ប្រទេសម៉ាឡេស៊ី ពេលនេះបានសិក្សាពីអំពើភេរវកម្មក្រោយការបាត់ដានយន្តហោះធុនប៊ូអីុង ៧៧៧ របស់ក្រុមហ៊ុន MALAYSIA AIRLINES នោះ ។
រដ្ឋមន្ត្រីដឹកជញ្ជូនម៉ាឡេស៊ីថ្លែងកាលពីថ្ងៃទី៩ មីនា ថា ភ្នាក់ងារសន្តិសុខរបស់ប្រទេសផ្តោតលើអ្នកដំណើរ២នាក់ដែលអាចប្រើ
ប្រទេសម៉ាឡេស៊ី ពេលនេះបានសិក្សាពីអំពើភេរវកម្មក្រោយការបាត់ដានយន្តហោះធុនប៊ូអីុង ៧៧៧ របស់ក្រុមហ៊ុន MALAYSIA AIRLINES នោះ ។
រដ្ឋមន្ត្រីដឹកជញ្ជូនម៉ាឡេស៊ីថ្លែងកាលពីថ្ងៃទី៩ មីនា ថា ភ្នាក់ងារសន្តិសុខរបស់ប្រទេសផ្តោតលើអ្នកដំណើរ២នាក់ដែលអាចប្រើប្រាស់លិខិតឆ្លងដែនអឺរ៉ុបដែលលួចពីគេបាន ដើម្បីជិះយន្តហោះដែលនាំឱ្យគេខ្លាចថា ជន២នាក់នោះវាយប្រហារភេរវកម្ម ។
រដ្ឋមន្ត្រីរូបនោះលោក ហីុសាម មូឌីន ហ៊ូសេន ថ្លែងថា ទន្ទឹមនឹងនេះផ្នែកស៊ើបការណ៍របស់យើងបានកេណ្ឌប្រមូលពិតណាស់បណ្តាភ្នាក់ងារប្រឆាំងភេរវកម្ម ។ ក្នុងចំណោមអ្នកដំណើរទាំង២២៧នាក់ ដែលមាន១៤សញ្ជាតិមាន២នាក់ឡើងយន្តហោះកាន់លិខិតឆ្លងដែនអឺរ៉ុបដែលលួចបានក្នុងនោះ ម្នាក់កាន់លិខិតឆ្លងដែនរបស់បុរសអីុតាលី មានឈ្មោះ LUIGI MARALDI ហើយម្នាក់ទៀតកាន់លិខិតឆ្លងដែនរបស់បុរសអូទ្រីសម្នាក់មានឈ្មោះថា CHRISTIAN KOZEL ក្នុងបញ្ជីឈ្មោះអ្នកដំណើរ ។ អ្នកទាំងពីរនោះពុំបានជិះយន្តហោះនោះឡើយ ហើយពួកគេអះអាងថា លិខិតឆ្លងដែនពួកគេម្នាក់បាត់កាលពីឆ្នាំ២០១២ ហើយម្នាក់ទៀតបាត់កាលពីឆ្នាំ២០១៣ ។
ភ្នាក់ងារប្រឆាំងភេរវកម្មរបស់គ្រប់ប្រទេសដែលទាក់ទិនត្រូវបានរាយការណ៍ប្រាប់ ។ កាលពីថ្ងៃទី៨ មីនា ប៉ូលិសអីុតាលី បានទៅកាន់ផ្ទះឪពុកម្តាយរបស់ LUIGI MARALDI ដើម្បីប្រាប់ថា យន្តហោះដែលកូនប្រុសពួកគេជិះបាត់ដានពីរា៉ដា ប៉ុន្តែលោក WALTER ឪពុករបស់គេនិយាយថា កូនប្រុសគាត់សុខសប្បាយទេ ហើយថែមទាំងនិយាយប្រាប់គាត់នាព្រឹកថ្ងៃនោះថា រូបគេមិនបានជិះយន្តហោះនេះឡើយ ។
ចិននិងអាមេរិកបញ្ជូននាវាចម្បាំងទៅជួយរុករកនាវាចម្បាំងចិន២គ្រឿង គឺនាវាឈ្មោះ JINGGANGSHAN និងនាវាឈ្មោះ MIANYANG បានធ្វើដំណើរទៅកាន់តំបន់សមុទ្រដែលយន្តហោះម៉ាឡេស៊ីនោះអាចធ្លាក់ ។
ប្រភពព័ត៌មានកងម៉ារីនចិនគូសបញ្ជាក់ថា នាវា JINGGANGSHAN មានឧបករណ៍ជួយសង្គ្រោះ និងមានឧបករណ៍ចាប់នាវាមុជទឹកនាព្រឹកថ្ងៃទី៩ មីនា បានចេញដំណើរពីកំពង់ផែ ZHAN JIANG ខេត្តក្វាងទុង ដើម្បីចូលរួមក្នុងបេសកម្មតាមរុករក ។ ឧទ្ធម្ភាគចក្រ២គ្រឿង សមាជិកអង្គភាពពេទ្យ៣០នាក់ អ្នកមុជទឹក១០នាក់ និងនាវិក៥២នាក់ស្ថិតលើនាវានោះ ។ នាវាចម្បាំងចិន១គ្រឿងទៀតឈ្មោះ MIANYANG បានចេញដំណើរ កាលពីយប់ថ្ងៃទី៨ មីនា ទៅតំបន់សង្ស័យថាយន្តហោះធ្លាក់ ។
ចំណែកកងម៉ារីនអាមេរិកគូសបញ្ជាក់ កាលពីថ្ងៃទី៨ មីនា ថា ខ្លួនបានបញ្ជូននាវាចម្បាំង១គ្រឿងជួយតាមរកយន្តហោះធ្លាក់ដែរ ។ នាវាពិឃាតឈ្មោះ USS PINCKNEY បានតម្រង់ឆ្ពោះទៅកាន់ឆ្នេរសមុទ្រភាគខាងត្បូងវៀតណាមដើម្បីចូលរួមក្នុងប្រតិបត្តិការតាមរុករក ។ នាវានោះមានឧទ្ធម្ភាគចក្រ២គ្រឿងមានឧបករណ៍សម្រាប់ប្រតិបត្តិការរុករក និងជួយសង្គ្រោះ ៕
ចែករំលែកព័តមាននេះ