យន្តហោះប៊ូអីុងរបស់ក្រុមហ៊ុនអាកាសចរណ៍ MALAYSIA AIRLINES ដែលដឹកមនុស្ស២៣៩នាក់ ក្នុងនោះមានសមាជិកក្រុមយានិក១២នាក់ ដែលបាត់ដាន២ម៉ោង ក្រោយហោះចាកចេញពីទីក្រុងគូឡាឡាំពួរ ត្រូវបានដឹងអត្តសញ្ញាណ ។
ក្រុមហ៊ុនអាកាសចរណ៍នោះ តាមអីុនធើរណេតបានបង្ហាញបញ្ជីឈ្មោះអ្នកដំណើរ ទាំង២២៧នាក់ ក្នុងនោះមានកូនង៉ែត២នាក់
យន្តហោះប៊ូអីុងរបស់ក្រុមហ៊ុនអាកាសចរណ៍ MALAYSIA AIRLINES ដែលដឹកមនុស្ស២៣៩នាក់ ក្នុងនោះមានសមាជិកក្រុមយានិក១២នាក់ ដែលបាត់ដាន២ម៉ោង ក្រោយហោះចាកចេញពីទីក្រុងគូឡាឡាំពួរ ត្រូវបានដឹងអត្តសញ្ញាណ ។
ក្រុមហ៊ុនអាកាសចរណ៍នោះ តាមអីុនធើរណេតបានបង្ហាញបញ្ជីឈ្មោះអ្នកដំណើរ ទាំង២២៧នាក់ ក្នុងនោះមានកូនង៉ែត២នាក់ផង ។ ក្នុងបញ្ជីឈ្មោះអ្នកដំណើរមានជនជាតិចិន១៥៤នាក់ ម៉ាឡេស៊ី៣៨នាក់ ឥណ្ឌូណេស៊ី៧នាក់ អូស្ត្រាលី៧នាក់ ឥណ្ឌា៥នាក់ អាមេរិក៤នាក់ បារាំង៣នាក់ នូវែលហ្សេឡង់២នាក់ អ៊ុយក្រែន២នាក់ កាណាដា២នាក់ រុស្ស៊ីម្នាក់ អីុតាលីម្នាក់ ហូឡង់ម្នាក់ និងអូទ្រីសម្នាក់ ។
បុរសជនជាតិអីុតាលីម្នាក់ និងនារីជនជាតិអូទ្រីសម្នាក់ ដែលមានឈ្មោះក្នុងបញ្ជីអ្នកដំណើរស្ថិតក្នុងយន្តហោះនោះ តាមពិតពួកគេពុំបានជិះឡើយ ព្រោះលិខិតឆ្លងដែនពួកគេត្រូវចោរលួចប្រើ ។ កាសែត SKY NEWS របស់ម៉ាឡេស៊ីបញ្ជាក់ថា បុរសអីុតាលីឈ្មោះ LUIGI MARALDI អាយុ៣៧ឆ្នាំ ដែលឈ្មោះនិងលេខលិខិតឆ្លងដែនរបស់គេមានក្នុងបញ្ជីបានទូរស័ព្ទទៅកាន់ឪពុកគេ កាលពីថ្ងៃទី៨ មីនា ពីប្រទេសថៃទៅ ដោយនិយាយប្រាប់ឪពុកគេថា សូមប៉ាៗទៅភ័យអី ខ្ញុំពុំបានជិះក្នុងយន្តហោះនោះទេ ខ្ញុំពិតជាសុខសប្បាយ ។ ក្រសួងការបរទេសអីុតាលីអះអាងថា បានទូរស័ព្ទទៅកាន់លោក LUIGI MARALDI ។
ចំណែកអ្នកដំណើរជនជាតិអូទ្រីសម្នាក់ ដែលគេពុំបានប្រាប់ឈ្មោះអ្នកនាំពាក្យរបស់ក្រសួងការបរទេសអូទ្រីសនិយាយថា យើងបានត្រួតពិនិត្យបញ្ជីឈ្មោះអ្នកដំណើរម្នាក់ កាន់លិខិតឆ្លងដែនអូទ្រីស តែនោះជាឈ្មោះកាន់លិខិតឆ្លងដែនដែលលួចពីគេទេ ។ ក្រសួងនេះបានទំនាក់ទំនងឈ្មោះនោះ ហើយគេប្រាប់ថា គេមានសុខភាពល្អ រួចនៅឯប្រទេសអូទ្រីសរួចលិខិតឆ្លងដែននោះត្រូវគេលួចបាត់ កាលពីឆ្នាំ២០១២ពេលធ្វើដំណើរទៅកាន់ប្រទេសថៃ ៕
ចែករំលែកព័តមាននេះ