ខេត្តកណ្តាល ៖ ជនសង្ស័យម្នាក់ត្រូវបានចាប់ខ្លួនកាលពីថ្ងៃទី៥មិនា២០១៤ពាក់ពន្ធ័ទៅនិងអំពើឃាតកម្មគិតទុកមុន(បា.ញ់សម្លា.ប់ប្រពន្ធ)កើតឡើងកាលពីថ្ងៃទី១៤មិថុនា២០១៣នៅចំណុច ភូមិត្បូងវត្ត ឃុំជ្រៃលាស់ ស្រុកពញ្ញាឮ ខេត្តកណ្តាល។ ការចាប់ខ្លួននេះធ្វើឡើងដោយកម្លាំងប៉ូលីសខេត្តកណ្តាលសហការជាមួយ
ខេត្តកណ្តាល ៖ ជនសង្ស័យម្នាក់ត្រូវបានចាប់ខ្លួន កាលពីថ្ងៃទី៥ មីនា ២០១៤ ពាក់ពន្ធ័ទៅនឹងអំពើឃាតកម្មគិតទុកមុន(បាញ់សម្លាប់ប្រពន្ធ)កើតឡើងកាលពីថ្ងៃទី១៤ មិថុនា ២០១៣ នៅចំណុច ភូមិត្បូងវត្ត ឃុំជ្រៃលាស់ ស្រុកពញាឮ ខេត្តកណ្តាល។ ការចាប់ខ្លួននេះធ្វើឡើងដោយកម្លាំងប៉ូលិសខេត្តកណ្តាល សហការជាមួយកម្លាំងប៉ូលិសខេត្តកំពង់ស្ពឹ។
លោកវរសេនីយ៍ ស៊ឹង សេងលី នាយការិយាលយ័នគរបាលព្រហ្មទណ្ឌកំរិតស្រាលនៃស្នងការដ្ឋាននគរបាលខេត្តកណ្តាលបានធ្វើសន្និសីទកាសែតឱ្យដឹងថា ជនសង្ស័យត្រូវបានចាប់ខ្លួនឈ្មោះសាយ ស្រេង ភេទប្រុស អាយុ៥២ឆ្នាំ មុខរបរកសិករមានទីលំនៅភូមិត្បូងវត្ត ឃុំជ្រៃលាស់ ស្រុកពញាឮ ខេត្តកណ្តាល បានត្រូវចាប់ខ្លួនក្នុងដីចំការ ភូមិអន្លង់មន ឃុំយាយអង្គ ស្រុកថ្ពង ខេត្តកំពង់ស្ពឺ ។ ការចាប់ខ្លួននេះគឺពាក់ពន្ធ័ទៅនឹងអំពើឃាតកម្មគិតទុកមុន(បាញ់សម្លាប់ប្រពន្ធខ្លួនឯង)។
សូមបញ្ជាក់ផងដែរថា កាលពីថ្ងៃទី ១៤ មិថុនា ២០១៣ វេលាម៉ោង១១និង៥០នាទីយប់ មានឃាតកម្មបាញ់សម្លាប់ស្រ្តីកំពុងស្នាក់នៅក្នុងផ្ទះក្នុងភូមិត្បូងវត្ត ឃុំជ្រៃលាស់ ស្រុកពញ្ញាឮ ខេត្តកណ្តាល ។ ជនរងគ្រោះមានឈ្មោះយឹម ណៃ អាយុ៤៩ឆ្នាំ មុខរបរកសិករមានស្នាមត្រូវគ្រាប់អាកាក្រោមឃ្លៀកខាងស្តាំធ្លាយមកខ្នង។ ភ្លាមៗពេលបានឭស្នូផ្ទុះកាំភ្លើងសមត្ថកិច្ចមូលដ្ឋានបានចុះទៅពិនិត្យកន្លែងកើតហេតុហើយត្រូវបានបុរសឈ្មោះសាយ ស្រេងស្រែកឆោឡោប្រាប់សមត្ថកិច្ចថាមានជនមិនស្គាល់មុខចូលមកបាញ់ប្លន់ក្រុមគ្រួសារគាត់យកទ្រព្យសម្បត្តិ។
