វិធីងាយៗក្នុងការក្លាយជាមនុស្សឆ្លាតវៃជាងមុនអំពីលុយ


អ្នកមិនចំាបាច់ក្លាយជាអ្នកជំនាញ ដើម្បីធ្វើជាមនុស្សដែលមានសមត្ថភាពក្នុងការគ្រប់គ្រងលុយបានល្អទេ ។ គ្រាន់តែការផ្លាស់ប្តូរទម្លាប់តិចតួចទៅលើការសន្សំចាយវាយ និងវិនិយោគក៏អាចជួយឲ្យអ្នកមានទ្រព្យសម្បត្តិច្រើនជាងមុនដែរ ។

ដើម្បីជួយឲ្យអ្នកចាប់ផ្តើមខាងក្រោមនេះ គឺជាគន្លឹះងាយៗដែលត្រូវបានចងក្រងឡើងដោយអ្នកជំនាញរបស់ CNBC Make It ដែលអាចជួយឲ្យអ្នកគ្រប់គ្រងលុយដោយខ្លួនផ្ទាល់ ៖

១. ចាប់ផ្តើមវិនិយោគនៅអាយុខ្ទង់២០ ៖ អ្នកស្រី Suze Orman ដែលជាអ្នកជំនាញហិរញ្ញវត្ថុផ្ទាល់ខ្លួនបានប្រាប់មកថា ប្រសិនបើអ្នកមានសមត្ថភាព អ្នកគួរតែវិនិយោគនៅអាយុខ្ទង់២០ច្រើនជាងពេលដែលអ្នកមានអាយុខ្ទង់៣០ ។ អ្នកស្រីបានបកស្រាយថា ប្រសិនបើអ្នកវិនិយោគតិចក្នុងរយៈពេលយូរនោះប្រាក់ចំណេញដែលអ្នកទទួលវិញបាននឹងមានច្រើនជាងពេលដែលអ្នកវិនិយោគច្រើនក្នុងរយៈពេលខ្លី ។

២. កុំផ្តោតស្មារតីខ្លំាងពេកលើការសន្សំលុយ ៖ លោក Danielle Town ដែលជាអ្នកនិពន្ធសៀវភៅ Invested : How Warren Buffett and Charlie Munger Taught Me to Master My Mind, My Emotions, and My Money (with a Little Help from My Dad) បានប្រាប់ថា អ្នកនឹងខាតបង់ថវិកាប្រសិន បើអ្នកគ្រាន់តែសន្សំតែមិនវិនិយោគ ព្រោះអតិផរណាបង្កឲ្យតម្លៃកើនឡើង និងធ្វើឲ្យតម្លៃលុយអ្នកធ្លាក់ចុះបន្តបន្ទាប់ ។

៣. យល់ដឹងពីបំណុល ៖ បំណុលមិនតែងតែបង្កឲ្យអ្នកខាតបង់ថវិកាទេ ប៉ុន្តែវាអាចប៉ះពាល់ដល់ផ្នែកដទៃនៃជីវិតរបស់អ្នកដូចជា ក្លាយជាឧបសគ្គរារំាងអ្នកមិនឲ្យរកប្រាក់ចំណូលបានបន្ថែម ឬសម្រេចបានអ្វីដែលអ្នកចង់បានជាដើម ។

អ្នកស្រី Suze Orman បាននិយាយថា ការមានបំណុលជាប់ខ្លួនបង្កឲ្យអ្នកមានអារម្មណ៍ថា ខ្លួនមិនមានសមត្ថភាពក្នុងការគ្រប់គ្រងជីវិតខ្លួន និងកំពុងពឹងផ្អែកមនុស្សដទៃ ។ ដូច្នេះអ្នកស្រីផ្តល់យោបល់ថា ការសងបំណុលគួរតែទទួលបានអាទិភាពខ្ពស់ជាងគេ ។ ពេលដែលអ្នករួចពីបំណុលហើយអ្នកនឹងចាប់ផ្តើមមានជំនឿចិត្តលើខ្លួនវិញជាក់ជាមិនខាន ៕ កែសម្រួលដោយ ៖ សុឃាក់

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

១០:៤៧ | ក្នុងស្រុក

មិត្ត​ហ្វូ​ន កំពុង​អនុវត្តន៍​រក្សា​គម្លាត​ឆ្ងាយ​ពី​​គ្នា​ដោយ​លើកទឹកចិត្ត​ឱ្យ​អតិថិជន​របស់​ខ្លួន​ប្រើប្រាស់​សេវាកម្ម​ឌី​ជី​ថ​ល ក្នុង​​ពេល​កំពុង​ផ្ទុះ​កូ​វី​ដ​១៩

០១:២០ | ក្នុងស្រុក

ក្រុមហ៊ុន​អ៊ិ​ន​ធើ ឡូ​ជី​ស្ទីក (​ខេ​ម​បូ​ឌា​) ជា​ក្រុមហ៊ុនមេ​នៃ​ធនាគារ​ឯកទេស​វី​ង នឹង​វិនិយោគ​ជាមួយ Camboticket ដើម្បី​ពង្រីក​អាជីវកម្ម​លក់​សំបុត្រ​អន​ឡាញ​នៅ​កម្ពុជា

០២:១៨ | ក្នុងស្រុក

ធនាគារ អេ​ស៊ី​លី​ដា បរិច្ចាគ​ថវិកា ៣០០០ លាន​រៀល ដើម្បី​រួមចំណែក​ជាមួយ​រាជរដ្ឋាភិបាល​កម្ពុជា ក្នុង​សកម្ម​ភាព​មនុស្សធម៌ និង​ការ​ទប់ស្កាត់​ការ​រីក​រាល​ដាល​ជំងឺ​កូ​វី​ដ​១៩

០២:០២ | ក្នុងស្រុក

JICA ចុះ​កិច្ចព្រមព្រៀង​លើ​ប្រាក់​កម្ចី ៥០​លាន​ដុល្លារ​អា​មេ​រិ​ក​ជាមួយ​ហត្ថា​កសិករ លីមីត​ធី​ត ដើម្បី​គាំទ្រ​សហ​គ្រាស​​​ខ្នាត​តូច​បំផុត ខ្នាត​តូច និង​មធ្យម​​​នៅ​កម្ពុជា

០៩:៤៥ | ក្នុងស្រុក

Metfone គាំទ្រ​ការ​សិក្សា​តាម​បណ្តាញ​​អន​ឡាញ​ដោយ​ផ្តល់​សេវា​អ៊ី​ន​ធើ​រ​​ណេ​ត​ដោយ​ឥត​គិតថ្លៃ និង​ការ​សិក្សា​​តាម​អ៊ី​ន​ធើ​រ​ណេ​ត​ផត​ថ​ល​ក្នុង​កំឡុង​​វីរុស Covid-19 កំពុង​រាតត្បាត​ខ្លាំង

ការស្ទង់មតិគេហទំព័រថ្មី




សូម​អរគុណ