សារព័ត៌មានវៀតណាមរាយការណ៍ កាលពីថ្ងៃទី៩ មីនា ថា បណ្ដានាវាសិង្ហបុរីទទួលបន្ទុកជួយតាមរុករកយន្ដហោះបាត់ដានរបស់ក្រុមហ៊ុនអាកាសចរណ៍ម៉ាឡេស៊ី MALAYSIA AIRL- INES បានរកឃើញរបស់របរអណ្ដែតទឹកទាំងឡាយសង្ស័យចេញមកពីយន្ដហោះដែលធ្លាក់ក្នុងសមុទ្រ ។
សារព័ត៌មានវៀតណាមរាយការណ៍ កាលពីថ្ងៃទី៩ មីនា ថា បណ្ដានាវាសិង្ហបុរីទទួលបន្ទុកជួយតាមរុករកយន្ដហោះបាត់ដានរបស់ក្រុមហ៊ុនអាកាសចរណ៍ម៉ាឡេស៊ី MALAYSIA AIRL- INES បានរកឃើញរបស់របរអណ្ដែតទឹកទាំងឡាយសង្ស័យចេញមកពីយន្ដហោះដែលធ្លាក់ក្នុងសមុទ្រ ។
កាសែត TUOI TRE និងកាសែត TH-ANH NIEN របស់វៀតណាមរាយការណ៍ថា របស់របរទាំងនោះប្រទះឃើញនៅកន្លែងមួយចម្ងាយ១០០គីឡូម៉ែត្រភាគនីរតីកោះ THO CHU នាវេលាម៉ោង១៤និង៤៥នាទីម៉ោងក្នុងស្រុកដែលគេយល់ថា អណ្ដែតចេញមកពីយន្ដហោះប៊ូអីុង ៧៧៧ ដែលបាត់ដាន ។ ចំណែកបណ្ដាក្រុមអ្នករុករកសិង្ហបុរីបានរៀបរាប់ពីការរកឃើញរបស់របរទាំងនេះប្រាប់ដល់ក្រុមអ្នករុករកវៀតណាម ។ កងទ័ពវៀតណាមបានសម្រេចបញ្ជូនឧទ្ធម្ភាចក្រ១គ្រឿងមកកាន់តំបន់សង្ស័យយន្ដហោះធ្លាក់ក្នុងក្របខណ្ឌនៃប្រតិបត្ដិការតាមរុករក ។
ប្រតិបត្ដិការតាមរុករកដ៏ធំមួយកំពុងធ្វើចូលរួមដោយនាវា និងឧទ្ធម្ភាចគ្រជាច្រើនសិបគ្រឿងមកពីប្រទេសផ្សេងៗ ។ ចំណែកអាជ្ញាធរសមុទ្រម៉ាឡេស៊ី ប្រកាសពីការរកឃើញស្រទាប់ប្រេងឥន្ធនៈធំមួយកាលពីថ្ងៃទី៩ មីនា នៅកន្លែងមួយចម្ងាយ១០០ម៉ាយពី TOK BALI ក្នុងរដ្ឋកឺឡានតាន ភាគឦសានម៉ាឡេស៊ី ។
លោក MOHD AMDAN KURDISH អគ្គនាយករបស់អាជ្ញាធរសមុទ្រម៉ាឡេស៊ីក្នុងសន្និសីទសារព័ត៌មានមួយនិយាយថា នាវា១គ្រឿងត្រូវបានបញ្ជូនទៅកាន់កន្លែងរកឃើញប្រេងអណ្ដែតនោះ ដើម្បីប្រមូលយកគំរូប្រេងឥន្ធនៈ រួចគំរូប្រេងនោះនឹងត្រូវយកទៅធ្វើវិភាគដើម្បីជំលាត់ថាតើវាជាប្រេងធ្លាយចេញមកពីយន្ដហោះជើងហោះហើរ MH370 ឬក៏ធ្លាយចេញពីនាវាណាមួយគ្រឿងដែលបើកកាត់តំបន់នោះ ៕
ចែករំលែកព័តមាននេះ