រាជធានីភ្នំពេញ ៖ នៅវេលាម៉ោង១២ និង៣០នាទីថ្ងៃត្រង់ទី២៤ សីហា នេះ កម្លាំងជំនាញបានសម្រេចចាប់ផ្តើមវាយកម្ទេចនៅអគារដែលឆេះនេះហើយ ដោយផ្តើមចេញពីមួយចំហៀងអគារសិន ហើយការធ្វើឡើងនេះ គឺត្រូវមានការប្រុងប្រយ័ត្នបំផុត…
រាជធានីភ្នំពេញ ៖ នៅវេលាម៉ោង១២ និង៣០នាទីថ្ងៃត្រង់ទី២៤ សីហា នេះ កម្លាំងជំនាញបានសម្រេច
ចាប់ផ្តើមវាយកម្ទេចនៅអគារដែលឆេះនេះហើយ ដោយផ្តើមចេញពីមួយចំហៀងអគារសិន ហើយការធ្វើឡើងនេះ គឺត្រូវមានការប្រុងប្រយ័ត្នបំផុត ។ យោងតាមប្រភពពីមន្ត្រីជំនាញបានឱ្យកោះសន្តិភាពដឹងទៀត ថា សំណល់អគារដែលឆេះនេះ គឺត្រូវចំណាយពេលចំនួន១០ទៅ២០ថ្ងៃឯណោះ ដើម្បីវាយកម្ទេច និងរៀបចំសម្អាតឱ្យបានត្រឹមត្រូវឡើងវិញ ។
ប្រភពបន្តថា ប្រតិបត្តិការវាយកម្ទេចអគារខាងលើ គឺនឹងត្រូវធ្វើ២ដំណាក់កាល ដំណាក់កាលទី១-គឺត្រូវវាយរបងដែលនៅហ៊ុមព័ទ្ធជុំវិញអគារនោះសិន ក្រោយមកត្រូវប្រើអេស្កាវ៉ាទ័រប្រមូលកាយកាកសំណល់ទាំងនោះ និងដំណាក់ទី២-ទើបត្រូវបន្តវាយកម្ទេចសំណង់អគារទាំងមូលតែម្តង ។
កម្លាំងជំនាញបានឱ្យដឹងទៀតថា ក្នុងការប្រើអេស្ការវ៉ាទ័រកាយកាកសំណល់អគារទាំងនោះ ក៏ត្រូវការបាញ់ទឹកលើគំនរឆេះបណ្តើរៗដែរ ដើម្បីពន្លត់រងើកភ្លើងដែលវានៅសេសសល់តិចតួច និងចៀសវាងបង្កកើតមានអគ្គិភ័យជាថ្មីទៀតនោះ ។ (សម្រួលដោយ៖ ស្រីណា)
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