កាសែតថៃ ៖ រថយន្តដឹកពលករចំណាកស្រុកកម្ពុជា ក្នុងទិសដៅឆ្ពោះទៅក្រុងប៉ាតាយ៉ា បានជួបនឹងគ្រោះថ្នាក់ចរាចរណ៍បុកបង្គោលក្រោមស្ពាន កាលពីវេលាម៉ោង៥ភ្លឺ ថ្ងៃទី៩ មីនា។ តាមប្រភពព័ត៌មានថា រថយន្តដែលបង្កគ្រោះថ្នាក់នេះ ជាប្រភេទរថយន្តមួយបាំងកន្លះដឹកពលករចំណាកស្រុកកម្ពុជា បានបុកបង្គោលថ្មនៅពីក្រោមស្ពាន ស្ថិតនៅក្នុងស្រុកស៊ីរាជា ខេត្តឈុនបុរី បណ្តាល
កាសែតថៃ ៖ រថយន្តដឹកពលករចំណាកស្រុកកម្ពុជា ក្នុងទិសដៅឆ្ពោះទៅក្រុងប៉ាតាយ៉ា បានជួបនឹងគ្រោះថ្នាក់ចរាចរណ៍បុកបង្គោលក្រោមស្ពាន កាលពីវេលាម៉ោង៥ភ្លឺ ថ្ងៃទី៩ មីនា។ តាមប្រភពព័ត៌មានថា រថយន្តដែលបង្កគ្រោះថ្នាក់នេះ ជាប្រភេទរថយន្តមួយបាំងកន្លះដឹកពលករចំណាកស្រុកកម្ពុជា បានបុកបង្គោលថ្មនៅពីក្រោមស្ពាន ស្ថិតនៅក្នុងស្រុកស៊ីរាជា ខេត្តឈុនបុរី បណ្តាលឱ្យស្លាប់ និងរងរបួសជាច្រើននាក់ ។
តាមប្រភពព័ត៌មានពីកាសែតថៃ បានផ្សាយថា ប៉ូលិសស្ថិតក្នុងស្រុកស៊ីរាជា ខេត្តឈុនបុរី បានទទួលដំណឹងពីឧបទ្ទវហេតុរថយន្តបុកបង្គោលថ្មនៅខាងក្រោមស្ពាន «ភ្នំបៃតង» ក្នុងទិសដៅចូលទៅកាន់ក្រុងប៉ាតាយ៉ា ស្ថិតក្នុងឃុំបាងប្រា ស្រុកស៊ីរាជា ខេត្តឈុនបុរី បង្កឱ្យមានអ្នកស្លាប់ និងរងរបួស ។
នៅចំណុចកើតហេតុក្នុងបរិវេណក្រោមស្ពាន «ភ្នំបៃតង» ចន្លោះគីឡូម៉ែត្រលេខ៨៩-៩០ គេឃើញរថយន្តមួយបាំងកន្លះម៉ាកហ្វ័តរ៉េនចឺ ពណ៌ខ្មៅ ពាក់ស្លាកលេខ បាងកក ៧៣១៧ មួយគ្រឿង ស្ថិតក្នុងសភាពខូចខាតទាំងស្រុង ។
តាមការត្រួតពិនិត្យរបស់ក្រុមជួយសង្គ្រោះនៅកន្លែងកើតហេតុឃើញថា មានអ្នកស្លាប់ចំនួន៦នាក់ និង៤នាក់ផ្សេងទៀតរងរបួស ដែលសុទ្ធសឹងជាជនជាតិកម្ពុជា ។ ដោយឡែក អ្នករងរបួសត្រូវបានបញ្ជូនទៅព្យាបាលនៅឯមន្ទីរពេទ្យលេមឆាម៉ាង ។ តាមរយៈការសាកសួរពីអ្នកស្រុកនៅក្បែរតំបន់កើតហេតុ ឱ្យដឹងថា មុនពេលកើតហេតុ គេឃើញរថយន្តខាងលើបើកបរក្នុងល្បឿនលឿនសំដៅទៅក្រុងប៉ាតាយ៉ា ស្របពេលជាមួយគ្នានោះ ក៏មានរថយន្តរបស់ប៉ូលិសបើកដេញពីក្រោយ និងបន្ទាប់មកក៏លាន់ឮសំឡេងបុកយ៉ាងខ្លាំងដូចរន្ទះ ពេលក្រឡេកទៅកាន់កន្លែងឮសំឡេងបុកនោះ ក៏ឃើញរថយន្តខាងលើបុកបង្គោលថ្មក្រោមស្ពាន ។ ក្រោយមកអ្នកដែលឃើញហេតុការណ៍ នាំគ្នារត់សំដៅទៅកន្លែងកើតហេតុ និងបានជួយអ្នករងរបួសចេញពីរថយន្ត ដែលមានអ្នកស្លាប់រដូករណែលនៅក្នុងនោះ ។ បច្ចុប្បន្នប៉ូលិសកំពុងត្រួតពិនិត្យ និងចាត់វិធានការតាមផ្លូវច្បាប់ចំពោះហេតុការណ៍ដែលកើតឡើងនេះ ។ មិនអាចស្គាល់អត្តសញ្ញាណអ្នកស្លាប់ និងអ្នករបួសភ្លាមៗបាននោះទេ ៕
ចែករំលែកព័តមាននេះ