តើអ្នកមានដែលគិតទេថា នាយកប្រតិបត្តិក្រុមហ៊ុននីមួយៗធ្វើដូចម្តេចខ្លះ ដើម្បីបន្តជំរុញឲ្យអាជីវកម្មរបស់ពួកគេរីកចម្រើនតមុខរហូត ? ខាងក្រោមនេះ គឺយុទ្ធសាស្ត្រមួយចំនួនដែលត្រូវបានចែករំលែកដោយនាយកប្រតិបត្តិដែលជោគជ័យ ៖ ១. ភាពបើកទូលាយ អ្នកស្រី…
តើអ្នកមានដែលគិតទេថា នាយកប្រតិបត្តិក្រុមហ៊ុននីមួយៗធ្វើដូចម្តេចខ្លះ ដើម្បីបន្តជំរុញឲ្យអាជីវកម្មរបស់ពួកគេរីកចម្រើនតមុខរហូត ? ខាងក្រោមនេះ គឺយុទ្ធសាស្ត្រមួយចំនួនដែលត្រូវបានចែករំលែកដោយនាយកប្រតិបត្តិដែលជោគជ័យ ៖
១. ភាពបើកទូលាយ
អ្នកស្រី Kara Goldin ដែលជាស្ថាបនិក និងនាយកប្រតិបត្តិបរស់ក្រុមហ៊ុន Jint Inc បានឲ្យដឹងថា អ្នកស្រីតែងតែរកពេលវេលា ដើម្បីអបអររាល់ការសម្រេចបានថ្មីៗរបស់ក្រុមហ៊ុន ឬពេលដែលក្រុមហ៊ុនទទួលស្វាគមន៍បុគ្គលិកថ្មី និងបង្កើតបានផលិតផលថ្មីជាដើម ។ ពេលដែលអ្នកស្រីចូលរួមកម្មវិធី និងសកម្មភាពទាំងនោះ ក្រុមការងាររបស់អ្នកស្រីមើលឃើញអ្នកស្រី ហើយពួកគេអាចជំរុញគ្នាទៅវិញទៅមក ។
២. វាស់វែងគោលដៅរយៈពេលខ្លី និងវែង
លោក Brandon Dawson ដែលជាស្ថាបនិក និងនាយកប្រតិបត្តិរបស់ក្រុមហ៊ុន Audigy បានចែករំលែកថា អ្នកនឹងចាប់ផ្តើមខ្ចិល ប្រសិនបើអ្នកមើលទៅឆ្ងាយពេក ។ លោកជាមនុស្សដែលយកគោលដៅរយៈពេល៣ឆ្នាំរបស់ខ្លួនមកបែកចែកជាគោលដៅតូចៗ តាមសប្តាហ៍ខែ និងត្រីមាសទៅវិញ ។ លើសពីនេះទៅទៀត លោកកត់សម្គាល់ពីសារៈសំខាន់នៃការជំរុញឲ្យក្រុមការងារធ្វើអ្វីដែលសំខាន់សម្រាប់ពួកគេ និងក្រុមហ៊ុនដោយតភ្ជាប់គោលដៅបុគ្គលទៅនឹងគោលដៅអាជីវកម្ម ហើយអ្នកត្រូវតែបង្កើតបរិស្ថានដែលសប្បាយ និងមានភាពប្រកួតប្រជែង ។
៣. ផ្តោតសំខាន់លើការគិត
ស្ថាបនិករបស់ក្រុមហ៊ុន Inspire Me និងអ្នកនិពន្ធសៀវភៅ You Are Meant for More គឺអ្នកស្រី Andrea Collanan បានប្រាប់មកថា ទម្លាប់គិត គឺជាកត្តាសំខាន់ជំរុញដល់ការរីកចម្រើនក្នុងក្រុមហ៊ុន ។ វារួមមានការរំលឹកគុណ ការតាំងសមាធិ ការស្រមើស្រមៃ និងសកម្មភាពមួយចំនួន ។ នៅពេលធ្វើការ អ្នកស្រីគិតថា ការជំរុញឲ្យមនុស្សមានគំនិតលូតលាស់រីកចម្រើនជាកត្តាសំខាន់ដែលជួយឲ្យមនុស្សដើរទៅមុខទាំងអស់គ្នា រួមជាមួយនឹងការយល់ដឹងពីខ្លួនឯង ការដឹកនាំ និងការប្រាស្រ័យទាក់ទងដោយមានភាពច្បាស់លាស់ផងដែរ ៕ កែសម្រួលដោយ ៖ សុឃាក់
ចែករំលែកព័តមាននេះ