រាជធានីភ្នំពេញ ៖ កាលពីល្ងាចថ្ងៃទី២៨ កុម្ភៈ ក្រុមហ៊ុនStar8 Solar បានប្រារព្ធពិធីសម្ពោធផលិតផលច្នៃប្រឌិតដើរដោយថាមពលព្រះអាទិត្យដាក់ឲ្យដំណើរការជាលើកដំបូងនៅកម្ពុជា ។ ពិធីនេះមានការអញ្ជើញចូលរួមជាអធិបតីពីលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា លោកស្រីAlison Burrow ឯកអគ្គរដ្ឋទូតប្រទេសអូស្ត្រាលីប្រចាំកម្ពុជា លោក Jacob Maimon និង
រាជធានីភ្នំពេញ ៖ កាលពីល្ងាចថ្ងៃទី២៨ កុម្ភៈ ក្រុមហ៊ុនStar8 Solar បានប្រារព្ធពិធីសម្ពោធផលិតផលច្នៃប្រឌិតដើរដោយថាមពលព្រះអាទិត្យដាក់ឲ្យដំណើរការជាលើកដំបូងនៅកម្ពុជា ។ ពិធីនេះមានការអញ្ជើញចូលរួមជាអធិបតីពីលោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា លោកស្រីAlison Burrow ឯកអគ្គរដ្ឋទូតប្រទេសអូស្ត្រាលីប្រចាំកម្ពុជា លោក Jacob Maimon និងលោកLan Lancaster អ្នកតំណាងរបស់Star 8 Solar លោកQuentin Peng Khim So នាយកគ្រប់គ្រងក្រុមហ៊ុន UNT Wholesale និងមានការអញ្ជើញចូលរួមពីលោក លោកស្រីជាភ្ញៀវកិត្តិយសប្រមាណ៨០០នាក់ ផ្សេងទៀត ។
ក្រុមហ៊ុន Star 8 Solar មានទស្សនវិស័យក្នុងការបើកឲ្យដំណើរការមជ្ឈមណ្ឌលនេះជាង១២ខែកន្លងមកហើយ បន្ទាប់ពីមានចុះកិច្ចព្រមព្រៀងរួមសហការជាមួយក្រុមហ៊ុនUNT Wholesale ក្នុងប្រទេសកម្ពុជារួចមក ។ លោក Jacob Maimon នាយកគ្រប់គ្រងក្រុមហ៊ុន បាននិងកំពុងអនុវត្តជំហាននៃទស្សនវិស័យរបស់លោកបានលេចចេញជារូបរាងនៅពេលដែលរ៉ឺម៉កម៉ូតូដើរដោយថាមពលព្រះអាទិត្យចាប់ផ្តើមបើកចេញពីមជ្ឈមណ្ឌលផលិតថាមពលក្នុងរាជធានីភ្នំពេញនាដើមឆ្នាំ២០១៤នេះ ។
មជ្ឈមណ្ឌលនេះនឹងក្លាយជាមូលដ្ឋានដ៏សំខាន់មួយក្នុងតំបន់ដែលមានផលិតផលច្នៃប្រឌិតដើរដោយថាមពលព្រះអាទិត្យជាច្រើនប្រភេទដែលបានផលិតនិងដំឡើងនៅទីនេះ ។ ប្រភេទសូឡារួមមានផ្ទាំងសូឡាស្តើង ផ្ទាំងសូឡាភ្លឺបន្ទះដំបូលសូឡារួមទាំងប្រភេទបន្ទះដំបូលស៊ីម៉ង់ត៍សូឡាស្តង់ដា ដែលប្រើសម្រាប់ភ្ជាប់ជាមួយបន្ទះ ដំបូលសូឡាផ្ទាល់ខ្លួន។ លើសពីនេះមជ្ឈមណ្ឌលក៏មានគ្រោងនឹងផលិតនូវប្រភេទសូឡាកញ្ចក់ស្តើងផងដែរ ។
