មានការភ្ញាក់ផ្អើលក្រោយតារាចម្រៀងបែបសុភាពរមទម្យ និងល្បីទាំងក្នុងប្រទេសនិងក្រៅប្រទេស គឺទៀង មុំសុធាវី បានបង្ហោះរូបបុរសវ័យកណ្តាលម្នាក់ លើបណ្តាញសង្គមនាងផ្ទាល់ ហើយពោលពាក្យថា «និស្ស័យ»។ ភ្លាមៗ ក៏ទទួលបានការចាប់អារម្មណ៍ខ្លាំង…
មានការភ្ញាក់ផ្អើលក្រោយតារាចម្រៀងបែបសុភាពរមទម្យ និងល្បីទាំងក្នុងប្រទេសនិងក្រៅប្រទេស គឺ
ទៀង មុំសុធាវី បានបង្ហោះរូបបុរសវ័យកណ្តាលម្នាក់ លើបណ្តាញសង្គមនាងផ្ទាល់ ហើយពោលពាក្យ
ថា «និស្ស័យ»។ ភ្លាមៗ ក៏ទទួលបានការចាប់អារម្មណ៍ខ្លាំង ដោយសារគេយល់ថា នោះជាបុរសមាននិស្ស័យធ្វើជាគូគាប់របស់នាងហើយ ដោយអ្នកគាំទ្រនាងបានចូលរួមត្រេកអរ និងជូនពរគ្រប់ៗគ្នា ។
ទៀង មុំសុធាវី គឺជាតារាចម្រៀងដែលមានទឹកដមសំឡេងពីរោះរណ្តំចិត្តច្រៀង បានទាំងបទមរតកដើមចម្រៀងប្រពៃណីភ្លេងការ ក៏ដូចជាសម័យបច្ចុប្បន្ន ។ ស្រីស្អាតរូបនេះ និយមតែងកាយបែបបុរាណសុភាពរាបសារតាំងពីដើមមក ។ បើនិយាយពីអ្នកនៅក្រៅប្រទេសវិញ គឺស្គាល់នាងច្បាស់មិនថា អាមេរិកបារាំងអូស្ត្រាលី ឬកាណាដា នាងមានឱកាសចេញទៅសម្តែងជាញឹកញាប់ ។ ជាពិសេស នាងជាតារាចម្រៀងប្រចាំរាជវាំង និងការទូតផ្សេងៗ ដែលច្រៀងភាសាបរទេសបានច្រើនដូចជាថៃ វៀតណាម ហ្វីលីពីន ចិន ជាដើម ។
ដោយឡែក ងាកមកចាប់អារម្មណ៍លើគូនិស្ស័យដែលរូបនាងទម្លាយរូបផ្អែមល្ហែមប៉ុន្មានសន្លឹកនោះ កាន់តែមានការសួរនាំ និងចម្ងល់ច្រើនសួរថា «បុរសក្នុងរូបនោះមានរូបមន្តស្នេហ៍បែបណាខ្លះ បានជាឆក់បេះដូងតារាស្អាតស្រគត់ស្រគំនេះបាន?»។
លើសពីនេះ នៅមានគេលើកឡើងថា បុរសរូបនោះជាអាណិកជនខ្មែរនៅអាមេរិក ឬបារាំង ឬមួយជា
អ្នកក្នុងស្រុក ។ បើយោងលើសម្រស់របស់សុធាវីកន្លងមក មានការតាមចោមរោមច្រើនណាស់ ពីបុរសមួយចំនួនខ្លះ មានឋានៈធំដុំក៏ចង់ថ្ពក់ចិត្តនាងដែរ។ ប៉ុន្តែពេលនេះ នាងបានបង្ហាញការពិតច្បាស់លាស់ កុំឲ្យមានអ្នកតាមទាញយកបេះដូងនាងទៀត ព្រោះនាងប្រគល់ជូនបុរសម្នាក់នេះបាត់ទៅហើយ។
យ៉ាងណាមិញ យើងនឹងព្យាយាមស្រាយចម្ងល់ហើយសាកសួរដល់សាមីខ្លួនទៀង មុំសុធាវី ជុំវិញមូលហេតុខាងលើ ។ (សម្រួលដោយ៖ ស្រីណា)
ចែករំលែកព័តមាននេះ