រាជធានីភ្នំពេញ ៖ បុរសម្នាក់ជិះម៉ូតូក្នុងល្បឿនលឿនព្រមទាំងស្រវឹងផងនោះក៏បានជ្រុលទៅបុកនឹងក្បាលនាគពុះចែកផ្លូវពេញទំហឹងបណ្តាលអោយរងរបួសបាក់ជើង កាលពីវេលាម៉ោង៣និង៤០ទៀបភ្លឺ ថ្ងៃទី២៨ ខែសីហា ឆ្នាំ២០១៩ ចំណុចផ្លូវ១៩៩កែងនឹងផ្លូវម៉ៅសេងទុង សង្កាត់ទួលស្វាយព្រៃ២ ខណ្ឌបឹងកេងកង…
រាជធានីភ្នំពេញ ៖ បុរសម្នាក់ជិះម៉ូតូក្នុងល្បឿនលឿនព្រមទាំងស្រវឹងផងនោះក៏បានជ្រុលទៅបុកនឹងក្បាលនាគពុះចែកផ្លូវពេញទំហឹងបណ្តាលអោយរងរបួសបាក់ជើង កាលពីវេលាម៉ោង៣និង៤០ទៀបភ្លឺ ថ្ងៃទី២៨ ខែសីហា ឆ្នាំ២០១៩ ចំណុចផ្លូវ១៩៩កែងនឹងផ្លូវម៉ៅសេងទុង សង្កាត់ទួលស្វាយព្រៃ២ ខណ្ឌបឹងកេងកង ។
តាមប្រភពព័ត៌មានពីន្លែងកើតហេតុបានអោយដឹងថា មុនពេលកើតហេតុគេបានឃើញ បុរសម្នាក់វ័យជាង៣០ឆ្នាំម្នាក់បានជិះម៉ូតូម៉ាកហុងដាឌ្រីម ស៊េរីឆ្នាំ២០១០ ពណ៌ខ្មៅ ពាក់ផ្លាកលេខ សៀមរាប 1H-8927 ធ្វើដំណើរតាមផ្លូវម៉ៅសេទុងក្នុងទិសដៅពីត្បូងទៅជើងក្នុងល្បឿនលឿនព្រមទាំងស្រវឹងជោកជាំ ។
ខណៈមកដល់ចំណុចកើតហេតុបានបន្ថែមល្បឿននោះទេ គឺធ្វើអោយម៉ូតូជ្រុលទៅបុកនឹងក្បាលនាគពុះចែកផ្លូវពេញទំហឹងបណ្តាលអោយខ្ទាតម៉ូតូ និងមនុស្សចេញពីគ្នារងរបួសបាក់ជើងខាងឆ្វេងសន្លប់ស្តូក ភ្លាមៗនោះដែរជនរងគ្រោះត្រូវរថយន្តសង្គ្រោះបានមកដឹកយកទៅសង្គោះនៅគ្លីនិកឯកជន ។
ក្រោយពេលកើតហេតុនៅសល់តែម៉ូតូ ដែលរងការខូចខាតខ្ទេចផ្នែកខាងមុខយ៉ាងដំណំ ត្រូវបានសមត្ថកិច្ចយកទៅរក្សាទុកនៅអធិការដ្ឋានចំការមនដើម្បីរងចាំប្រគល់អោយម្ចាស់វិញ ៕
កែសម្រួលដោយ ៖ សំណាង
ចែករំលែកព័តមាននេះ