ទីភ្នាក់ងារព័ត៌មានចិនសុីនហួ រាយការណ៍កាលពីថ្ងៃទី៦ មីនា ថា ការសាកល្បងដំបូងៗបំបាត់ផ្សែងបំពុលបរិយាកាសដោយប្រើមធ្យោបាយតាមអាកាស នឹងធ្វើក្នុងពេលឆាប់ៗតាមរយៈយន្តហោះគ្មានមនុស្សបើកផលិតដោយចិន។ ជាមួយសមត្ថភាពផ្ទុកបានច្រើនហើយអាចហោះហើររយៈពេលយូរ យន្តហោះគ្មានមនុស្សបើកប្រភេទនោះនឹងត្រូវប្រើប្រាស់ក្នុងការងារបង្ការ និងកម្ចាត់ផ្សែង
ទីភ្នាក់ងារព័ត៌មានចិនសុីនហួ រាយការណ៍កាលពីថ្ងៃទី៦ មីនា ថា ការសាកល្បងដំបូងៗបំបាត់ផ្សែងបំពុលបរិយាកាសដោយប្រើមធ្យោបាយតាមអាកាស នឹងធ្វើក្នុងពេលឆាប់ៗតាមរយៈយន្តហោះគ្មានមនុស្សបើកផលិតដោយចិន។ ជាមួយសមត្ថភាពផ្ទុកបានច្រើនហើយអាចហោះហើររយៈពេលយូរ យន្តហោះគ្មានមនុស្សបើកប្រភេទនោះនឹងត្រូវប្រើប្រាស់ក្នុងការងារបង្ការ និងកម្ចាត់ផ្សែងបំពុលបរិស្ថាន ។
យោងតាមក្រុមហ៊ុនឧស្សាហកម្មយន្តហោះរបស់ចិន AVIC ថា សភាពការណ៍ផ្សែងបំពុលដែលមានគ្រោះថ្នាក់កាន់តែខ្លាំងឡើងរយៈពេលប៉ុន្មានឆ្នាំចុងក្រោយនេះ ធ្វើឱ្យប៉ះពាល់ពុំត្រឹមតែការដឹកជញ្ជូន និងចរាចរណ៍ប៉ុណ្ណោះទេ ប៉ុន្តែក៏ប៉ះពាល់ដល់សុខភាពមនុស្សផងដែរ ។
ការងារប្រកបដោយប្រសិទ្ធភាពនៃការកម្ចាត់ផ្សែងដោយសារយន្តហោះគ្មានមនុស្សបើកនេះក្លាយទៅជាភារកិច្ចសំខាន់មួយរបស់ក្រុមហ៊ុន AVIC ។ ជាយន្តហោះគ្មានមនុស្សបើកដំបូងគេរបស់ចិន យន្តហោះផលិតដោយក្រុមហ៊ុន AVIC នឹងធ្វើការសាកល្បងកម្ចាត់ផ្សែងនៅក្នុងព្រលានយន្តហោះមួយ ឬនៅកំពង់ផែមួយ ។ សន្និសីទមួយអំពីរឿងនោះនឹងរៀបចំធ្វើផងដែរដោយការិយាល័យឧតុនិយមចិន ដោយមានការចូលរួមរបស់បណ្តាអ្នកជំនាញការខាងឧតុនិយម និងខាងយន្តហោះ ៕
ចែករំលែកព័តមាននេះ