ខេត្តប៉ៃលិន ៖ ក្រុមអាជីវករចំនួន៦៤នាក់ ក្នុងចំណោមជាង១០០នាក់ដែលប្រកបរបរលក់ដូរនៅក្នុងផ្សារសាលាក្រៅ បាននាំគ្នាមកដាក់ពាក្យប្តឹង លោកស្រី វន ស៊ីថាន អាយុជាង៦០ឆ្នាំ ប្រធានផ្សារសាលាក្រៅ ដោយទាមទារលក្ខខណ្ឌចំនួន៩ចំនុច ឱ្យអាជ្ញាធរជួយដោះស្រាយជូនពួកគាត់ ទី១.សូមឱ្យប្រធានផ្សារដោះច្រវាក់ចេញពីផ្លូវច្រកចេញចូលទាំងពីរ
ខេត្តប៉ៃលិន ៖ ក្រុមអាជីវករចំនួន៦៤នាក់ ក្នុងចំណោមជាង១០០នាក់ដែលប្រកបរបរលក់ដូរនៅក្នុងផ្សារសាលាក្រៅ បាននាំគ្នាមកដាក់ពាក្យប្តឹង លោកស្រី វន ស៊ីថាន អាយុជាង៦០ឆ្នាំ ប្រធានផ្សារសាលាក្រៅ ដោយទាមទារលក្ខខណ្ឌចំនួន៩ចំនុច ឱ្យអាជ្ញាធរជួយដោះស្រាយជូនពួកគាត់ ទី១.សូមឱ្យប្រធានផ្សារដោះច្រវាក់ចេញពីផ្លូវច្រកចេញចូលទាំងពីរនៅខាងមុខផ្សារ ទី២. សូមកំណត់ថ្លៃតូបលក់ក្នុងផ្សារឱ្យបានច្បាស់លាស់ និងទទួលយកបាន ទី៣. ចំពោះបញ្ហាអនាម័យ និងពន្ធដា ត្រូវតែម្ចាស់ផ្សារជាអ្នកទទួលបន្ទុក ទី៤. ត្រូវបំបាត់ការផា កពិន័យ ពេលយកប្រាក់ទៅបង់យឺតមួយ ឬពីរថ្ងៃ ទី៥. បញ្ហាផ្លូវចេញចូលដីចំនួនដប់ឡូត៍ក្នុងផ្សារ ផ្លូវមួយត្រូវបានម្ចាស់ផ្សារលក់ ទី៦. ការដាក់គ្រែចេញហួសតូប ត្រូវម្ចាស់ផ្សារគិតថ្លៃចំនួន៥ម៉ឺនរៀលក្នុង១ខែ ទី៧. ការចាក់ទឹកចូលក្នុងប្រឡាយលូស្អុយ ត្រូវបានម្ចាស់ផ្សារហាមឃាត់ ទី៨. បញ្ហាដីឡូត៍ដែលនៅសល់ ត្រូវចាត់ទុកជាចំណីផ្លូវ និងអាទិភាពលើម្ចាស់អ្នកទិញ និងទី៩. នៅពេលគាត់ខឹងនឹងនរណាម្នាក់ ម្ចាស់ផ្សារមិនត្រូវប្រើពាក្យជេរប្រមាថ និងបណ្តេញអាជីវ ករចេញឡើយ ។ ការដាក់ពាក្យប្តឹងនេះធ្វើឡើងកាលវេលាម៉ោង៨និង៣០នាទីព្រឹកថ្ងៃ ទី១០ ខែមីនា ២០១៤ ស្ថិតនៅក្នុងសាលាឃុំសាលាក្រៅ ស្រុកសាលាក្រៅ ។ តែដោយព្រឹកថ្ងៃដដែ លជាថ្ងៃឈប់សម្រាក លោកមេឃុំមិនមានវត្តមាន ទើបលើកទៅរសៀលថ្ងៃទី១១ ខែមីនា ដើ ម្បីដោះស្រាយបញ្ហាទាំងនេះ ។ប្រភពព័ត៌មានពីអាជីវករលក់ដូរក្នុងផ្សារសាលាក្រៅជាច្រើននាក់បានរៀបរាប់ឱ្យដឹងថា