ខេត្តកំពង់ស្ពឺ ៖ ក្រុមហ៊ុនអេហ្សិត អ៊ិនវេសមិនគ្រុប (AZ Investment Group) កំពុងសិក្សាគម្រោងធ្វើផ្លូវហាយវ៉េគំរូទៅកាន់ខេត្តព្រះសីហនុ ហើយតាមការគ្រោងទុកដែលខ្លួនកំពុងសិក្សានោះ គឺនឹងចាប់ផ្តើមនៅឆ្នាំ២០១៤នេះ ដែលមានប្រវែងប្រមាណ២០គីឡូម៉ែត្រ ។
ខេត្តកំពង់ស្ពឺ ៖ ក្រុមហ៊ុនអេហ្សិត អ៊ិនវេសមិនគ្រុប (AZ Investment Group) កំពុងសិក្សាគម្រោងធ្វើផ្លូវហាយវ៉េគំរូទៅកាន់ខេត្តព្រះសីហនុ ហើយតាមការគ្រោងទុកដែលខ្លួនកំពុងសិក្សានោះ គឺនឹងចាប់ផ្តើមនៅឆ្នាំ២០១៤នេះ ដែលមានប្រវែងប្រមាណ២០គីឡូម៉ែត្រ ។
គម្រោងសិក្សាសាងសង់ផ្លូវភ្លោះនេះ (ផ្លូវហាយវ៉េ) គឺចាប់ពីចំណុចគីឡូម៉ែត្រលេខ៥២ ដល់៧២ (ផ្សារត្រពាំងក្រឡឹង) ហើយនឹងត្រូវចំណាយប្រាក់ប្រមាណ២០លានដុល្លារអាមេរិក ។ លោកជួន វ៉ាន់ឌន នាយកចាត់ការទូទៅនៃក្រុមហ៊ុនអេហ្សិត អ៊ិនវេសមិន បានថ្លែងប្រាប់អ្នកសារព័ត៌មាន កាលពីព្រឹកថ្ងៃទី៧ មីនា ២០១៤ កន្លងមកថា ក្រុមហ៊ុនមិនទាន់និយាយថា នឹងត្រូវសាងសង់ពេលណានោះទេ តែក្រុមហ៊ុនរបស់លោកកំពុងធ្វើការសិក្សា និងវាយតម្លៃចំពោះស្ថានភាពនៅឡើយ ។
លោកបានបញ្ជាក់ថា «តាមគម្រោងនេះ យើងនឹងធ្វើចំនួន២០គីឡូម៉ែត្រ ហើយបើតាមស្តង់ដារ គឺនឹងត្រូវចំណាយ២០លានដុល្លារ តែយើងធ្វើការសិក្សាសិន នេះគឺជាការប៉ាន់ស្មានជាបឋមនៅឡើយទេ។ ការអនុវត្តន៍ជាក់ស្តែង គម្រោងនឹងសិក្សាបន្តទៀត ជាធម្មតានឹង អភិវឌ្ឍន៍ជាបន្តបន្ទាប់ថា គម្រោងនេះមិនទានមួយរយភាគរយនោះទេ យើងសិក្សាសិន ថាតើក្រុមហ៊ុនអាចមានលទ្ធភាពធ្វើបានដែរ ឬយ៉ាងណា?
ហើយមានការគាំទ្រពីថ្នាក់ដឹកនាំ ក៏ដូចជាប្រមុខរាជរដ្ឋាភិបាលឬទេ ហើយមានការគាំទ្រទាំងសងខាង ទើបគម្រោងនឹងប្រព្រឹត្តទៅបាន ហើយបើគម្រោងនេះ មានការគាំទ្រហើយ យើងនឹងធ្វើភ្លាមៗតែម្តង ។
ចែករំលែកព័តមាននេះ