លោកឧត្តមសេនីយ៍ត្រី អ៊ាវ ចំរើនស្នងការនគរបាលខេត្តកណ្តាលបានឱ្យដឹងថា ទោះបីភ្លាមៗបុរសជាប្តីឈ្មោះសាយ ស្រេង គាត់បានប្រាប់ថាប្រពន្ធរបស់គាត់បានត្រូវគ្រាប់កាំភ្លើងស្លាប់ដោយសារចោបាញ់ប្លន់ទ្រព្យសម្បត្តិ ប៉ុន្តែសមត្ថកិច្ចជំនាញនៅតែមានការសង្ស័យនឹងបើកការស៊ើបអង្កេតឈានទៅដល់កំណត់មុខសញ្ញាគឺឃាតកម្មគិតទុកជាមុន។ មុនពេលកើតហេតុ ជនឈ្មោះសាយ ស្រេង ជាប្តីស្រ្តីរងគ្រោះបានដើររកទិញកាំភ្លើង និងរកមនុស្សដែលហ៊ានសម្លាប់មនុស្ស ប៉ុន្តែមិនមានអ្នកណាចូលរួមទេ។ បន្ទាប់ពីមានហេតុការណ៏បាញ់សម្លាប់ស្រ្តីរងគ្រោះហើយបុរសសាយ ស្រេងជាប្តីបានរត់គេចខ្លួនបាត់ ហើយសមត្ថកិច្ចរបស់លោកក៏បានធ្វើការស្រាវជ្រាវរហូតមកដល់ថ្ងៃ៥ មីនា ២០១៤ ទើបចាប់មុខសញ្ញាជនសង្ស័យបានឈ្មោះសាយ ស្រេងនេះជាអ្នកជួលឃាតករមកសម្លាប់ប្រពន្ធខ្លួនឯងហើយបង្វែរដានទៅជារឿងជនមិនស្គាល់មុខបាញ់ប្លន់យកទ្រព្យសម្បត្តិ។
បើតាមចំលើយសារភាពរបស់ឈ្មោះសាយ ស្រេងបានឱ្យដឹងថាខ្លួនពិតជាបានរៀបគម្រោងសម្លាប់ប្រពន្ធប្រាកដមែនដោយជួលឈ្នួលមនុស្សស៊ីឈ្នួលបាញ់សម្លាប់ប្រពន្ធ។ មូលហេតុដែលខ្លួនធ្វើដូច្នេះដោយសារតែប្រពន្ធលួចកឹបកេងលុយដែលលក់ដីបានជាង២ម៉ឺនដុល្លារ ដោយមិនឱ្យខ្លួនដឹងនិងម្យ៉ាងទៀតផិតក្បត់មានប្រុសថ្មីចោលផ្ទះទុកឱ្យខ្លួនរស់នៅកណ្តោចកណ្តែងជាមួយនឹងកូនពីរនាក់ ចំណែកឯកូនពីរនាក់ត្រូវម្តាយយកទៅជាមួយ។ ដោយសារតែបែបនេះខ្លួនគិតថា បើរស់នៅតែលតោលម្នាក់ឯងដែរ គឺមានតែផ្លូវមួយសម្លាប់ប្រពន្ធចោល។ ក្រោយពីគិតរួចខ្លួនក៏បានជូលបុរសពីរនាក់ឱ្យបាញ់សម្លាប់ប្រពន្ធ ។ ក្រោយពីធ្វើសកម្មភាពបានសំរេចខ្លួនក៏ចែកមាស៥ជីនិងលុយ៥០០ដុល្លាដល់ជនដៃដល់ រួចគេចខ្លួនមករស់នៅក្នុងខេត្តកំពង់ស្ពឺមិនបានមួយឆ្នាំផងក៏ត្រូវសមត្ថកិច្ចចាប់ខ្លួន។
លោកវរសេនីយ៍ ស៊ឹង សេងលី បានឱ្យដឹងថា ជនសង្ស័យឈ្មោះសេង ស្រាយ ត្រួវបានសមត្ថកិច្ចបញ្ជូនទៅសាលាដំបូងខេត្តកណ្តាល ដើ្បចាត់ការតាមផ្លូវច្បាប់ ៕
ចែករំលែកព័តមាននេះ