះ ឈុំ ភឿន ភេទប្រុស អាយុ៣០ឆ្នាំ ជាអ្នកបើកម៉ូតូម៉ាកឌ្រីមសេ១២៥ ពណ៌ខ្មៅ គ្មានស្លាកលេខ បែកក្បាលស្លាប់នៅនឹងកន្លែង ចំណែកអ្នករួមដំណើរ២នាក់ទៀតរងរបួសធ្ងន់ ត្រូវគេបញ្ជូនទៅសង្គ្រោះនៅមន្ទីរបង្អែកខេត្ត ម្នាក់ឈ្មោះ ឈុំ ភ័ណ ភេទប្រុស អាយុ២៧ឆ្នាំ និងម្នាក់ទៀតឈ្មោះ ហង្ស ផល្លី ភេទប្រុស អាយុ២៥ឆ្នាំ ។ ជនរងគ្រោះទាំង៣នាក់ មានទីលំនៅភូមិបត់ត្រង់លិច ឃុំបត់ត្រង់ ស្រុកមង្គលបុរី ។
ដោយឡែករថយន្តបង្ក ម៉ាកឡិចស៊ីសRX៣៣០ ពណ៌ខ្មៅ បែកកង់មុខខាងស្តាំ បន្ទាប់ពីកើតហេតុ រត់គេចខ្លួនបាត់ស្រមោលឈឹង ៕
ចែករំលែកព័តមាននេះ