ខេត្តស្ទឹងត្រែង ៖ បុរសជនជាតិខ្មែរអ៊ិស្លាម២នាក់បានស្លា.ប់ភ្លាមៗនៅនឹងកន្លែងដោយសារជិះម៉ូតូបុករថយន្តពេញទំហឹង កាលពីវេលាម៉ោង១១ និង៣០នាទីយប់ ថ្ងៃទី៨ មីនា ២០១៤ នៅចំណុចអង់តែនបី ស្ថិតក្នុងភូមិរាជានុកូល សង្កាត់ស្ទឹងត្រែង ។
ខេត្តស្ទឹងត្រែង ៖ បុរសជនជាតិខ្មែរអ៊ិស្លាម២នាក់បានស្លាប់ភ្លាមៗនៅនឹងកន្លែងដោយសារជិះម៉ូតូបុករថយន្តពេញទំហឹង កាលពីវេលាម៉ោង១១ និង៣០នាទីយប់ ថ្ងៃទី៨ មីនា ២០១៤ នៅចំណុចអង់តែនបី ស្ថិតក្នុងភូមិរាជានុកូល សង្កាត់ស្ទឹងត្រែង ។
លោកណាវ វន្នី នាយរងការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តស្ទឹងត្រែងបានបញ្ជាក់ថា មុនពេលកើតហេតុគេឃើញរថយន្តសាំងយ៉ុងពណ៌សំបកឪឡឹក ពាក់ស្លាកលេខ២Q៤០៩១ បានដឹកបន្លែផ្លែឈើមកពីខេត្តក្រចេះចូលមកខេត្តស្ទឹងត្រែងក្នុងទិសដៅពីត្បូងទៅជើង ចំណែកជនរងគ្រោះទាំង២នាក់ជិះម៉ូតូមួយគ្រឿងម៉ាកសេរុស ពណ៌ខ្មៅ អត់ស្លាកលេខធ្វើដំណើរបញ្ច្រាសទិសគ្នា ខណៈមកដល់ចំណុចកើតហេតុខាងលើម៉ូតូក៏បានបើកទៅបុកជាមួយរថយន្តយ៉ាងពេញទំហឹងបណ្តាលឱ្យស្លាប់ទាំង២នាក់ភ្លាមៗនៅកន្លែងកើតហេតុ។
លោកនាយរងការិយាល័យបានបន្តថា ជនរងគ្រោះទាំង២នាក់ ម្នាក់ឈ្មោះសេន ស្លេះ ភេទប្រុស អាយុ១៨ឆ្នាំ និងម្នាក់ទៀតឈ្មោះអ៊ែល សូនី ភេទប្រុស អាយុ២០ឆ្នាំ ជាកសិករ រស់នៅភូមិអូរព្រះ ឃុំអូរគ្រៀង ស្រុកសំបូរ ខេត្តក្រចេះ ជិះម៉ូតូម៉ាកសេរុស ពណ៌ខ្មៅ អត់ស្លាកលេខ។
បច្ចុប្បន្នរថយន្ត និងម៉ូតូត្រូវជំនាញនគរបាលចរាចរណ៍បញ្ជូនទៅរក្សាទុកនៅស្នងការដ្ឋាននគរបាលខេត្តស្ទឹងត្រែងដើម្បីរង់ចាំដោះស្រាយតាមផ្លូវច្បាប់ ៕
ចែករំលែកព័តមាននេះ