រាជធានីភ្នំពេញ ៖ ការដ្ឋានសំណង់មួយកន្លែងនៅតាមបណ្តោយផ្លូវលេខ៣៧១ ខាងក្រោយដេប៉ូលក់គ្រឿងសំណង់យីហោសុវណ្ណ ពៅ ស្ថិតក្នុងភូមិក្បាលទំនប់ សង្កាត់បឹងទំពុន ខណ្ឌមានជ័យ បានលើកដងសន្ទូចស្ទូចសសរបុកគ្រឹះ បណ្តាលឱ្យដងសន្ទូចវ៉ាត់ប៉ះជាមួយខ្សែចរន្តតង់ស្យុងខ្ពស់១៧០០វ៉ុល ផ្ទុះដាច់ចរន្តអគ្គិសនីអស់ជិតមួយចំហៀងក្រុង កាលពីវេលាម៉ោង១១ព្រឹកថ្ងៃទី៥ មីនា
រាជធានីភ្នំពេញ ៖ ការដ្ឋានសំណង់មួយកន្លែងនៅតាមបណ្តោយផ្លូវលេខ៣៧១ ខាងក្រោយដេប៉ូលក់គ្រឿងសំណង់យីហោសុវណ្ណ ពៅ ស្ថិតក្នុងភូមិក្បាលទំនប់ សង្កាត់បឹងទំពុន ខណ្ឌមានជ័យ បានលើកដងសន្ទូចស្ទូចសសរបុកគ្រឹះ បណ្តាលឱ្យដងសន្ទូចវ៉ាត់ប៉ះជាមួយខ្សែចរន្តតង់ស្យុងខ្ពស់១៧០០វ៉ុល ផ្ទុះដាច់ចរន្តអគ្គិសនីអស់ជិតមួយចំហៀងក្រុង កាលពីវេលាម៉ោង១១ព្រឹកថ្ងៃទី៥ មីនា ២០១៤ ហើយត្រូវបានមន្ត្រីនៃអង្គភាពអគ្គិសនីកម្ពុជា និងសមត្ថកិច្ចនគរបាលប៉ុស្តិ៍បឹងទំពុន ចុះឱ្យម្ចាស់ការដ្ឋានសំណង់ធ្វើកិច្ចសន្យាទទួលស្គាល់ការបង្កផលប៉ះពាល់ដល់ផលប្រយោជន៍សាធារណៈ ។
ក្នុងនោះដែរ ក្រុមមន្រ្តីជំនាញបាននាំគ្នាឃាត់សម្ភារសំណង់ដែលបង្កការប៉ះពាល់ខាងលើជាបណ្តោះអាសន្នសិន ដើម្បីឱ្យម្ចាស់ការដ្ឋានសំណង់ទទួលសងថ្លៃខូចខាត បណ្តាញភ្លើងតាមគោលការណ៍ដែលបានកំណត់ដោយអគ្គិសនីកម្ពុជា ។
សូមរំលឹកថា នៅតាមបណ្តោយផ្លូវលេខ៣៧១ និងដងផ្លូវនានា ក្នុងភូមិសាស្រ្តខណ្ឌមានជ័យ ពិសេសគឺតាមដងផ្លូវលេខ៣៧១តែម្តង គេតែងសង្កេតឃើញថា ម្ចាស់ការដ្ឋានសំណង់ភាគច្រើនសាងសង់ឡើងមិនប្រើប្រាស់គម្លាតសំណង់របស់ខ្លួនឆ្ងាយពីបណ្តាញខ្សែភ្លើងរដ្ឋឡើយ ទើបតែងតែបង្កផលប៉ះពាល់ដល់ខ្សែបណ្តាញអគ្គិសនីកម្ពុជាញឹកញាប់ណាស់មកហើយ ។ ដូច្នេះអាជ្ញាធរមូលដ្ឋានគួរតែធ្វើការណែនាំដល់ម្ចាស់ការដ្ឋានសំណង់ទាំងឡាយដែលកំពុងសាងសង់ និងមិនទាន់សាងសង់ គឺត្រូវគិតគូរពីផលប៉ះពាល់ដូចករណីខាងលើនេះជាដើមតទៅទៀត។
ចែករំលែកព័តមាននេះ