ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ ត្រូវក្រុមគ្រួសារដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំងទាំងយប់ ខណៈបុរសរូបនោះផឹកស្រាស្រវឹងធ្លាក់ពីលើផ្ទះកំពស់ជាង៤ម៉ែត្រ ។
ខេត្តកំពង់ឆ្នាំង ៖ បុរសម្នាក់បានរងរបួសធ្ងន់ ត្រូវក្រុមគ្រួសារដឹកទៅសង្គ្រោះនៅមន្ទីរពេទ្យខេត្តកំពង់ឆ្នាំងទាំងយប់ ខណៈបុរសរូបនោះផឹកស្រាស្រវឹងធ្លាក់ពីលើផ្ទះកំពស់ជាង៤ម៉ែត្រ ។
ហេតុការណ៍នេះបានកើតឡើងកាលពីវេលាម៉ោង៨ និង១០នាទីយប់ ថ្ងៃទី៦ មីនា ២០១៤ ស្ថិតក្នុងភូមិព្រៃកោះ ឃុំជ្រៃបាក់ ស្រុករលាប្អៀរ។
តាមការរៀបរាប់របស់ស្ត្រីឈ្មោះស្រី ច្រឹប អាយុ៤៧ឆ្នាំ ត្រូវជាប្រពន្ធរបស់បុរសរងគ្រោះបានឱ្យដឹងថា ប្តីរបស់គាត់ឈ្មោះវ៉ាន់ នុប អាយុ៣១ឆ្នាំ ។ ស្ត្រីដដែលបន្តថា មុនពេលកើតហេតុ គាត់មិនបាននៅផ្ទះទេ ហើយប្តីគាត់ក៏មិនដឹងទៅផឹកស៊ីនៅឯណាដែរ ។ លុះដល់ម៉ោងជាង៨យប់គាត់បានត្រឡប់មកផ្ទះវិញស្រាប់តែឃើញប្តីរបស់គាត់កំពុងវារ និងស្រែកថ្ងូរនៅក្រោមផ្ទះ។ ភ្លាមនោះអ្នកស្រីបានស្ទុះចូលទៅជួយគ្រាឃើញមានរបួសហូរឈាម និងបាក់ដៃ ដោយប្តីរបស់គាត់បានប្រាប់ថា ធ្លាក់ពីលើផ្ទះអ្នកស្រីក៏ប្រញាប់ប្រញាល់ដឹកទៅមន្ទីរពេទ្យ។
ពេលទៅដល់មន្ទីរពេទ្យគ្រូពេទ្យប្រាប់ថា ប្តីរបស់គាត់បាក់ដៃស្តាំ២កំណាត់ រយះដៃឆ្វេង និងកំភួនជើងស្តាំធ្ងន់ធ្ងរ៕
ចែករំលែកព័តមាននេះ