កងកម្លាំងពិសេសអីុស្រាអែល កាលពីថ្ងៃទី៥ មីនា បានចាប់នាវាអីុរ៉ង់ មួយគ្រឿងនៅសមុទ្រក្រហមដោយនាវានោះដឹកមីស៊ីលឱ្យពួកសកម្មប្រយុទ្ធនៅជ្រោយហ្គាហ្សាក្នុងក្របខណ្ឌនៃប្រតិបត្តិការមួយរបស់ពួកភ្នាក់ងារស៊ើុបការណ៍អីុស្រាអែលដែលមានរយៈពេលជាច្រើនខែមកហើយ។
កងកម្លាំងពិសេសអីុស្រាអែល កាលពីថ្ងៃទី៥ មីនា បានចាប់នាវាអីុរ៉ង់ មួយគ្រឿងនៅសមុទ្រក្រហមដោយនាវានោះដឹកមីស៊ីលឱ្យពួកសកម្មប្រយុទ្ធនៅជ្រោយហ្គាហ្សាក្នុងក្របខណ្ឌនៃប្រតិបត្តិការមួយរបស់ពួកភ្នាក់ងារស៊ើុបការណ៍អីុស្រាអែលដែលមានរយៈពេលជាច្រើនខែមកហើយ។
កងទ័ពអីុស្រាអែលប្រកាសថា កងកុំម៉ង់ដូមួយរបស់កងម៉ារីន បានលុកចូលក្នុងនាវានោះនៅឯព្រំដែនសមុទ្ររវាងដែនទឹកសូដង់ និងអេរីត្រេ ត្រង់កន្លែងមួយចម្ងាយប្រមាណជា១.៥០០គីឡូម៉ែត្រពីឆ្នេរសមុទ្រអីុស្រាអែល ខណៈនាវានោះកំពុងបើកឆ្ពោះទៅកំពង់ផែសូ៊ដង់ ។ ការលុកចូលឆែកឆេរនាវានោះដោតទង់ជាតិប៉ាណាម៉ា ហើយមានឈ្មោះថា KLOS-C អាចប្រទះឃើញមីស៊ីលដី-ដីធុនM-302 ផលិតនៅស៊ីរីជាច្រើនគ្រាប់ ។ គ្រាប់មីស៊ីលទាំងនោះដាក់ក្រោមបាវស៊ីម៉ង់ត៍ ។ កងទ័ពអីុស្រាអែលបញ្ជាក់ទៀតថា ក្រុមហេសប៊ុលឡាហ៍ ធ្លាប់ប្រើប្រាស់មីស៊ីលធុននោះប្រឆាំងអីុស្រាអែលក្នុងសង្គ្រាម៣៣ថ្ងៃកាលពីឆ្នាំ២០០៦ ។
វរសេនីយ៍ទោ PETER LENNEA អ្នកនាំពាក្យរបស់កងទ័ពអីុស្រាអែល គូសបញ្ជាក់ថា ប្រតិបត្តិការមានឈ្មោះថា ការតាមរុករកទាំងស្រុង ចាប់ផ្តើមតាំងពីច្រើនខែមកហើយ ខណៈពួកភ្នាក់ងារស៊ើុបការណ៍អីុស្រាអែលសង្ស័យថា មានមីស៊ីលដឹកតាមយន្តហោះពីក្រុងដាម៉ាស់មកកាន់ក្រុងតេហេរ៉ង់ជាផ្លូវខុសពីទម្លាប់មួយក្នុងបំណងបង្វែងដានហើយបញ្ជូនបន្តតាមនាវានោះមកកាន់កំពង់ផែសូ៊ដង់ ។ នាវានោះបច្ចុប្បន្នត្រូវបានសណ្តោងមកកាន់កំពង់ផែយោធា EILAT ក្នុងសមុទ្រក្រហម ៕
ចែករំលែកព័តមាននេះ