នៅDONETSK នាភាគខាងកើតប្រទេសអ៊ុយក្រែន កាលពីថ្ងៃទី៣ មីនា ចាប់តាំងពីវេលារសៀលទៅ ពួកសកម្មជនស្និទ្ធរុស្សុីបានលើកគ្នាមកកាន់កា.ប់សភាតំបន់ និងអគាររដ្ឋទាំងឡាយព្រមទាំងលើកទង់ជាតិរុស្ស៊ី ។ សកម្មជនទាំងនោះដូចការប្រកាសរបស់តំណាងពួកគេ លោកប៉ាវ៉ែល ហ្គូបារេហ្វ ដូច្នេះដែរ គឺទាមទារឱ្យមានការបោះប្រជាមតិមួយអំពីការដាក់បញ្ចូលតំបន់ DONETSK ទៅ
នៅDONETSK នាភាគខាងកើតប្រទេសអ៊ុយក្រែន កាលពីថ្ងៃទី៣ មីនា ចាប់តាំងពីវេលារសៀលទៅ ពួកសកម្មជនស្និទ្ធរុស្សុីបានលើកគ្នាមកកាន់កាប់សភាតំបន់ និងអគាររដ្ឋទាំងឡាយព្រមទាំងលើកទង់ជាតិរុស្ស៊ី ។ សកម្មជនទាំងនោះដូចការប្រកាសរបស់តំណាងពួកគេ លោកប៉ាវ៉ែល ហ្គូបារេហ្វ ដូច្នេះដែរ គឺទាមទារឱ្យមានការបោះប្រជាមតិមួយអំពីការដាក់បញ្ចូលតំបន់ DONETSK ទៅក្នុងប្រទេសរុស្សុី ឬឱ្យទទួលបានស្វ័យភាពកាន់តែធំមួយពីក្រុងគៀវ ។ សហគ្រិនវ័យក្មេងរូបនេះក៏បរិហារផងដែរថា រដ្ឋាភិបាលថ្មីនិងសភាអ៊ុយក្រែនពុំស្របច្បាប់ ហើយទាមទារឱ្យមានការបោះឆ្នោតច្បាស់លាស់និងប្រកបដោយតម្លាភាពមួយ ។
នៅក្នុងសភាតំបន់ DONETSK បាតុករជាច្រើននាក់ចូលក្នុងបន្ទប់ប្រជុំសភា ហើយនៅទីនោះបណ្ដាវាគ្មិនឡើងថ្លែងក្រោមស្នូរទះដៃយ៉ាងកងរំពងពីសំណាក់មនុស្សគ្រប់វ័យដែលនាំគ្នាអង្គុយតាមកៅអីសភា ។ នៅលើវេទិកាបណ្ដាវាគ្មិនបានជេរបរិហារពួកប្រឆាំងដែលដណ្ដើមអំណាចនៅក្រុងគៀវថាជាពួកហ្វាស៊ីស ដែលរឹបអូសយកលទ្ធិប្រជាធិបតេយ្យអ៊ុយក្រែន ហើយអះអាងពីការងាករបស់ពួកគេទៅរករុស្សុី ហើយចង់ថែរក្សាភាសារុស្សុី ។ ថ្លែងទៅកាន់អ្នកកាសែតបរទេសបាតុករទាំងចាស់ទាំងក្មេង ដែលលើកបង្ហាញលិខិតឆ្លងដែនអ៊ុយក្រែន បានចោទប្រកាន់ប្រព័ន្ធផ្សព្វផ្សាយក្នុងស្រុកថា រាយការណ៍ព័ត៌មានបំផ្លើសនានាប្រឆាំងរុស្សុី ៕
ចែករំលែកព័តមាននេះ