ប្រធានផ្សារសាលាក្រៅ ឈ្មោះ វន ស៊ីថាន ភេទស្រី អាយុជាង៦០ឆ្នាំ បានម៉ៅការផ្សារនេះជាច្រើនឆ្នាំមកហើយ បន្តពីប្តីរបស់គាត់ដែលបានស្លាប់កាលពីប៉ុន្មានឆ្នាំមុន ដោយគាត់បានទិញដីនៅជាប់នឹងផ្សារ សម្រាប់ពុះដីជាឡូត៍លក់ឱ្យអាជីវករមួយចំនួន ដើម្បីសង់ផ្ទះស្នាក់នៅជាក ម្មសិទ្ធិរបស់ខ្លួន ។ តែគាត់មិនព្រមឱ្យអ្នកទាំងនោះបុកជាអណ្តូងស្នប់យកទឹកប្រើប្រាស់ផ្ទាល់ខ្លួននោះទេ ដោយឱ្យទិញទឹកអណ្តូងរបស់គាត់ប្រើប្រាស់ជំនួសវិញ ។ ប្រភពបន្តទៀតថា ក្រុមអាជីវករលក់ដូរទាំងអស់បានជួលតូបក្នុងផ្សាលក់ដូរ អ្នកខ្លះជួលថ្លៃ២០ម៉ឺនរៀលក្នុង១ខែ និងខ្លះទៀតជាង១០ម៉ឺនរៀលក្នុង១ខែ តាមតូបតូចឬធំ ។ ចំណែកភាស៊ីវិញ ប្រធានផ្សារដើរយកក្នុង១តូប ចំនួន៥រយរៀលក្នុង១ថ្ងៃ និងបង់ឱ្យមន្រ្តីដើរយកពន្ធដា ក្នុង១ខែចំនួន១ម៉ឺនរៀល ។ ចំណែកអ្នកលក់ដូរនៅខាងមុខក្រៅផ្សារដែលជាដីចំណីថ្នល់ ក៏ត្រូវប្រធានផ្សារកំណត់ឱ្យដាក់គ្រែលក់ប្រវែង១ម៉ែត្រកន្លះ ហើយបង់ប្រាក់ក្នុង១ខែចំនួន៥ម៉ឺនរៀលទៅ១០ម៉ឺនរៀល និងបង់ភាស៊ី១ថ្ងៃ៥រយរៀលដូចគ្នាដែរ ។ អ្នករស់នៅក្នុងផ្សារទាំងអស់បានរអ៊ូរទាំថា ពេលក្រុមអាជីវ ករស្នើសុំឱ្យប្រធានផ្សារជួយដោះស្រាយបញ្ហាលំបាកម្តងៗ ដែលជួបប្រទះនៅក្នុងផ្សារ គាត់ តែងតែជេរ និងបណ្តេញចេញ ឈប់ឱ្យលក់ដូរនៅក្នុងផ្សាររបស់គាត់ ។ ជាពិសេសជាងកន្លះខែមុននេះគាត់បានឱ្យកូនប្រុសរបស់គាត់ ឈ្មោះ ភក្តិ អាយុប្រហែល៣២ឆ្នាំ យកបង្គោលដែកទៅបោះដាក់ច្រវាក់បិទមុខផ្សារមិនឱ្យរថយន្តចេញចូលនោះទេ សូម្បីតែរថយន្តដឹកទឹកស្អាតរាល់ថ្ងៃសម្រាប់យកទៅលក់ឱ្យអាជីវករខាងក្នុងប្រើប្រាស់ ក៏ប្រធានផ្សារមិនអនុញ្ញាតិឱ្យចូលដែរ ដោយឱ្យលើកលីសែងពីមុខផ្សារចូលទៅដល់ខាងក្រោយផ្សារ ព្រោះគាត់សំអាងថា បើអនុញ្ញាតិឱ្យរថយន្តចូល បណ្តាលឱ្យខូចផ្លូវជុំវិញផ្សាររបស់គាត់ ។ អាចចូលទៅក្នុងផ្សារបាន លុះត្រាតែបង់ប្រាក់ឱ្យគាត់ជាមុនសិន ដោយក្នុង១រថយន្ត១ពាន់ ទៅ២ពាន់រៀលតាមរថយន្តតូចឬធំ ។
