ការសម្រេចគោលដៅក្នុងអាជីវកម្មនីមួយៗពិតជាមានទំនាក់ទំនងជាមួយនឹងការស្វែងរកបុគ្គលិកដែលសាកសមណាស់ ជាពិសេស គឺបុគ្គលិកដែលវ័យក្មេង និងមានទេពកោសល្យខ្ពស់ ព្រោះពួកគេពោរពេញទៅដោយកម្លាំង និងធនធានដែលអាចជួយដល់អាជីវកម្មអ្នកបាន ។ ដើម្បីទាក់ទាញបុគ្គលិកទាំងនេះអ្នកត្រូវតែបង្កើតបរិស្ថានមួយដែលអនុញ្ញាតឲ្យពួកគេបង្ហាញពីភាពច្នៃប្រឌិត ខណៈដែលបន្តការរៀនសូត្រពីបុគ្គលិកដែលមានបទពិសោធន៍ ។…
ការសម្រេចគោលដៅក្នុងអាជីវកម្មនីមួយៗពិតជាមានទំនាក់ទំនងជាមួយនឹងការស្វែងរកបុគ្គលិកដែលសាកសមណាស់ ជាពិសេស គឺបុគ្គលិកដែលវ័យក្មេង និងមានទេពកោសល្យខ្ពស់ ព្រោះពួកគេពោរពេញទៅដោយកម្លាំង និងធនធានដែលអាចជួយដល់អាជីវកម្មអ្នកបាន ។
ដើម្បីទាក់ទាញបុគ្គលិកទាំងនេះអ្នកត្រូវតែបង្កើតបរិស្ថានមួយដែលអនុញ្ញាតឲ្យពួកគេបង្ហាញពីភាពច្នៃប្រឌិត ខណៈដែលបន្តការរៀនសូត្រពីបុគ្គលិកដែលមានបទពិសោធន៍ ។ ខាងក្រោមនេះ គឺជាយុទ្ធសាស្ត្រមួយចំនួនដែលត្រូវបានចែករំលែកដោយលោក Toby Nwazor ដែលជាសហគ្រិនមួយរូបពួកែក្នុងការទាក់ទាញ និងរក្សាបុគ្គលិកវ័យក្មេង និងមានទេពកោសល្យខ្ពស់ ៖
១. រៀបចំដំណើរការរកបុគ្គលិកឲ្យមានភាពទាក់ទាញ
សម្រាប់បុគ្គលិកវ័យក្មេង ពួកគេពេញចិត្តនឹងធ្វើការឲ្យក្រុមហ៊ុនដែលមានរូបភាពល្អសម្រាប់សាធារណជន ។ ដូច្នេះការប្រកាសពីព័ត៌មានស្វែងរកបុគ្គលិកគួរតែមានភាពទូលំទូលាយ និងមានការរៀបចំឲ្យមាន សណ្តាប់ធ្នាប់ល្អ ព្រមទាំងស្ថិតក្រោមការគ្រប់គ្រងតាមដានច្បាស់លាស់ ។ ជំនាញដោះស្រាយបញ្ហាដោយមានភាពច្នៃប្រឌិត និងឱកាស គឺជាគុណសម្បត្តិសំខាន់ជាងគេសម្រាប់បុគ្គលិកវ័យក្មេងទាំងនេះ ។
២. ផ្តល់បរិស្ថានដែលពួកគេចូលចិត្ត
ប្រជាជនក្មេងៗក្នុងសម័យកាលឌីជីថលនេះ មានទម្លាប់ធ្វើការខុសពីមនុស្សក្នុងសម័យកាលមុន ។ ពួកគេមានភាពចម្រុះ ហើយព្រមទាំងមានចំណេះដឹងផ្នែកបច្ចេកវិទ្យាច្រើនជាងមនុស្សជំនាន់មុនផងដែរ ។ ពួកគេចូលចិត្តម៉ោងធ្វើការដែលមានភាពបត់បែនច្រើន និងបរិស្ថានធ្វើការបែបសេរីជាងធម្មតា ដូច្នេះប្រសិនបើអ្នកពិតជា ចង់រក្សាបុគ្គលិកទាំងនេះ អ្នកត្រូវតែសម្របខ្លួននឹងការផ្លាស់ប្តូរមួយចំនួន ។
៣. ផ្តល់គោលដៅ និងអត្ថន័យ
បរិស្ថានធ្វើការដែលមានគោលដៅច្បាស់លាស់មានភាពទាក់ទាញណាស់ ដល់មនុស្សជំនាន់ថ្មីនេះព្រោះពួកគេអាចនឹងចង់ចូលរួមចំណែកក្នុងការសម្រេចគោលដៅដែលបានកំណត់ដោយអាជីវកម្មរបស់អ្នក និងចាប់ផ្តើមជំរុញដល់ការផ្លាស់ប្តូរក្នុងសង្គមជាដើម ។
ប្រាកដណាស់ ព្រោះតែភាពទាក់ទាញលើគោលដៅ និងអត្ថន័យនៃការងារនេះពួកគេត្រូវការអ្នកដឹកនាំល្អម្នាក់ដែលអាចតម្រង់ទិសពួកគេបាន ដូច្នេះពួកគេនឹងនៅធ្វើការឲ្យអ្នក ប្រសិនបើអ្នកអាចផ្តល់ភាពជាអ្នកដឹកនាំល្អមួយដល់ពួកគេផងដែរ ។ កែសម្រួលដោយ ៖ សុឃាក់
ចែករំលែកព័តមាននេះ