អ្នកទទួលខុសត្រូវម្នាក់របស់ក្រសួងការពារជាតិរុស្ស៊ីគូសបញ្ជាក់ថា ការបា.ញ់សាកល្បងមីស៊ីលបាលីស្ទីករំលងទ្វីបធុន Topol របស់រុស្ស៊ី ត្រូវបានធ្វើប្រកបដោយជោគជ័យនៅតំបន់អាស្ត្រាខាន់ ភាគខាងត្បូងប្រទេស ។ ការបា.ញ់សាកល្បងនោះធ្វើឡើងពេលកំពុងមានវិបត្តិរវាងរុស្ស៊ី និងអ៊ុយក្រែន ។
អ្នកទទួលខុសត្រូវម្នាក់របស់ក្រសួងការពារជាតិរុស្ស៊ីគូសបញ្ជាក់ថា ការបាញ់សាកល្បងមីស៊ីលបាលីស្ទីករំលងទ្វីបធុន Topol របស់រុស្ស៊ី ត្រូវបានធ្វើប្រកបដោយជោគជ័យនៅតំបន់អាស្ត្រាខាន់ ភាគខាងត្បូងប្រទេស ។ ការបាញ់សាកល្បងនោះធ្វើឡើងពេលកំពុងមានវិបត្តិរវាងរុស្ស៊ី និងអ៊ុយក្រែន ។
អ្នកទទួលខុសត្រូវរូបនោះដកស្រង់សម្តីដោយ Interfax បញ្ជាក់ថា មីស៊ីលនោះពេលបាញ់សាកបានកម្ទេចគោលដៅរបស់ខ្លួននៅ Sary-Chagan ប្រទេសកាហ្សាក់ស្ថាន ជាប្រទេសអាស៊ីកណ្តាលមួយដែលមានព្រំដែនជាប់រុស្ស៊ី ។ មីស៊ីល Topol RS-12M បាញ់ចេញពីជើងទម្រនៅកាពូស្តីន អុីយ៉ា មិនឆ្ងាយប៉ុន្មានពី ទីក្រុងវ៉ុលហ្គោហ្ក្រាដ អាចទម្លុះប្រព័ន្ធការពារប្រឆាំងមីស៊ីលមួយ ។
មីស៊ីល Topol RS-12M អូតង់ហៅមីស៊ីល SS-25 SICKLE អាចបាញ់បានចម្ងាយដល់ទៅ១០.០០០គីឡូម៉ែត្រ និងមានទម្ងន់ដល់ទៅ៤៥,១តោន ។ វាអាចបំពាក់ក្បាលគ្រាប់នុយក្លេអ៊ែរទម្ងន់៥៥០គីឡូតោន ។ វាអាចបាញ់ចេញពីជើងទម្រចល័តមួយ ។ ប្រទេសរុស្ស៊ីតែងធ្វើការសាកល្បងជាទៀងទាត់នូវបណ្តាមីស៊ីលរបស់ខ្លួន ។ មុននេះ រុស្ស៊ីបានបាញ់សាកល្បងមីស៊ីលធុន Topol-M ដោយជោគជ័យកាលពីខែតុលា ឆ្នាំ២០១៣ ។ ការបាញ់សាកល្បងមីស៊ីលរំលងទ្វីបរបស់រុស្ស៊ី កាលពីថ្ងៃទី៤ មីនា ធ្វើឡើងពេលប្រទេសនេះកំពុងមានជម្លោះពេញបន្ទុកជាមួយអ៊ុយក្រែន ដោយអាមេរិកចោទប្រកាន់រុស្ស៊ីថារកលេសដើម្បីលុកលុយឈ្លានពានអតីតសាធារណរដ្ឋសូវៀតនេះ ។
កងទ័ពរុស្ស៊ីនៅអ៊ុយគ្រែនបានត្រួតត្រាផ្នែកមួយយ៉ាងធំនៅតំបន់គ្រីមេ ជាសាធារណរដ្ឋស្វយ័តមានអ្នកនិយាយភាសារុស្ស៊ីភាគច្រើនស្ថិតនៅភាគខាងត្បូងអ៊ុយក្រែន ។អ្នកទទួលខុសត្រូវអាមេរិកម្នាក់និយាយថា រុស្ស៊ីបានប្រាប់អាមេរិកឱ្យដឹងមុនពីការបាញ់សាកល្បងមីសុីលរំលងទ្វីបនោះ ៕
ចែករំលែកព័តមាននេះ