យោងតាមនាយទាហានម្នាក់នៃកងម៉ារីនវៀតណាមថា យន្តហោះដឹកអ្នកដំណើរម៉ាឡេសុី ជើងហោះហើរ MH370 បានធ្លាក់នៅជិតកោះត្រល់ ។
រដ្ឋបាលអាកាសចរណ៍ស៊ីវិលចិន ត្រូវបានអាជ្ញាធរអាកាសចរណ៍ស៊ីវិលវៀតណាម រាយការណ៍ប្រាប់ថា វៀតណាម ម៉ាឡេស៊ី និង
យោងតាមនាយទាហានម្នាក់នៃកងម៉ារីនវៀតណាមថា យន្តហោះដឹកអ្នកដំណើរម៉ាឡេសុី ជើងហោះហើរ MH370 បានធ្លាក់នៅជិតកោះត្រល់ ។
រដ្ឋបាលអាកាសចរណ៍ស៊ីវិលចិន ត្រូវបានអាជ្ញាធរអាកាសចរណ៍ស៊ីវិលវៀតណាម រាយការណ៍ប្រាប់ថា វៀតណាម ម៉ាឡេស៊ី និងសិង្ហបុរី បានធ្វើប្រតិបត្តិការរួមគ្នាតាមរុករកយន្តហោះម៉ាឡេស៊ី ដែលបាត់ដាននៅភាគខាងត្បូងនៃប្រជុំកោះ THO CHU វៀតណាម ។ ការទាក់ទងត្រូវបាត់ជាមួយយន្តហោះធុនប៊ូអីុង 777-200 នោះ ដែលដឹកមនុស្ស២៣៩នាក់ ក្នុងនោះអ្នកដំណើរជាង១៥០នាក់ ជាជនជាតិចិន ។ យន្តហោះនោះហោះចេញពីទីក្រុងគូឡាឡាំពួរ កាលពីថ្ងៃទី៨ មីនា វេលាម៉ោង០០ និង៤១នាទី រំលងអធ្រាត្រ ហើយត្រូវទៅដល់ទីក្រុងប៉េកាំង វេលាម៉ោង៦ និង៣០នាទីថ្ងៃដដែលនោះ ។ យន្តហោះនេះបានបាត់ការទាក់ទងពេលកំពុងហោះកាត់ដែនអាកាសវៀតណាម ។
ការខិតខំប្រឹងប្រែងជួយរុករកយន្តហោះនេះជាអន្តរជាតិ ត្រូវបានបង្កើននាថ្ងៃទី៨ មីនា ២០ម៉ោងក្រោយការបាត់ដានយន្តហោះរបស់ក្រុមហ៊ុនអាកាសចរណ៍ MALAYSIA AIRLINES នោះដែលហោះទៅកាន់ក្រុងប៉េកាំង ។
អនុរដ្ឋមន្ត្រីដឹកជញ្ជូនវៀតណាមលោក PHAM QUY TIEU អះអាងថា ពួកអ្នកជួយសង្គ្រោះបានទៅដល់ដែនទឹកជិតកោះត្រល់ ដែលនៅទីនោះគេប្រទះឃើញស្រទាប់ប្រេងអណ្តែតគួរឱ្យសង្ស័យ២កន្លែងនាវេលាម៉ោង១៧ និង២០នាទី ម៉ោងក្នុងស្រុកនៅកន្លែងមួយចម្ងាយ១៥០គីឡូម៉ែត្រ ពីប្រជុំកោះ THO CHU និងនៅកន្លែងមួយទៀតចម្ងាយ១៩០គីឡូម៉ែត្រ ពីកាម៉ាវ ។
នាយករដ្ឋមន្ត្រីម៉ាឡេស៊ី លោកណាជីបរ៉ាហ្សាក់ គូសបញ្ជាក់ថា ពួកអ្នករុករក ត្រូវបានបង្កើនចំនួននៅតំបន់សង្ស័យថា យន្តហោះនោះធ្លាក់ ។ លោកអះអាងថា ម៉ាឡេស៊ី បានបញ្ជូនយន្តហោះ១៥គ្រឿង និងនាវា៩គ្រឿង ឆ្ពោះទៅកាន់តំបន់ដែលយន្តហោះនោះបាត់ដាន ខណៈកងម៉ារីនអាមេរិក សិង្ហបុរី ចិន និងវៀតណាម ក៏បញ្ជូននាវា និងយន្តហោះទៅកាន់ទីនោះដែរ ។
ក្នុងសន្និសីទសារព័ត៌មានមួយ លោកណាជីប ថ្លែងថា ការតាមការរុករកយន្តហោះ ជើងហោះហើរ MH370 កំពុងធ្វើជាកិច្ច ។ យើងប្រមូលផ្តុំនៅតំបន់ដែលផ្តល់សញ្ញាចុងក្រោយ ក៏ប៉ុន្តែយើងនៅពុំទាន់រកឃើញអ្វីសោះនៅឡើយ ។ លោកបានបដិសេធពីលទ្ធភាពនៃអំពើភេរវកម្មមួយអាចជាប្រភពនៃការបាត់ដានយន្តហោះធុនប៊ូអីុង 777-200 នោះ ។ យើងសិក្សាពីគ្រប់លទ្ធភាព ហើយវាជាការប្រញាប់ប្រញាល់ក្នុងការវាយតម្លៃចំពោះអ្វីដែលកើតមាន ។
កាលពីរសៀលថ្ងៃទី៨ មីនា នាយករដ្ឋមន្ត្រីចិន លោក LI-KEQIANG បានជួបសន្ទនាបន្ទាន់តាមទូរស័ព្ទជាមួយលោកណាជីប ពីប្រតិបត្តិការតាមរុករក និងជួយសង្គ្រោះ ។ លោក LI អះអាងថា មានអ្នកដំណើរចិនដល់ទៅ១៥៤នាក់ ជិះក្នុងយន្តហោះនោះ និងថា រដ្ឋាភិបាល និងប្រជាជនចិន មានការព្រួយបារម្ភខ្លាំងណាស់ចំពោះវាសនារបស់មនុស្សទាំង២៣៩នាក់ ក្នុងយន្តហោះនោះ ៕
ចែករំលែកព័តមាននេះ