រាជធានីភ្នំពេញ ៖ រថយន្តកាមរីបាឡែនចេញពីផឹកស៊ីបានបើកដេញបុកម៉ូតូស្គូពីកូនទាមួយគ្រឿង រួចក៏ជ្រុលទៅចូលផ្ទះលក់មីឆានិងបុករះម៉ូតូ៤គ្រឿងទៀត បណ្តាលឱ្យរងរបួសធ្ងន់២នាក់ ស្រាល៣នាក់ កាលពីវេលាម៉ោង១២ និង0៥នាទីរំលងអធ្រាត្រឈានចូលថ្ងៃទី៣ មីនា ២០១៤ ស្ថិតនៅចំណុចផ្លូវលេខ២៨៩ កែង៦១៤ ទល់មុខផ្សារទួលគោក ក្នុងភូមិ១៦ សង្កាត់បឹងកក់ទី២ ខណ្ឌទួលគោក ។
រាជធានីភ្នំពេញ ៖ រថយន្តកាមរីបាឡែនចេញពីផឹកស៊ីបានបើកដេញបុកម៉ូតូស្គូពីកូនទាមួយគ្រឿង រួចក៏ជ្រុលទៅចូលផ្ទះលក់មីឆានិងបុករះម៉ូតូ៤គ្រឿងទៀត បណ្តាលឱ្យរងរបួសធ្ងន់២នាក់ ស្រាល៣នាក់ កាលពីវេលាម៉ោង១២ និង0៥នាទីរំលងអធ្រាត្រឈានចូលថ្ងៃទី៣ មីនា ២០១៤ ស្ថិតនៅចំណុចផ្លូវលេខ២៨៩ កែង៦១៤ ទល់មុខផ្សារទួលគោក ក្នុងភូមិ១៦ សង្កាត់បឹងកក់ទី២ ខណ្ឌទួលគោក ។
ប្រភពបានឲ្យដឹងថា មុនពេលកើតហេតុ យុវជន២ក្រុមបានចូលទៅផឹកស៊ីនៅហាងបុប្ជារីករាយ ដែលទីតាំងនៅខណ្ឌទួលគោក ខណៈពេលផឹកស៊ីបានដឺឌងដាក់គ្នា លុះពេលចេញត្រឡប់ទៅផ្ទះវិញ ត្រូវបានមួយក្រុមជិះរថយន្តកាមរីបាឡែន ពណ៌ទឹកប្រាក់ អត់ស្លាកលេខ បើកបរតាមផ្លូវលេខ២៨៩ ពីជើងទៅត្បូង ជិះដេញតាមបុកយុវជន២នាក់ ជិះម៉ូតូស្គូពីកូនទា ពណ៌ទឹកសមុទ្រលាយស អត់ស្លាកលេខ បណ្តាលឲ្យដួលរងរបួសធ្ងន់២នាក់ ហើយរថយន្តរេចង្កូតទៅបុកចូលហាងលក់មីឆា និងបុករះអស់ម៉ូតូ៤គ្រឿង ទៀត ធ្វើឱ្យរងរបួសកូនម្ចាស់ហាង និងបុគ្គលិក៣នាក់ទៀតរងរបួសស្រាល ។
បន្ទាប់ពីកើតហេតុ អ្នករងរបួសធ្ងន់ត្រូវរថយន្តសង្គ្រោះដឹកយកទៅព្យាបាលនៅគ្លីនិកឯកជន ចំណែករថយន្តបង្ក និងម៉ូតូដែលរងការខូចខាតទាំង៥គ្រឿង ត្រូវសមត្ថកិច្ចយកទៅរក្សាទុកនៅការិយាល័យនគរបាលក្រុង ដើម្បីរង់ចាំការដោះស្រាយ។
ចែករំលែកព័តមាននេះ