ADផ្ទាំងផ្សព្វផ្សាយពាណិជ្ជកម្ម

យុទ្ធសាស្ត្រងាយៗក្នុងការបង្កើតទំនាក់ទំនង

4 ឆ្នាំ មុន

២៣ ខែ សីហា ឆ្នាំ ២០១៩ ម៉ោង ១៧:០២

តើសហគ្រិនដែលជោគជ័យភាគច្រើនចាប់ផ្តើមដោយដូចម្តេច ? អ្នកស្រី Alice Loy ដែលជានាយកប្រតិបត្តិរបស់ក្រុមហ៊ុន Creative Startups បានចែករំលែកថា គ្មានសហគ្រិនណាមួយដែលចាប់ផ្តើមដោយដៃទទេនោះទេ ព្រោះពួកគេតែងតែមានទំនាក់ទំនងជាមួយមនុស្សដទៃ។
មនុស្សគ្រប់រូបស្ថិតក្នុងបណ្តាញមួយដែលតភ្ជាប់មនុស្ស និងសង្គមព្រមទាំងធនធានហិរញ្ញវត្ថុផងដែរ ។ បើទោះជាអ្នកមិនទាន់ស្គាល់មនុស្សដែលអាចជួយអ្នកពិតមែនក្តី នាពេលបច្ចុប្បន្ន អ្នកអាចរៀនសូត្របាន និងឈានទៅរកភាពជាសហគ្រិនដែលជោគជ័យដោយសាកល្បងធ្វើតាមយុទ្ធសាស្ត្រខាងក្រោមនេះ ៖

១. ចាប់ផ្តើមពីប្រភពដើមរបស់អ្នក ៖ សហគ្រិនចាប់ផ្តើមជាមួយនឹងទំនាក់ទំនងដែលពួកគេមានជាមួយដែលមនុស្សដែលស្គាល់ស្រាប់ រួចពង្រីកវាបន្តិចម្តងៗ ។ លោក Reid Hoffman ដែលជាស្ថាបនិករបស់ក្រុមហ៊ុន LinkedIn បានបកស្រាយមកថា សហគ្រិនគួរតែចាប់ផ្តើមបង្កើតទំនាក់ទំនងជាមួយមនុស្សដែលមានជំនឿចិត្តលើអ្នកស្រាប់ និងអ្នកដែលដឹងថា អ្នកវៃឆ្លាត ព្រមទាំងមានសមត្ថភាពប៉ុណ្ណាដែលអាចជួយដល់អ្នកបាន ។

២. ជួយអ្នកដទៃមុន ៖ លោក Lewis Howes ដែលជាសហគ្រិន និងស្ថាបនិករបស់ School of Greatness បានផ្តល់យោបល់មកថា កត្តាមួយដែលសំខាន់ក្នុងការបង្កើតទំនាក់ទំនង គឺការផ្តល់តម្លៃភ្លាមៗដល់មនុស្សដែលអ្នកទើបតែស្គាល់ថ្មី ។ វាមានន័យថា រាល់ពេលដែលអ្នកដឹងថា មនុស្សដទៃត្រូវការជំនួយប្រភេទអ្វីអ្នកគួរតែចេញសកម្មភាពជួយ ។ អ្នកដែលពូកែបង្កើតទំនាក់ទំនងតែងតែវិនិយោគនៅថ្ងៃនេះ ដើម្បីបង្កើតឱកាសសម្រាប់ថ្ងៃស្អែក ។

៣. ណែនាំសហគ្រិនគ្នាឯង ៖ វិធីដែលល្អជាងគេដែលសហគ្រិនអាចអនុវត្ត ដើម្បីបង្កើតទំនាក់ទំនង គឺណែនាំសហគ្រិនដទៃដែលពួកគេស្គាល់ ។ ដោយហេតុដូចនេះការណែនាំខ្លួនពិតជាសំខាន់ណាស់ ព្រោះសហគ្រិនមួយរូបៗមិនមានពេលវេលាច្រើនឡើយ ។ អ្នកស្រី Loy បានបកស្រាយថា អ្នកស្រីតែងតែសួរមនុស្សដែលអ្នកស្រីស្គាល់ពីបញ្ហាដែលពួកគេកំពុងចង់ដោះស្រាយ និងណែនាំអ្នកដែលអ្នកស្រីស្គាល់ទៅពួកគេដើម្បីកសាងជំនឿចិត្តជាដើម ៕ កែសម្រួលដោយ ៖ សុឃាក់