ខេត្តបាត់ដំបង ៖ បុរសវ័យចំណាស់ម្នាក់ត្រូវរថយន្តបុកស្លាប់ ពេលព្យាយាមជិះបត់ឆ្លងថ្នល់កាត់ពីមុខរថយន្ត កាលពីវេលាម៉ោង៨និង៥០នាទីព្រឹកថ្ងៃ៣០ សីហា នៅលើផ្លូវជាតិលេខ៥៧B ស្ថិតក្នុងភូមិអូរដា ឃុំអូរដា ស្រុកកំរៀង…
ខេត្តបាត់ដំបង ៖ បុរសវ័យចំណាស់ម្នាក់ត្រូវរថយន្តបុកស្លាប់ ពេលព្យាយាមជិះបត់ឆ្លងថ្នល់កាត់ពីមុខរថយន្ត កាលពីវេលាម៉ោង៨និង៥០នាទីព្រឹកថ្ងៃ៣០ សីហា នៅលើផ្លូវជាតិលេខ៥៧B ស្ថិតក្នុងភូមិអូរដា ឃុំអូរដា ស្រុកកំរៀង ខណ:ដែលធ្វើដំណើរបញ្ច្រាស់ទិសគ្នា ។
សេចក្ដីរាយការណ៍បានឲ្យដឹងថា ជនរងគ្រោះឈ្មោះ ខែក ញ៉យ អាយុ៦៨ឆ្នាំ រស់នៅចំណុចភូមិ-ឃុំកើតហេតុខាងលើ។ គាត់ជិះម៉ូតូក្នុងទិសដៅពីលិចទៅកើត ដែលបញ្ច្រាសគ្នាជាមួយរថយន្ត ។ សេចក្ដីរាយ
ការណ៍ដដែលថា រថយន្តដែលបុកមនុស្សស្លាប់ម៉ាកកាមរី (ឆ្លាម) ពណ៌ស្លែ ពាក់ផ្លាកលេខភ្នំពេញ 2A-2977 (អ្នកបើកបររត់គេចខ្លួនបាត់) ហើយបានបុកអ្នកជិះម៉ូតូពេញទំហឹងពេលមកដល់ចំណុចខាងលើ បណ្ដាលឲ្យរងរបួសធ្ងន់ តែក្រោយមកបានស្លាប់ពេលបញ្ជូនដល់មណ្ឌល់សុខភាព។
បើតាមសមត្ថកិច្ចបានប្រាប់ថា អ្នកជិះម៉ូតូបានព្យាយាមជិះម៉ូតូបត់ឆ្លងថ្នល់កាត់ពីមុខរថយន្ត ដែលកំពុងធ្វើដំណើរផ្ទុយគ្នា ខណ:អ្នកបើកបររថយន្តគ្រប់គ្រងល្បឿនមិនបានក៏បុកម៉ូតូពេញទំហឹងតែម្ដង។ ក្រោយពេលធ្វើការវាស់វែងនៅកន្លែងកើតហេតុ មន្ត្រីជំនាញបាននាំយកមធ្យោបាយបង្កគ្រោះថ្នាក់ទាំង២ភាគីទៅរក្សាទុកនៅអធិការដ្ឋាននគរបាលស្រុកកំរៀង ហើយដើម្បីចាត់ការតាមនីតិវិធី ៕ (សម្រួលដោយ៖ ស្រីណា)
ចែករំលែកព័តមាននេះ