Honda Gold Wing GL1800AD ស៊េរីថ្មី ២០១៤ បានធ្វើឱ្យក្រុមហ៊ុនផលិតម៉ូតូដទៃទៀតហាក់ដូចជាមិនអាចមើលរំលងបានពីតំណែងនៃការលោតផ្លោះទៅនឹងលំដាប់កំពូលនៃទីផ្សារម៉ូតូប្រណីត ។ ចាប់តាំងពីការកែសម្រួលឡើងវិញជាលើកដំបូងជាមួយនឹងម៉ាសីុនទំហំ៤សីុឡាំងចំណុះ១.០០០សេសេ ទៅជាម៉ាសីុនថ្មី១.៨០០សេសេ៦សីុឡាំងរួចមកGold Wing ហាក់ដូចជាបានផ្ដល់នៅអ្វីដែលស័ក្ដិសមជាលក្ខណៈម៉ូតូប្រណីត ជាមួយនឹងលក្ខណៈពិសេស នៅក្នុងកិច្ចការពារសុវត្ថិភាព និងធន់ធានានៅក្នុងការប្រើប្រាស់យូរអង្វែង ។
ចំណែកអ្វីដែលគួរឱ្យជាប់ចិត្តសម្រាប់អតិថិ ជននោះគឺម៉ូតូដ៏ទំនើបនេះមានបំពាក់ម៉ាសីុនប្រកបដោយបច្ចេកវិទ្យាខ្ពស់ដែលធ្វើឱ្យវាមានលក្ខណៈជាម៉ូតូប្រណីតពេញនិយម ។ បច្ចេកវិទ្យាទាំងនោះរាប់ទាំងប្រព័ន្ធគ្រប់គ្រងការធ្វើដំណើរដោយអេឡិចត្រូនិកប្រព័ន្ធបញ្ចូលលេខថយក្រោយ ប្រព័ន្ធបំពងសំឡេងដែលមានមុខងារច្រើនយ៉ាងនិងពោរពេញដោយថាមពល កៅអីកម្ដៅជាដើម ។
ម្យ៉ាងទៀតម៉ូដែលADក៏បានផ្ដល់នូវលក្ខណៈពិសេសបំផុតនៃការបំពាក់ប្រព័ន្ធពោងខ្យល់ការពារសុវត្ថិភាពខណៈម៉ូតូជួបគ្រោះថ្នាក់ដែលមានតែមួយគត់និងដំបូងបំផុតនៅលើពិភពលោក ។
ជាងនេះទៅទៀតចំណុចពិសេសនៃប្រព័ន្ធហ្វ្រាំងរបស់Gold Wing គឺប្រព័ន្ធទប់ទល់នឹងការជ្រមុជក្បាលម៉ូតូចុះខណៈពេលជាន់ហ្វ្រាំងដែលធ្វើឱ្យជំពាស់នៃបូមមុខរបស់ម៉ូតូស្រុតចុះបន្តិចម្ដងៗនៅពេលណាអ្នកបើកបរជាន់ហ្វ្រាំងបន្ថយល្បឿន ។
សម្គាល់ ៈ ពោងខ្យល់សុវត្ថិភាពរបស់ម៉ូតូនេះនឹងផ្ទុះបំប៉ោងឡើងនៅពេលដែលម៉ូតូជួបឧប្បត្តិហេតុគ្រោះថ្នាក់ចរាចរណ៍ដោយប្រការណាមួយ ។
លក្ខណៈបច្ចេកទេស
– ប្រភេទម៉ាសីុន ៈ ៦សីុឡាំងបំពាក់ដាក់ផ្ដេកបញ្ច្រាសគ្នា និងប្រើវត្ថុរាវស្អំម៉ាសីុន
– ចំណុះម៉ាសីុន ៈ ១.៨៣២ សេសេ
– សឺមីនិងជំហានពីស្ដុង ៈ ៧៤ម.មX៧១ម.ម
– ផលធៀបកម្លាំងបង្ហាប់ ៈ ៩.៨ ៈ ១
– ប្រតិបត្តិការរបស់ស៊ូប៉ាប់ ៈ ២ស៊ូប៉ាប់ក្នុងមួយសីុឡាំង
– ប្រើប្រអប់លេខ ៈ ៥វគ្គរាប់បញ្ចូលទាំងលេខទី៥ ជាលេខថយក្រោយ
- ប្រើសម្បកកង់ខ្នាត ៈ ១៣០/៧០R-18 (មុខ)/១៨០/៦០R-១៦(ក្រោយ )
– ហ្វ្រាំងមុខប្រភេទ ៈ ថាសភ្លោះមានខ្នាត២៩៦ម.ម ជាមួយនឹងការលីបរ័បីពីស្ដុង
– ហ្វ្រាំងក្រោយប្រភេទ ៈ ថាសមានខ្នាត៣១៦ម.មប្រើកាលីបរ័៣ពីស្ដុងដូចគ្នា
– កម្ពស់គិតត្រឹមកែបម៉ូតូ ៈ ៧៤០ម.ម
– ទម្ងន់ផ្ទុកគិតទាំងប្រេងឥន្ធនៈ ៈ ៤២៣គីឡូក្រាម
– ចំណុះធុងប្រេង ៈ ២៥លីត្រ
-តម្លៃចេញពីរោងចក្រមិនទាន់គិតពន្ធ៣១.៤៩៩ដុល្លារអាមេរិក ។
ចែករំលែកព័តមាននេះ