បើនិយាយពីអចលនទ្រព្យនៅលើពិភពប្រហែលជាលោកអ្នកគិតថា ទីក្រុងញូវយ៉ករបស់អាមេរិកជាទីផ្សារអលនទ្រព្យថ្លៃជាងគេបំផុត ឬអាចគិតថា បណ្តាទីក្រុងល្បីៗជាច្រើននៅអាស៊ី ប៉ុន្តែរឿងនេះវាផ្ទុយស្រឡះ ។ យោងតាមរបាយការណ៍ស្តីពីទ្រព្យសម្បត្តិរបស់ក្រុមហ៊ុនKnight Frankបានបង្ហាញថា ទីក្រុងមូ៉ណាកូ របស់ក្សត្របុរីម៉ូណាកូគឺជាទីផ្សារអចលនទ្រព្យដែលថ្លៃបំផុតនៅលើពិភពលោក។
របាយការណ៍បានឲ្យដឹងថា បើអ្នកមានលុយ១លានដុល្លារគឺអ្នកអាចទិញដីទំនេរបានតែ១៥ម៉ែត្រការ៉េប៉ុណ្ណោះនៅទីក្រុងមួយនេះ ខណៈដែលលុយមួយលានដុល្លារដដែល អ្នកអាចយកទៅទិញដីបានដល់ទៅ៣០ម៉ែត្រការ៉េ នៅទីក្រុងញូវយ៉ក ។ ហេតុផលនេះហើយទើបទីក្រុងញូវយ៉កបានខ្ទាតទៅចំណាត់ថ្នាក់ទី៦ លើតារាងអចលនទ្រព្យថ្លៃបំផុតទាំង១០នៅលើពិភពលោក ។
ខាងក្រោមនេះជាចំណាត់ថ្នាក់ប្រទេសដែលមានអចលនទ្រព្យថ្លៃបំផុតទាំង១០នៅលើពិភពលោកសម្រាប់ឆ្នាំ២០១៤នេះ ៖
១. ទីក្រុងម៉ូណាកូ ប្រទេសម៉ូណាកូ
២. ទីក្រុងហុងកុង ប្រទេសចិន
៣. ទីក្រុងឡុង ប្រទេសអង់គ្លេស
៤. ទីក្រុងសិង្ហបុរី ប្រទេសសិង្ហបុរី
៥. ទីក្រុងហ្សឺណែវ ប្រទេសស្វ៊ីស
៦. ទីក្រុងញូវយ៉ក សហរដ្ឋអាមេរិក
៧. ទីក្រុងស៊ីដនី ប្រទេសអូស្ត្រាលី
៨. ទីក្រុងប៉ារីស ប្រទេសបារាំង
៩. ទីក្រុងមូស្គូ ប្រទេសរុស្ស៊ី
១០. ទីក្រុងសៀងហៃ ប្រទេសចិន
ចែករំលែកព័តមាននេះ