ខេត្តកំពង់ឆ្នាំង ៖ រយៈពេលប៉ុន្មានថ្ងៃកន្លងទៅថ្មីៗនេះ មានពាក្យចចាមអារ៉ាម ក៏ដូចជាក្នុងសង្គមហ្វេសបុកថា កុមារីហិន លីដា ជាតារាចម្រៀងជាប់ចំណាត់ថ្នាក់លេខ១ ក្នុងកម្មវិធីផ្កាយរះក្នុងសួន ឆ្នាំ២០១៣ ក្នុងស្ថានីយទូរទស្សន៍អប្សរា បានជួបឧបទ្ទវហេតុ គ្រោះថ្នាក់ចរចរណ៍បណ្តាលឱ្យស្លា.ប់ ខ្លះទៀតថា ត្រូវឃាតករបា.ញ់សម្លា.ប់ ធ្វើឱ្យមានការភ្ញាក់ផ្អើលទូទាំងប្រទេស ក៏ដូចជាក្នុងខេត្តដែល
ខេត្តកំពង់ឆ្នាំង ៖ រយៈពេលប៉ុន្មានថ្ងៃកន្លងទៅថ្មីៗនេះ មានពាក្យចចាមអារ៉ាម ក៏ដូចជាក្នុងសង្គមហ្វេសបុកថា កុមារីហិន លីដា ជាតារាចម្រៀងជាប់ចំណាត់ថ្នាក់លេខ១ ក្នុងកម្មវិធីផ្កាយរះក្នុងសួន ឆ្នាំ២០១៣ ក្នុងស្ថានីយទូរទស្សន៍អប្សរា បានជួបឧបទ្ទវហេតុ គ្រោះថ្នាក់ចរចរណ៍បណ្តាលឱ្យស្លាប់ ខ្លះទៀតថា ត្រូវឃាតករបាញ់សម្លាប់ ធ្វើឱ្យមានការភ្ញាក់ផ្អើលទូទាំងប្រទេស ក៏ដូចជាក្នុងខេត្តដែលនាងរស់នៅផងដែរ ដោយហេតុនេះហើយ ទើបអ្នកយកព័ត៌មានបានទៅដល់លំនៅឋានរបស់កុមារីខាងលើ ក៏ដូចជានៅសាលារៀនដែលនាងកំពុងរៀនផងដែរ ដើម្បីបញ្ជាក់ការពិត ។
នៅក្នុងលំនៅឋានរបស់ដួងតារាដែលទើបនឹងរះដោយទទួលពានរង្វន់លេខ១ ជាដារាផ្កាយរះក្នុងសួនក្នុងស្ថានីយទូរទស្សន៍អប្សារា ធ្វើពីឈើប្រក់ និងបាំងជញ្ជាំងស័ង្កសី ស្ថិតក្នុងភូមិកណ្តាល សង្កាត់កំពង់ឆ្នាំង ក្រុងកំពង់ឆ្នាំង អ្នកស្រីខាន់ សុភាព អាយុ៤៤ឆ្នាំ ដែលត្រូវជាម្តាយ បានធ្វើការបដិសេធថា កូនស្រីគាត់គ្មានជួបគ្រោះថ្នាក់ ឬត្រូវគេបាញ់សម្លាប់ដូចពាក្យចចាមអារ៉ាមនោះឡើយ ។ កូន
ស្រីគាត់ ឈ្មោះហិន លីដា អាយុ១៤ឆ្នាំ ពេលនេះកំពុងទៅរៀនថ្នាក់ទី៧ « ក » នៃសាលាបូរីវិជ្ជា ( សាលាឯកជន ) ដែលមានទីតាំង ក្នុងភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ។
អ្នកស្រីបានបន្តថា គាត់ពិតជាទទួលស្គាល់ថា ពិតជាមានពាក្យចចាមអារ៉ាមបែបនេះមែន ព្រោះប៉ុន្មានថ្ងៃនេះគាត់បានទទួល
ទូរស័ព្ទមកពីគ្រប់ទិសទី ពេលខ្លះសូម្បីតែមន្ត្រីប៉ូលិស ក៏ទៅសាកសួកគាត់ដល់ផ្ទះដែរ និងរហូតដល់អ្នកគ្រប់គ្រងកម្មវិធីផ្កាយរះក្នុងសួនរបស់ស្ថានីយទូរទស្សន៍អប្សរា ក៏បានទូរស័ព្ទមកសួរអំពីដំណឹងដ៏អកុសលនេះដែរ ដោយខ្លះថា បានឃើញគេបង្ហោះក្នុងហ្វេសបុកថា នាងត្រូវគេបាញ់សម្លាប់ ខ្លះថាគ្រោះថា្នក់ចរាចរណ៍នៅខេត្តតាកែវ ។ តែគាត់បានឆ្លើយបញ្ជាក់ទៅគេវិញថា កូនស្រីគាត់កំពុងមានសុខភាពល្អ និងកំពុងទៅរៀនជាធ្មតាទេ ។
នៅក្នុងថ្ងៃទី៥ មីនា ឆ្នាំ២០១៤នេះដែរ ដើម្បីបញ្ជាក់ការពិត អ្នកយកព័ត៌មានបានទៅដល់ថ្នាក់រៀនរបស់នាង និងបានឃើញនាងកំពុងសិក្សាជាធម្មតា ហើយនាងបាននិយាយដោយញញឹម និងសុភាពថា នាងមានសុខភាព និងសុខសប្បាយជាធម្មតាទេ ពេលនេះកំពុងធ្វើចម្លើយភាសាអង់គ្លេស ។
ចែករំលែកព័តមាននេះ