ប្រធានាធិបតីអាមេរិក លោក បារ៉ាក់ អូបាម៉ា អះអាងថា វិធានការទាំងឡាយដែលរុស្ស៊ីប្រកាន់យក គឺតំណាងឱ្យការរំលោភបំពានអធិបតេយ្យភាពអ៊ុយក្រែន និងជាការរំលោភបំពានមួយលើច្បាប់អន្តរជាតិ ។ ប្រធានាធិបតីអាមេរិកអះអាងថា ពិភពលោករួមគ្នាខ្លាំងដើម្បីទទួលស្គាល់ថា បណ្តាវិធានការដែលរុស្ស៊ីប្រកាន់យក គឺតំណាងឱ្យការរំលោភបំពានអធិបតេយ្យភាពអ៊ុយក្រែន និងជាការ
ប្រធានាធិបតីអាមេរិក លោក បារ៉ាក់ អូបាម៉ា អះអាងថា វិធានការទាំងឡាយដែលរុស្ស៊ីប្រកាន់យក គឺតំណាងឱ្យការរំលោភបំពានអធិបតេយ្យភាពអ៊ុយក្រែន និងជាការរំលោភបំពានមួយលើច្បាប់អន្តរជាតិ ។ ប្រធានាធិបតីអាមេរិកអះអាងថា ពិភពលោករួមគ្នាខ្លាំងដើម្បីទទួលស្គាល់ថា បណ្តាវិធានការដែលរុស្ស៊ីប្រកាន់យក គឺតំណាងឱ្យការរំលោភបំពានអធិបតេយ្យភាពអ៊ុយក្រែន និងជាការរំលោភបំពានលើច្បាប់អន្តរជាតិ ។ ដូច្នេះសហរដ្ឋអាមេរិកប្រកាសផ្អាកកិច្ចសហប្រតិបត្តិការយោធារបស់ខ្លួនជាមួយរុស្ស៊ី មុនការមកដល់ទីក្រុងគៀវ នាថ្ងៃទី៤ កុម្ភៈ របស់រដ្ឋមន្ត្រីការបរទេសអាមេរិក លោក ចន គ័ររី ។
អគ្គលេខាធិការ អ.ស.ប លោក បាន គីមូន អំពាវនាវឱ្យធានាឯករាជ្យភាព ឯកភាព និងបូរណភាពដែនដីអ៊ុយក្រែន ដោយស្នើដល់រុស្ស៊ីឱ្យបញ្ឈប់រាល់សកម្មភាពដែលអាចនាំឱ្យមានភាពតានតឹងកាន់តែខ្លាំងថែមទៀត ។រួមប្រជុំគ្នាជាបន្ទាន់ កាលពីថ្ងៃទី៣ មីនា បណ្តារដ្ឋមន្ត្រីការបរទេសសហភាពអឺរ៉ុប បានសម្តែងការព្រួយបារម្ភយ៉ាងខ្លាំងបំផុត ។ រដ្ឋមន្ត្រីការបរទេសអាល្លឺម៉ង់ លោក Frank Walter Steinmeier វាយតម្លៃថា វិបត្តិអ៊ុយក្រែន ជាវិបត្តិដ៏អាក្រក់បំផុតមួយនៅអឺរ៉ុប ចាប់តាំងពីការដួលរលំមហាកំពែងក្រុងប៊ែរឡាំងមក ។
បណ្តារដ្ឋមន្ត្រីការបរទេសអឺរ៉ុបបានចោទប្រកាន់រុស្ស៊ីត្រង់ៗថា រំលោភបំពានអធិបតេយ្យភាពអ៊ុយក្រែន តាមរយៈអំពើឈ្លានពានរបស់កងទ័ពរុស្ស៊ី ។ បណ្តាមេដឹកនាំសហភាពអឺរ៉ុប នឹងជួបប្រជុំកំពូលវិសាមញ្ញនាថ្ងៃទី៦ មីនា នៅក្រុងព្រុចសែល ។ ចំណែកអង្គការអូតង់ នឹងបើកធ្វើកិច្ចប្រជុំថ្មីមួយទៀតថា្នក់ឯកអគ្គរដ្ឋទូតរបស់បណ្តាប្រទេសជាសមាជិកស្តីពីសភាពការណ៍នៅអ៊ុយក្រែន តាមសំណើរបស់ប៉ូឡូញ ។
នៅលើទីផ្សារហិរញ្ញវត្ថុរុស្ស៊ីវិញ ព្រោះតែការបារម្ភចំពោះបណ្តាផលវិបាកលើសេដ្ឋកិច្ចរុស្ស៊ី ដោយសារទណ្ឌកម្មជាយថាហេតុនានា ភាគហ៊ុននៅក្រុងមូស្គូ ធ្លាក់ចុះជាង១០% ប្រាក់រូប្លិ៍ធ្លាក់ថ្លៃ ទល់នឹងប្រាក់អឺរ៉ូ ឬប្រាក់ដុល្លារ ។ វិបត្តិនៅអ៊ុយក្រែនបណ្តាលឱ្យភាគហ៊ុនអឺរ៉ុប និងអាមេរិក Wall Street ធ្លាក់ចុះដែរ ប៉ុន្តែមន្ត្រីជាន់ខ្ពស់រុស្ស៊ីម្នាក់និយាយថា នោះគ្រាន់តែជាបញ្ហាបណ្តោះអាសន្នប៉ុណ្ណោះ បនិ្តចទៀតនឹងវិលមកធម្មតាវិញហើយ ៕
ចែករំលែកព័តមាននេះ