តាមបណ្តាញព័ត៌មានរបស់ចិនផ្សាយថា គ្រប់រថយន្តប្រើថាមពលអគ្គិសនីដែលផលិតដោយក្រុមហ៊ុនយីហោ BYD និង BAIC Motor របស់ប្រទេសចិននឹងទទួលបានស្លាកលេខដោយឥតគិតថ្លៃនៅក្នុងទីក្រុងសៀងហៃ ដើម្បីជួយរារាំងដល់ឧបសគ្គនានាដែលបង្កើតឡើងដោយរដ្ឋាភិបាលក្នុងទិសដៅការពារនូវឧស្សាហកម្មរថយន្តប្រភេទនេះផ្ទាល់ខ្លួនរបស់ពួកគេ ។
តាមបណ្តាញព័ត៌មានរបស់ចិនផ្សាយថា គ្រប់រថយន្តប្រើថាមពលអគ្គិសនីដែលផលិតដោយក្រុមហ៊ុនយីហោ BYD និង BAIC Motor របស់ប្រទេសចិននឹងទទួលបានស្លាកលេខដោយឥតគិតថ្លៃនៅក្នុងទីក្រុងសៀងហៃ ដើម្បីជួយរារាំងដល់ឧបសគ្គនានាដែលបង្កើតឡើងដោយរដ្ឋាភិបាលក្នុងទិសដៅការពារនូវឧស្សាហកម្មរថយន្តប្រភេទនេះផ្ទាល់ខ្លួនរបស់ពួកគេ ។
តាមការឱ្យដឹងពីគណៈកម្មាធិការសេដ្ឋកិច្ច និងព័ត៌មានប្រចាំទីក្រុងសៀងហៃបានបញ្ជាក់ថា អ្វីដែលកើតមាននាពេលថ្មីៗនេះរាប់បញ្ចូលកម្មវិធីឧបត្ថម្ភធនលើរថយន្តប្រើថាមពលថ្មីរបស់ក្រុងសៀងហៃ រួមមានរថយន្តប្រើម៉ាស៊ីនកូនកាត់ម៉ូដែល Qin របស់យីហោ BYD ដែលមានមូលដ្ឋានក្នុងទីក្រុងសុិនជិន និងម៉ូដែល E150 រថយន្តប្រើថាមពលអគ្គិសនីរបស់យីហោ BAIC មានមូលដ្ឋានក្នុងក្រុងប៉េកាំង គឺបច្ចុប្បន្នមានសិទ្ធិទទួលបានស្លាកលេខដោយឥតគិតថ្លៃ ។ ការសម្រេចធ្វើបែបនេះនឹងជួយសន្សំសំចៃដល់អតិថិជន១១.៣៩១ដុល្លារ ដែលជាតម្លៃនៃការលក់ឡៃឡុង ស្លាកលេខរថយន្តថ្មីនៅសៀងហៃសម្រាប់រថយន្តចំហេះម៉ាស៊ីនដោយប្រេងឥន្ធនៈ។
គួរបញ្ជាក់ថា កាលពីខែវិច្ឆិកាកន្លងមកនេះ រដ្ឋាភិបាលកណ្តាលរបស់ចិន បានដាក់បញ្ជាទៅថ្នាក់ដឹកនាំក្រុងនូវការទទួលយកគុណប្រយោជន៍ពីកម្មវិធីឧបត្ថម្ភធនរបស់ខ្លួនយ៉ាងហោចណាស់ត្រូវតែរាប់បញ្ចូលទាំងរថយន្តប្រើថាមពលអគ្គិសនីថ្មីដែលមិនមែនជាផលិតផលក្នុងស្រុក៣០% នៅក្នុងទិសដៅនៃការផ្សព្វផ្សាយពាណិជ្ជកម្មរបស់ពួកគេ ។ ចំណែកតម្លៃជាក់ស្តែងលើការឧបត្ថម្ភធនវិញ នឹងកាត់បន្ថយតម្លៃលក់រាយចំពោះរថយន្ត BYD Qin ចំនួន៥.៤២៤ដុល្លារ និង BAIC E150 ជិត៤០.៦៨៣ដុល្លារ ៕
ចែករំលែកព័តមាននេះ