រាជធានីភ្នំពេញ ៖ យុវជនម្នាក់ត្រូវមិត្តភក្តិយកដាវសាមូរ៉ៃភ្ជង់ប្លន់យកម៉ូតូ និងសម្ភារមួយចំនួននៅជាប់ខ្លួនអស់ បន្ទាប់ពីមិត្តភក្តិនោះទូរស័ព្ទហៅឱ្យទៅជួបនៅផ្ទះរបស់គេ និងបានចាក់សោទុកក្នុងបន្ទប់ចអស់មួយយប់ទៀត កាលពីវេលាម៉ោងជាង៩យប់ថ្ងៃទី១ ខែមីនា នៅផ្ទះលេខ៩៦ ផ្លូវលេខ៥១២ ក្នុងសង្កាត់ផ្សារដើមថ្កូវ ខណ្ឌចំការមន ។
រាជធានីភ្នំពេញ ៖ យុវជនម្នាក់ត្រូវមិត្តភក្តិយកដាវសាមូរ៉ៃភ្ជង់ប្លន់យកម៉ូតូ និងសម្ភារមួយចំនួននៅជាប់ខ្លួនអស់ បន្ទាប់ពីមិត្តភក្តិនោះទូរស័ព្ទហៅឱ្យទៅជួបនៅផ្ទះរបស់គេ និងបានចាក់សោទុកក្នុងបន្ទប់ចអស់មួយយប់ទៀត កាលពីវេលាម៉ោងជាង៩យប់ថ្ងៃទី១ ខែមីនា នៅផ្ទះលេខ៩៦ ផ្លូវលេខ៥១២ ក្នុងសង្កាត់ផ្សារដើមថ្កូវ ខណ្ឌចំការមន ។
ប្រភពបានឱ្យដឹងថា ជនរងគ្រោះឈ្មោះកែវ មករា អាយុ២៥ឆ្នាំ មានទីលំនៅផ្ទះលេខ១៧២ ផ្លូវលេខ៣១BT ក្នុងភូមិសន្សំកុសលទី១ សង្កាត់បឹងទំពុន ខណ្ឌមានជ័យ ចំណែកជនសង្ស័យឈ្មោះគង់ សុភ័ក្រ្ត អាយុ២៣ឆ្នាំ និងម្នាក់ទៀតឈ្មោះដន ចិន្តា ហៅកុក អាយុ៣២ឆ្នាំ ។
បើតាមប្រភពពីជនរងគ្រោះបានឱ្យដឹងថា រូបគេត្រូវមិត្តភក្តិម្នាក់ឈ្មោះគង់ សុភ័ក្រ្ត ដែលមានផ្ទះនៅជិតគ្នាទូរស័ព្ទហៅឱ្យទៅជួបនៅផ្ទះឈ្មោះដន ចិន្តា ហៅកុក កាលពីវេលាម៉ោង៨ និង៣០នាទីយប់ លុះដល់ម៉ោងជាង៩ ក៏ត្រូវមិត្តិភក្តិដែលជាម្ចាស់ផ្ទះយកដាវសាមូរ៉ៃមកភ្ជង់រូបគេ និងប្រាប់ឱ្យឈ្មោះគង់ សុភ័ក្រ្ត យកកាបូបលុយ នាឡិកាដៃ និងបានយកម៉ូតូម៉ាកឌ្រីនសង់សេ១២៥ ស៊េរីឆ្នាំ២០១១ ពណ៌ខ្មៅ ពាក់ស្លាកលេខភ្នំពេញ AT-៨៧៥១ របស់ខ្លួននាំគ្នាជិះចេញទៅបាត់ដោយចាក់សោទុករូបគេម្នាក់ឯងនៅក្នុងបន្ទប់អស់មួយយប់ ។
លុះដល់ថ្ងៃទី៣ មីនា ទើបបានឃើញឈ្មោះគង់ សុភ័ក្រ្តត្រឡប់មកផ្ទះវិញ ហើយបានប្រាប់ថា ម៉ូតូត្រូវបានឈ្មោះដន ចិន្តា ហៅកុកជាអ្នកយកទៅ ។ ជនសង្ស័យត្រូវជនរងគ្រោះនិងបងប្អូនរបស់គេធ្វើការចាប់បញ្ជូនខ្លួន និងដាក់ពាក្យបណ្តឹងទៅឱ្យនគរបាលបុស្តិ៍ផ្សារដើមថ្កូវ ដើម្បីធ្វើការស៊ើបអង្កេត និងចាត់ការទៅតាមច្បាប់ ។
ចែករំលែកព័តមាននេះ