ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវមួយសឹងតែមិនគួរឱ្យជឿ ខណៈមាននារីម្នាក់ Georgi Readman អាយុ១៨ឆ្នាំ រស់នៅប្រទេសអង់គ្លេស មិនទទួលទានអាហារអ្វីផ្សេង ក្រៅពីមីកញ្ចប់ ។ អាការៈតមចំណីអាហាររបស់នាង Georgi គឺពិតជាចម្លែកណាស់ ហើយបើរាប់មកដល់ពេលនេះ គឺមានរយៈពេល១១ឆ្នាំហើយ ដែលនាងបានតាំងចិត្តមិនព្រមធ្វើការផ្លាស់ប្តូរនូវទម្លាប់ដែល
ប្រភពពីបរទេសនាពេលថ្មីៗនេះបានបង្ហាញនូវរឿងរ៉ាវមួយសឹងតែមិនគួរឱ្យជឿ ខណៈមាននារីម្នាក់ Georgi Readman អាយុ១៨ឆ្នាំ រស់នៅប្រទេសអង់គ្លេស មិនទទួលទានអាហារអ្វីផ្សេង ក្រៅពីមីកញ្ចប់ ។ អាការៈតមចំណីអាហាររបស់នាង Georgi គឺពិតជាចម្លែកណាស់ ហើយបើរាប់មកដល់ពេលនេះ គឺមានរយៈពេល១១ឆ្នាំហើយ ដែលនាងបានតាំងចិត្តមិនព្រមធ្វើការផ្លាស់ប្តូរនូវទម្លាប់ដែលខុសពីអ្នកដទៃបែបនេះ ។ អំឡុងពេលដែលគេបានដឹងនូវព័ត៌មានចម្លែកនេះ គឺមានមហាជនជាច្រើនបានចោទសួរនាង Georgi ហេតុអ្វីបានជាសម្រេចចិត្តជ្រើសរើសរបបអាហារដែលអាចធ្វើឱ្យប៉ះពាល់ដល់សុខភាពយ៉ាងនេះ?
នាង Georgi បាននិយាយរៀបរាប់ឱ្យដឹងថា «ការទម្លាប់ញ៉ាំរបបអាហារខុសពីអ្នកដទៃនេះ មានមនុស្សជាច្រើនបានចោទសំណួរមកលើនាងដោយចង់ដឹងនូវហេតុផលពិតប្រាកដ? នាងឱ្យដឹងថា ដើមចមដែលនាងជ្រើសរើសនូវការញ៉ាំតែមីកញ្ចប់ដោយសារតែកាលពីនាងមានអាយុ៧ឆ្នាំ គឺបានពុលបន្លែ និងផ្លែឈើកម្រិតធ្ងន់ធ្ងរស្ទើរស្លាប់ទៅហើយ។ សំណាងល្អក្រុមគ្រួសាររបស់នាងបានបញ្ជូននាងទៅមន្ទីរពេទ្យទាន់ពេលវេលា ទើបគ្រូពេទ្យអាចជួយសង្គ្រោះរួចផុតពីគ្រោះថ្នាក់ដល់អាយុជីវិត ។ តែនាងត្រូវសម្រាកព្យាបាលចំនួន២សប្តាហ៍ ទើបស្ថានភាពជំងឺរបស់នាងបានធូរស្រាល។ ចាប់តាំងពីជាសះស្បើយពីជំងឺ នាងក៏ផ្លាស់ប្តូរនូវរបបអាហារទទួលទានជាប្រចាំថ្ងៃ ពោលគឺនាងជ្រើសរើសមីកញ្ចប់ប៉ុណ្ណោះ ។ ដូច្នេះចាប់តាំងពីពេលនោះមកជារៀងរាល់ថ្ងៃ នាងគ្មានញ៉ាំម្ហូបអីក្រៅពីកញ្ចប់ឡើយ» ។
បើតាមសម្តីរបស់វេជ្ជបណ្ឌិតម្នាក់បានឱ្យដឹងដែរថា «ជម្រើសរបបអាហាររបស់នាង Georgi គឺមិនត្រឹមត្រូវឡើយ ពីព្រោះវាមិនសមស្របទៅតាមក្បួនខ្នាតនៃរបបចំណីអាហារដែលតម្រូវឱ្យមនុស្សម្នាក់ទទួលទានជាប្រចាំថ្ងៃនោះ ។ ប្រសិនបើនាងមិនព្រមផ្លាស់ប្តូរនូវទម្លាប់ ដូច្នេះនាពេលអនាគតនាងអាចប្រឈមមុខនឹងជំងឺផ្សេងៗជាច្រើន ។ ជាពិសេសបច្ចុប្បន្ននាងកំពុងតែមានជំងឺខ្វះអាហាររូបត្ថម្ភដោយសារតែអស់រយៈពេល១១ឆ្នាំកន្លងមកហើយ នាងញ៉ាំតែមីកញ្ចប់បែបនេះ» ៕
ចែករំលែកព័តមាននេះ