រាជធានីភ្នំពេញ ៖ នៅល្ងាចថ្ងៃទី១០មិនា២០១៤នេះ អ្នកយកព័ត៌មានកោះសន្តិភាពទទួលបានព័ត៌មានជំហ៊ានដំបូងពីសមត្ថកិច្ចមូលដ្ឋានបានផ្តល់មកថាកម្លាំងការិយាល័យព្រហ្មទណ្ឌកំរិតស្រាលស្នងការនគរបាលរាជធានីភ្នំពេញនិងមានការចូលរួមពីព្រះរាជអាជ្ញារងរាជធានីភ្នំពេញផងដែរនោះគឺបានចុះចាប់អ្នកលេងល្បែងបានចំនួន១៨នាក់ក្នុងនោះប្រុស
រាជធានីភ្នំពេញ ៖ នៅល្ងាចថ្ងៃទី១០មិនា២០១៤នេះ អ្នកយកព័ត៌មានកោះសន្តិភាពទទួលបានព័ត៌មានជំហ៊ានដំបូងពីសមត្ថកិច្ចមូលដ្ឋានបានផ្តល់មកថាកម្លាំងការិយាល័យព្រហ្មទណ្ឌកំរិតស្រាលស្នងការនគរបាលរាជធានីភ្នំពេញនិងមានការចូលរួមពីព្រះរាជអាជ្ញារងរាជធានីភ្នំពេញផងដែរនោះគឺបានចុះចាប់អ្នកលេងល្បែងបានចំនួន១៨នាក់ក្នុងនោះប្រុស០៤នាក់ស្រី១៨នាក់។អ្នកលេងល្បែងទាំងនេះត្រូវបានចាប់ក្នុងបុរីពិភពថ្មីផ្ទះលេខ២៨ ផ្លូវ១២ ស្ថិតក្នុងភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ។
ប្រភពព័ត៌មានបានឱ្យដឹងថាពេលចុះចាប់អ្នកលេងល្បែងទាំង១៨នាក់នេះសមត្ថកិច្ចបានរកឃើញបៀរចំនួន១០ហ៊ូដែលអាចសន្និដ្ឋានថាលេងចំនូន១០វង់ហើយក្នុងមួយដៃៗគឹលេងធំគួរសមដែរគឺចាប់ពីរមួយមឺុនទៅពីរមឺុនរៀល។
មុននិងឈានទៅដល់ការចុះចាប់អ្នកលេងល្បែងទាំងអស់នេះគឺសមត្ថកិច្ចបានធ្វើការស្រាវជ្រាវនិងទទួលបានការផ្តល់ព័ត៌មានពីប្រជាពលរដ្ឋផងដែរ។គេនៅមិនទាន់ដឹងថាក្នុងចំណោមអ្នកត្រូវបានចាប់ខ្លួនទាំង១៨នាក់នោះអ្នកណាខ្លះជាអ្នកលេងហើយអ្នកណាខ្លះជាអ្នកមើលនោះទេ?
បច្ចុប្បន្នសមត្ថកិច្ចបាននាំខ្លួនអ្នកទាំង១៨នាក់នេះទៅធ្វើការសាកសួរនៅការិយាល័យព្រហ្មទណ្ឌកំរិតស្រាលស្នងការនគរបាលរាជធានីភ្នំពេញ។
ចែករំលែកព័តមាននេះ