ក្រុមហ៊ុនStar 8 Solaបាននាំមកនូវបច្ចេកវិជ្ជានិងការច្នៃប្រឌិតលើថាមពលព្រះអាទិត្យមកកម្ពុជាដោយប្រើធនធានមនុស្សក្នុងតំបន់សម្រាប់ការងារទំាងអស់នេះ ។ ប្រទសកម្ពុជាជាប្រទេសកំពុងអភិវឌ្ឍន៍ ដូច្នេះយើងបាននាំមកនូវបច្ចេកវិជ្ជានេះដល់កម្ពុជាដោយមិនគិតពីផលតបស្នងអ្វីឡើយ គឺដើម្បីពង្រឹងទំនាក់ទំនងរវាងប្រទេសទំាងពីរកម្ពុជា-អូស្រ្តាលី ឲ្យកាន់តែរឹងមំា ខណៈដែលវិស្វករ និងអ្នកបច្ចេកទេសរបស់យើងបានបណ្តុះបណ្តាលក្រុមការងារនៅទីនេះដើម្បីសម្រេចនូវរាល់ការងារក្នុងវិស័យដ៏ថ្មីនេះ ។ ទន្ទឹមនឹងនេះក្រុមហ៊ុនក៏បានផ្តល់ការងារដល់ប្រជាជនកម្ពុជាប្រហែល៣០០នាក់ ឲ្យមានការងារធ្វើនៅក្នុងមជ្ឈមណ្ឌលនេះថែមទៀត ។ ថាមពលសូឡារបស់យើងនឹងជួយដល់អ្នកដំណើរនិងរឺុម៉កម៉ូតូ ព្រមទំាងរថយន្តតាក់ស៊ី និងរថយន្តក្រុងដែលដើរដោយថាមពលព្រះអាទិត្យដំបូងបង្អស់របស់ពិភពលោកដែលជាការចូលរួមជួយកាត់បន្ថយការបំពុលបរិស្ថានក្នុងទីក្រុងបានយ៉ាងច្រើនគួរឲ្យកត់សម្គាល់ ។
លោកQuentin Peng Khim So នាយកគ្រប់គ្រងក្រុមហ៊ុនUNT Wholesale មានប្រសាសន៍ថា លោករំពឹងថាប្រទេសកម្ពុជានឹងមានភាពស្រស់បំព្រង និងមានអនាម័យជាមួយបន្ទះសូឡា ។ វាអាចជួយកាត់បន្ថយការបំពុលបរិស្ថានក្នុងទីក្រុងបានយ៉ាងច្រើនគួរឲ្យកត់សម្គាល់ ។ លោកបញ្ជាក់បន្ថែមថា ក្រុមហ៊ុនរបស់យើងនឹងធ្វើការជាមួយប្រជាជននៅតាមទីរួមខេត្តឆ្ងាយៗដើម្បីផ្តល់នូវប្រភេទសូឡាខ្នាតូចសម្រាប់កសិដ្ឋានដើម្បីជួយផ្តល់នូវថាមពលដល់អ្នកភូមិ ព្រមទាំងសូឡាខ្នាតធំសម្រាប់ការសាកថាមពលមកវិញនូវរថយន្តសូឡា ។ ការចូលរួមនេះក្នុងគោលបំណងផ្តល់នូវភាពរីកចម្រើននិងគុណភាពសម្រាប់ប្រជាជននៅតាមតំបន់ឆ្ងាយៗរបស់ប្រទេសកម្ពុជា ។
ក្នុងឱកាសនោះលោកស្រីលោកស្រីAlison Burrow ឯកអគ្គរដ្ឋទូតប្រទេសអូស្ត្រាលីប្រចាំកម្ពុជាមានប្រសាសន៍ថា ក្នុងនាមលោកស្រីជាឯកអគ្គរដ្ឋទូតប្រទេសអូស្ត្រាលីក៏ដូចជាតំណាងឲ្យរដ្ឋាភិបាលអូស្រ្តាលី សូមសម្ដែងការគាំទ្រនិងជំរុញព្រមទាំងលើកទឹកចិត្តដល់អ្នកវិនិយោគទំាងអស់ដែលបានសហការគ្នាបានយ៉ាងល្អបង្កើតបាននូវក្រុមហ៊ុននេះឡើងហើយនេះជាទីកន្លែងមួយដែលបង្កើតឲ្យមានផលិតផលប្រើប្រាស់ថាមពលព្រះអាទិត្យហើយក៏ជាសកម្មភាពមួយដែលយើងកំពុងនំាគ្នាចូលរួមជួយគ្នាក្នុងការកាត់បន្ថយការបំពុលបរិស្ថានផងដែរ ៕
ចែករំលែកព័តមាននេះ