កុំបាច់រកឋានសួគ៌ ឋាននរកនៅឯណាឆ្ងាយនោះ គឺនៅកៀកនឹងយើងបង្កើយ មនុស្សម្នាក់ដែលមានចិត្តឆេវឆាវ គេនឹងមានអារម្មណ៍អាក្រក់ជានិច្ច ហើយងាយនឹងច្រឡោតខឹងណាស់ ។
មនុស្សប្រភេទនេះនឹងធ្វើឲ្យអ្នកនៅជុំវិញគាត់ រួមទាំងខ្លួនគាត់ផងរងនូវសេចក្ដីសោកសៅ និងពិបាកចិត្តគ្រប់ពេលវេលា ។
ផ្ទុយទៅវិញបុគ្គលណាម្នាក់ដែលមានចិត្តត្រជាក់ មិនឆេវឆាវខឹងច្រឡោត មានតែចិត្តស្ងប់ គាត់តែងរស់នៅដោយសុខសាន្តជាមួយខ្លួនគាត់ផង និងអ្នកដទៃផង ។
ហេតុនេះទើបលោកពោលធៀបថា ជីវិតបុគ្គលចិត្តអាក្រក់ ចិត្តឆេវឆាវប្រៀបដូចជាឋាននរកសម្រាប់គាត់ និងអ្នកនៅជុំវិញគាត់។ ចំណែកអ្នកដែលមិនឆេវឆាវ មានចិត្តត្រជាក់តែងរីករាយសប្បាយ ប្រៀបបាននឹងជីវិតក្នុងឋានសួគ៌ ។ (ដោយសាន សារិន)
ចែករំលែកព័តមាននេះ