ខេត្តបន្ទាយមានជ័យ ៖ ពលករចំណាកស្រុកខុសច្បាប់ ដែលភាគីថៃចាប់បញ្ជូនមកប្រគល់ឱ្យសមត្ថកិច្ចកម្ពុជាតាមច្រកទ្វារអន្តរជាតិប៉ោយប៉ែតសម្រាប់ដើមឆ្នាំ២០១៤នេះ ហាក់មានការកើនទ្បើងជាងអំទ្បុងចុងឆ្នាំ២០១៣ សម្រាប់ដើមឆ្នាំ២០១៤នេះ ។
ខេត្តបន្ទាយមានជ័យ ៖ ពលករចំណាកស្រុកខុសច្បាប់ ដែលភាគីថៃចាប់បញ្ជូនមកប្រគល់ឱ្យសមត្ថកិច្ចកម្ពុជាតាមច្រកទ្វារអន្តរជាតិប៉ោយប៉ែតសម្រាប់ដើមឆ្នាំ២០១៤នេះ ហាក់មានការកើនទ្បើងជាងអំទ្បុងចុងឆ្នាំ២០១៣ សម្រាប់ដើមឆ្នាំ២០១៤នេះ ។
រថយន្តទ្រុងរបស់ថៃពេលដឹកពលករត្រទ្បប់មកវិញ គេឃើញញាត់ពលករខ្មែរណែនតាន់តាប់មានស្រីមានប្រុសខុសពីពេលចុងឆ្នាំ២០១៣ ដែលពេលខ្លះមានពលករត្រឹមតែកន្លះរថយន្តឬពេលខ្លះក្នុងរថយន្តមានពលករតែ៤ទៅ៥នាក់ប៉ុណ្ណោះ ក្នុងនោះរថយន្តខ្លះក៏មានទាំងកុមារតូចៗផងដែរ ។ បញ្ហាឆ្លងដែនខុសច្បាប់នេះ មើលទៅហាក់ពុំមានការថមថយទេ បើទោះជាស្ថានភាពនៅស្រុកថៃកំពុងមានវិបត្តិនយោបាយក៏ដោយ ។ ពលករខុសច្បាប់ដែលភាគីថៃចាប់បញ្ជូនមកវិញតាមច្រកទ្វារអន្តរជាតិប៉ោយប៉ែត ក្នុងដើមឆ្នាំ ២០១៤នេះ តាមប្រភពពីអ្នកចាប់ម៉ូយឱ្យរថយន្តឈ្នួល ក៏ដូចជាក្រុមអ្នករកស៊ីប្តូរប្រាក់នៅចំណុចក្បែររង្វង់មូលច្រកទ្វារអន្តរជាតិប៉ោយប៉ែត បានឱ្យដឹងថា មានការកើនទ្បើងជាងកាលពីអំទ្បុងចុងឆ្នាំ២០១៣ ។
ក្រុមពលករទាំងនេះ នៅពេលវិលត្រទ្បប់មកវិញមិនព្រមប្រាប់ពីអត្តសញ្ញាណទ្បើយ ប៉ុន្តែអ្នកខ្លះប្រាប់ថាត្រូវគេចាប់ពេលកំពុងវិលត្រទ្បប់តាមរថយន្តតូចធំរបស់ថៃ ឯអ្នកខ្លះថា ត្រូវគេចាប់តាមខ្សែបន្ទាត់ព្រំដែនក្រោយពីឆ្លងពីកម្ពុជា ដើម្បីទៅរកការងារធ្វើលើទឹកដីថៃ ។ ទោះជាយ៉ាងណា ជុំវិញបញ្ហាខាងលើ សមត្ថកិច្ចនគរបាលអន្តោប្រវេសន៍នៅច្រកទ្វារអន្តរជាតិប៉ោយប៉ែត មិនអាចទាក់ទងសុំការបំភ្លឺបានទេ គឺតែងតែនិយាយថា មិនអាចប្រាប់បាន ហើយឱ្យសួរទៅថ្នាក់លើវិញ ។ ការឆ្លងដែនខុសច្បាប់វាពិតជាមិនគួរឱ្យកើនមាននោះទេ ព្រោះពេលនេះស្ថានការណ៍នយោបាយនៅប្រទេសថៃកំពុងជួបចលាចល ៕
ចែករំលែកព័តមាននេះ