ខេត្តមណ្ឌលគិរី ៖ ប្រជាសហគមន៍ចំនួន៣ បានចាប់ជនជាតិវៀតណាមចំនួន១៥នាក់ ដែលឆ្លងដែនកាប់ឈើនៅក្នុងស្រុកពេជ្រាដាខុសច្បាប់ ហើយប្រគល់ឱ្យសមត្ថកិច្ចប៉ុស្តិ៍រដ្ឋបាលឃុំប៊ូស្រា ។ ហេតុការណ៍ខាងលើនេះ បានកើតឡើងកាលពីម៉ោង៤ទៀបភ្លឺថ្ងៃទី៨ មីនា ២០១៤ ស្ថិតនៅចំណុចភូមិឡាម៉េះ ឃុំប៊ូស្រា ស្រុកពេជ្រាដា ក្បែរច្រករបៀងការពារព្រំដែនលេខ៨ ហៅប៉ុស្តិ៍ទួលស្វាយ មានព្រំ
ខេត្តមណ្ឌលគិរី ៖ ប្រជាសហគមន៍ចំនួន៣ បានចាប់ជនជាតិវៀតណាមចំនួន១៥នាក់ ដែលឆ្លងដែនកាប់ឈើនៅក្នុងស្រុកពេជ្រាដាខុសច្បាប់ ហើយប្រគល់ឱ្យសមត្ថកិច្ចប៉ុស្តិ៍រដ្ឋបាលឃុំប៊ូស្រា ។ ហេតុការណ៍ខាងលើនេះ បានកើតឡើងកាលពីម៉ោង៤ទៀបភ្លឺថ្ងៃទី៨ មីនា ២០១៤ ស្ថិតនៅចំណុចភូមិឡាម៉េះ ឃុំប៊ូស្រា ស្រុកពេជ្រាដា ក្បែរច្រករបៀងការពារព្រំដែនលេខ៨ ហៅប៉ុស្តិ៍ទួលស្វាយ មានព្រំប្រទល់ជាប់ស្រុកអូររាំង ។
ក្រុមសហគមន៍នៅស្រុកពេជ្រាដាចំនួន៣ដែលមានសហគមន៍ពូចា សហគមន៍ឡាម៉េះ និងសហគមន៍ពូលុ មានគ្នាចំនួន៤៧នាក់រួមមានទាំងប្រជាការពារភូមិ១៥ នាក់បានធ្វើការឡោមព័ទ្ធចាប់បានក្រុមជនជាតិវៀតណាមចំនួន១៥នាក់ ។ សមត្ថកិច្ចឱ្យដឹងថា ក្រុមសហគមន៍បានឡោមព័ទ្ធចាប់បាននោះ មានជនជាតិវៀតណាមចំនួន១៥នាក់ (ប្រុសទាំងអស់) គោយន្ត៤គ្រឿង កាំភ្លើង M16 ចំនួន១ដើមគ្មានគ្រាប់ ម៉ូតូចំនួន៩គ្រឿង ម៉ាស៊ីនត្រង់ស៊ីន័រ ៦គ្រឿង និងឈើឡាំង៤ជ្រុងមួយចំនួនផងដែរ រហូតដល់ម៉ោង៥និង៣៥នាទីល្ងាចថ្ងៃដដែលនេះ ជនជាតិវៀតណាមទាំង១៥នាក់ រួមមានទាំងវត្ថុតាងត្រូវបាន សហគមន៍ធ្វើការបញ្ជូនមកកាន់ប៉ុស្តិ៍រដ្ឋបាល ឃុំប៊ូស្រា ដើម្បីសួរនាំ និងរៀបចំបញ្ជូនជនសង្ស័យទាំងនោះមកកាន់ស្នងការខេត្ត ។
ចែករំលែកព័តមាននេះ