ប្រភពព័ត៌មានពី ឈ្មោះ មុំ សួ ភេទប្រុស អាយុ៣៨ឆ្នាំ ជាអាជីវករលក់ខោអាវក្នុងផ្សារ សាលាក្រៅបានរៀបរាប់ឱ្យដឹងថា គាត់ជួលតូបលក់ខោអាវក្នុងផ្សារជាច្រើនឆ្នាំមកហើយ ដោ យក្នុង១ខែ បង់ថ្លៃតូបចំនួន២ម៉ឺនរៀល បង់ថ្លៃមន្រ្តីដើរយកពន្ធដាក្នុង១ខែចំនួន១ម៉ឺនរៀល និងបង់ថ្លៃអនាម័យចំនួន៥រយរៀលក្នុង១ថ្ងៃ ។ លុះគាត់លក់ដូររហូតដល់កាលពីជាង១០ថ្ងៃមុនស្រាប់តែស្រ្តីជាប្រធានផ្សារបានឱ្យកូនប្រុសរបស់គាត់យកបង្គោលទៅបោះដាក់ច្រវាក់នៅខាងមុខផ្លូវចូលក្នុងផ្សារ ដោយមិនឱ្យមានរថយន្តដឹកទំនិញ រថយន្តដឹកម្ហូបអាហារ ឬរថយន្តដឹ កទឹកចេញចូលបាននោះឡើយ ដោយឱ្យចតនៅខាងមុខ ហើយឱ្យពួកគាត់ទិញរទេះរើឥវ៉ាន់ ខ្លួនឯងពីមុខផ្សារចូលទៅដល់តូប ដែលមានចំងាយប្រហែល៥០ម៉ែត្រ ដែលការធ្វើបែបនេះ នាំឱ្យគាត់ខាតពេលវេលា និងលុយកាក់ជាច្រើន មិនដូចពីមុនមានរថយន្តបើកដឹកទំនិញចូល ដល់មុខតូបរបស់ពួកគាត់តែម្តង ។ ហេតុដូច្នេះពួកគាត់ទាំងអស់មានគ្នាចំនួន៦៤នាក់ បានធ្វើ លិខិតប្តឹងប្រធានផ្សារចំនួន៩ចំណុចខាងលើ ដើម្បីឱ្យអាជ្ញាធរឃុំស្រុក និងខេត្តជួយដោះស្រា យ ។
ទាក់ទិនទៅនឹងបញ្ហាចំរូងចម្រាស់រវាងក្រុមអាជីវករ និងប្រធានផ្សារខាងលើ លោក ឆឹង អៀ ជំទប់ទី១ឃុំសាលាក្រៅ បានរៀបរាប់ឱ្យដឹងថា ដោយសារនៅថ្ងៃទី១០ ខែមីនានេះគេ សម្រាកអត់ធ្វើការ ទើបលោក អាន់ សំអាត មេឃុំសាលាមិនមានវត្តមាននៅទីនេះ ហើយខាងលោកនឹងណាត់ឱ្យក្រុមអាជីវករទាំងអស់មកជួបជាមួយលោកមេឃុំនៅរសៀលថ្ងៃទី១១ ខែមីនាស្អែកនេះ ដើម្បីធ្វើការដោះស្រាយ ។
ចំណែកលោក ម៉ម ហម សមាជិកក្រុមប្រឹក្សាខេត្ត បានរៀបរាប់ប្រាប់ក្រុមអាជីវករទាំង អស់ឱ្យដឹងថា នៅព្រឹកថ្ងៃនេះខាងលោកសុំឱ្យបងប្អូនអាជីវករលក់ដូរចំនួន៦៤នាក់ ដែលនាំគ្នាមកប្តឹងតវ៉ានៅឃុំសាលាក្រៅទាំងអស់ឱ្យត្រឡប់ទៅផ្ទះរៀងៗខ្លួនវិញសិន ហើយលោកសុំពេ ល១អាទិត្យយ៉ាងយូរ ដើម្បីទៅជួបចរចាជាមួយប្រធានផ្សារ ដោយលោកសន្យានឹងដោះស្រា យជូនក្រុមអាជីវករឱ្យទទួលផល។
ចែករំលែកព័តមាននេះ