ទីក្រុងហ្សូបា រដ្ឋធានីស៊ូដង់ខាងត្បូងដែលធ្លាប់កើតមានការប្រយុទ្ធគ្នាកាលពីពាក់កណ្តាលខែធ្នូកន្លងមកនេះ កាលពីថ្ងៃទី៥ មីនា កើតមានការប៉ះទង្គិចគ្នាថ្មីៗដែលបណ្តាលឱ្យមនុស្សស្លា.ប់ជាច្រើននាក់ក្នុងជួរកងទ័ព ។ស្នូរកាំភ្លើងដំបូងលាន់ឮកាលពីព្រឹកថ្ងៃទី៥ មីនា នៅតាកច្រកចូលបន្ទាយយោធាមួយស្ថិតនៅជិតសាកលវិទ្យាល័យក្រុងហ្សូបា ។ កងទ័ពស៊ូដង់ខាងត្បូងភ្លាមៗបាននិយាយសម្រាល
ទីក្រុងហ្សូបា រដ្ឋធានីស៊ូដង់ខាងត្បូងដែលធ្លាប់កើតមានការប្រយុទ្ធគ្នាកាលពីពាក់កណ្តាលខែធ្នូកន្លងមកនេះ កាលពីថ្ងៃទី៥ មីនា កើតមានការប៉ះទង្គិចគ្នាថ្មីៗដែលបណ្តាលឱ្យមនុស្សស្លាប់ជាច្រើននាក់ក្នុងជួរកងទ័ព ។ស្នូរកាំភ្លើងដំបូងលាន់ឮកាលពីព្រឹកថ្ងៃទី៥ មីនា នៅតាកច្រកចូលបន្ទាយយោធាមួយស្ថិតនៅជិតសាកលវិទ្យាល័យក្រុងហ្សូបា ។ កងទ័ពស៊ូដង់ខាងត្បូងភ្លាមៗបាននិយាយសម្រាលឧប្បត្តិហេតុនេះដោយលើកឡើងពីការប៉ះទង្គិចគ្នារវាងបណ្តាកងឯកភាពមកពីមានការខឹងសម្បាពីរឿងទាហានពុំបានបើកប្រាក់ខែ តែបញ្ជាក់ថា មានទាហានស្លាប់៥នាក់ ។
ចំណែកសារព័ត៌មានក្នុងស្រុកលើកឡើងពីលទ្ធភាពនៃការប៉ះទង្គិចគ្នារវាងកងឆ្មាំការពារប្រធានាធិបតី និងកងឯកភាពកុំម៉ង់ដូមួយ ដឹកនាំដោយឧត្តមសេនីយ៍ស៊ូដង់ខាងត្បូងសំខាន់ម្នាក់ ។ការប្រយុទ្ធគ្នានានាដែលផ្ទុះឡើងនៅស៊ូដង់ខាងត្បូងជារដ្ឋក្មេងខ្ចីបំផុតចាប់តាំងពីជិត៣ខែមកហើយបានចាកផុតពីក្រុងហ្សូបា កាលពីថ្ងៃទី១៥ ធ្នូ មុនពេលរាលដាលទៅក្នុងរដ្ឋគន្លឹះឯទៀតៗរបស់ប្រទេស ។
ជម្លោះនៅស៊ូដង់ខាងត្បូងដែលបណ្តាលឱ្យមនុស្សស្លាប់ជាច្រើនពាន់នាក់រួចហើយ និងបណ្តាលឱ្យមនុស្សជិត៩០០.០០០នាក់រត់ភៀសខ្លួន កើតមានរវាងពួកទាហានដែលស្មោះត្រង់រដ្ឋាភិបាល និងពួកយោធាបះបោរក្រោមការដឹកនាំរបស់អតីតអនុប្រធានាធិបតីលោក RICK MACHAR ។ ការប្រយុទ្ធគឺមកពីជម្លោះដណ្តើមអំណាចគ្នារវាងប្រធានាធិបតីលោកស៊ីលវ៉ា គីអៀរ និងអតីតអនុប្រធានាធិបតីដែលត្រូវដកហូតចេញពីតំណែង ៕
ចែករំលែកព័តមាននេះ