អតីតប្រធានាធិបតីបារាំង លោកនីកូឡាស់ សាកូហ្ស៊ី ជាថ្មីម្តងទៀតជួបរឿងអាស្រូវមួយ ក្រោយការលាតត្រដាងកាលពីថ្ងៃទី៧ មីនា របស់កាសែតបារាំង LE MONDE ។ កាសែតនោះរៀបរាប់ពីការលួចស្តាប់ទូរស័ព្ទចាប់តាំងពីច្រើនខែមកហើយ ក្នុងក្របខណ្ឌនៃការស៊ើបអង្កេតមួយពីបទពុករលួយ និងពីបទរត់ពន្ធឥទ្ធិពល ។
អតីតប្រធានាធិបតីបារាំង លោកនីកូឡាស់ សាកូហ្ស៊ី ជាថ្មីម្តងទៀតជួបរឿងអាស្រូវមួយ ក្រោយការលាតត្រដាងកាលពីថ្ងៃទី៧ មីនា របស់កាសែតបារាំង LE MONDE ។ កាសែតនោះរៀបរាប់ពីការលួចស្តាប់ទូរស័ព្ទចាប់តាំងពីច្រើនខែមកហើយ ក្នុងក្របខណ្ឌនៃការស៊ើបអង្កេតមួយពីបទពុករលួយ និងពីបទរត់ពន្ធឥទ្ធិពល ។
យោងតាមកាសែត LE MONDE ថា ការស៊ើបអង្កេតរបស់តុលាការពីបទរត់ពន្ធឥទ្ធិពល ត្រូវបានធ្វើចាប់ពីថ្ងៃទី២៦ កុម្ភៈ មក ប្រឆាំងអតីតប្រធានាធិបតីបារាំងរូបនេះ ដែលសង្ស័យប្រើការប្រាស្រ័យទាក់ទងរបស់លោកជាមួយមេធាវីទាំងឡាយដើម្បីឱ្យទទួលបានព័ត៌មានសម្ងាត់ទាំងឡាយរបស់តុលាការ ពិសេសទាក់ទិនរឿងក្តី BETTENCOURT ។
កាសែតបារាំង EXPRESS មុននេះរាយការណ៍ថា ការឆែកឆេរត្រូវបានធ្វើកាលពីប៉ុន្មានថ្ងៃមុននេះក្នុងផ្ទះ និងក្នុងការិយាល័យរបស់លោក THIERRY HERZOG និងលោក GILBERT AZIBERT ដែលអ្នកទាំង២នោះពិតណាស់ជាប់ទាក់ទិននឹងរឿងនេះ ។
លោក HERZOG ជាមេធាវីរបស់លោកសាកូហ្ស៊ី បានបដិសេធថា ពុំមានការរត់ពន្ធឥទ្ធិពលណាមួយឡើយ រួចបានបដិសេធការចោទប្រកាន់នោះថា ជារឿងនយោបាយ ។ មេធាវីរូបនេះ បានរិះគន់ចំពោះការរកឃើញការលួចស្តាប់ទូរស័ព្ទ ដោយលោកនិយាយថា ការដាក់ឧបករណ៍លួចស្តាប់ចំពោះអតីតប្រធានាធិបតីមួយរូប ជារឿងហួសហេតុ ។
ចំណែកទស្សនាវដ្តីបារាំង LE CANARD ENCHAINE មុននេះបានផ្សាយការអាត់សំឡេងដកស្រង់ពីការសន្ទនាតាមទូរស័ព្ទ និងកិច្ចប្រជុំរបស់វិមានអេលីហ្សេ កាលពីឆ្នាំ២០១១ របស់លោកសាកូហ្ស៊ី ដែលលួចចាប់ដោយទីប្រឹក្សាម្នាក់របស់លោក ៕
ចែករំលែកព័តមាននេះ