ខេត្តព្រៃវែង ៖ បុរសប្រមឹកម្នាក់ធ្វើឱ្យមានការភ្ញាក់ផ្អើលពេញតំបន់អ្នកលឿងត្រើយខាងកើត ដោយសារតែបុរសរូបនោះ ផឹកស្រាស្រវឹងជោកជាំ ហើយដើរទៅដួលបោកក្បាលនឹងទ្រូងថ្នល់ រហូតបែកក្បាលឈាមហូរស្រោចខ្លួនដេកសន្លប់ស្តូកស្តឹងនៅចំកណ្តាលទ្រូងថ្នល់ និងធ្វើឱ្យមានការកកស្ទះចរាចរអស់មួយសន្ទុះធំ។
ខេត្តព្រៃវែង ៖ បុរសប្រមឹកម្នាក់ធ្វើឱ្យមានការភ្ញាក់ផ្អើលពេញតំបន់អ្នកលឿងត្រើយខាងកើត ដោយសារតែបុរសរូបនោះ ផឹកស្រាស្រវឹងជោកជាំ ហើយដើរទៅដួលបោកក្បាលនឹងទ្រូងថ្នល់ រហូតបែកក្បាលឈាមហូរស្រោចខ្លួនដេកសន្លប់ស្តូកស្តឹងនៅចំកណ្តាលទ្រូងថ្នល់ និងធ្វើឱ្យមានការកកស្ទះចរាចរអស់មួយសន្ទុះធំ។
ហេតុការណ៍ភ្ញាក់ផ្អើលខាងលើនេះ បានកើតឡើងកាលពីវេលាម៉ោង៥ល្ងាច ថ្ងៃទី០១ មីនា នៅលើកំណាត់ផ្លូវជាតិលេខ១ ត្រង់ចំណុចផ្លូវកែងបំបែកជា៤ ខាងមុខហាងលក់ម៉ូតូក្រុមហ៊ុនហុងដា ដែលស្ថិតក្នុងភូមិ៣ ឃុំព្រែកខ្សាយ(ខ) ស្រុកពាមរក៌ ។ រីឯបុរសប្រមឹកម្នាក់នោះគឺជាជនជាតិវៀតណាម ប៉ុន្តែពុំត្រូវបានគេស្គាល់ឈ្មោះនោះទេ គ្រាន់តែគេដឹងថា បុរសម្នាក់នេះមានម្តាយជាអ្នកលក់បាយនៅមុខផ្សារអ្នកលឿង។
ប្រភពព័ត៌មានពីប្រជាពលរដ្ឋនៅកន្លែងកើតហេតុបានឱ្យដឹងថា មុនពេលកើតហេតុគេឃើញបុរសប្រមឹករូបនោះ ដើរតែម្នាក់ឯងមកពីទិសខាងជើង តាមផ្លូវទំនប់ខាងកើតផ្សារ ក្នុងស្ថានភាពស្រវឹងជោក ។ ពេលឆ្លងថ្នល់ដល់កណ្តាលផ្លូវសុខៗ ស្រាប់តែដួលទៅលើថ្នល់ បោកក្បាលនឹងថ្នល់យ៉ាងដំណំ រហូតសន្លប់ស្តូកស្តឹងលែងមាត់ក ចំណែកក្បាលផ្នែកខាងក្រោយបែកមានឈាមហូរចេញមកយ៉ាងច្រើន។ ដោយព្រួយបារម្ភខ្លាចមានម៉ូតូ ឬរថយន្តបើកមកកិនបុរសប្រមឹករូបនោះស្លាប់ ទើបក្រុមអ្នករត់ម៉ូតូឌុបបាននាំគ្នាសែងបុរសរូបនេះ យកទៅដាក់នៅក្រោមសំយាបផ្ទះអ្នកស្រុកដែលនៅក្បែនោះ ហើយក៏បានរាយការណ៍ទៅសមត្ថកិច្ចឱ្យមកជួយអន្តរាគមន៍សម្រួលចរាចរណ៍ និងហៅម្តាយបុរសប្រមឹកម្នាក់នោះឲ្យមកទទួលយកកូនទៅព្យាបាលនៅឯផ្ទះ ។
ប្រជាពលរដ្ឋនៅតំបន់អ្នកលឿងនេះបាននិយាយដូចៗគ្នាថា បាតុភាពបែបនេះវាបានក្លាយទៅជាទំលាប់របស់បុរសប្រមឹកម្នាក់នេះទៅហើយ ព្រោះរូបគេតែងតែស្រវឹងវង្វេងវង្វាន់បែបនេះជារៀងរាល់ថ្ងៃ រហូតដល់ក្រុមគ្រួសារធុញទ្រាន់និងលែងគិតគូរជាយូរណាស់មកហើយ៕
ចែករំលែកព័តមាននេះ