ខេត្តរតនគិរី ៖ បុរសចំណាស់ជនជាតិឡាវ២នាក់បាននាំគ្នាស្ពាយដងឆក់ និងអាគុយចេញទៅឆក់ត្រីបាត់មួយយប់ ស្អែកឡើងក្រុមគ្រួសារដើររកប្រទះឃើញសពដេកស្លា.ប់ទល់មុខគ្នា បង្កឱ្យមានការភ្ញាក់ផ្អើលកាលពីវេលាម៉ោង៦ល្ងាច ថ្ងៃទី៧ មីនា ២០១៤ នៅចំណុចអូរភ្នំ ក្នុងភូមិភ្នំកុក ឃុំភ្នំកុក ស្រុកវឺនសៃ។
ខេត្តរតនគិរី ៖ បុរសចំណាស់ជនជាតិឡាវ២នាក់បាននាំគ្នាស្ពាយដងឆក់ និងអាគុយចេញទៅឆក់ត្រីបាត់មួយយប់ ស្អែកឡើងក្រុមគ្រួសារដើររកប្រទះឃើញសពដេកស្លាប់ទល់មុខគ្នា បង្កឱ្យមានការភ្ញាក់ផ្អើលកាលពីវេលាម៉ោង៦ល្ងាច ថ្ងៃទី៧ មីនា ២០១៤ នៅចំណុចអូរភ្នំ ក្នុងភូមិភ្នំកុក ឃុំភ្នំកុក ស្រុកវឺនសៃ។
ប្រភពព័ត៌មានបានឱ្យដឹងថា សពបុរសចំណាស់ទាំង២នាក់ ម្នាក់ឈ្មោះគួ ឃិត អាយុ៥០ឆ្នាំ ជាកសិករ និងម្នាក់ទៀតឈ្មោះខៀម អាយុ៤៨ឆ្នាំ ជាកិសករដែរ។ សពជនរងគ្រោះទាំង២នាក់រស់នៅភូមិហ្វាំង ឃុំប៉ុង ស្រុកវឺនសៃ ។
ប្រភពដដែលបានឱ្យដឹងទៀតថា មុនពេលកើតហេតុនៅវេលាម៉ោង១រសៀល ថ្ងៃទី៦ មីនា ២០១៤ សពជនរងគ្រោះឈ្មោះគួ ឃិត បានបបួលសពឈ្មោះខៀម ទៅឆក់ត្រី ដោយនាំគ្នាស្ពាយដងឆក់ និងអាគុយចេញទៅបាត់មិនដឹងទៅឆក់នៅកន្លែងណាទេ។ ពេលជនរងគ្រោះទាំង២នាក់ទៅបាត់ដំណឹង១យប់មិនឃើញត្រឡប់មកផ្ទះវិញ ក្រុមគ្រួសារសពទាំង២បានលើកគ្នាដើ់ររកតាំងពីព្រឹកថ្ងៃទី៧ រហូតដល់ម៉ោង៦ល្ងាចថ្ងៃដដែលទើបប្រទះឃើញសពជនរងគ្រោះទាំង២នាក់ដេកស្លាប់ទល់មុខគ្នា ទំនងជាម្នាក់ក្នុងចំណោមពួកគាត់ទាំង២នាក់ត្រូវឧបករណ៍ឆក់ត្រីឆក់ ហើយម្នាក់ទៀតជួយក៏ត្រូវឆក់ស្លាប់ទាំង២នាក់តែម្តង។
បច្ចុប្បន្នសពជនរងគ្រោះទាំង២នាក់ត្រូវក្រុមគ្រួសាររៀបចំធ្វើបុណ្យតាមប្រពៃណីរៀងៗខ្លួន៕
ចែករំលែកព័តមាននេះ